日本關西。大阪﹑京都6天遊 @ 2013 冬

有時候緣份就係咁奇妙，自從四年前去過日本之後呢段時間都冇再打算再去日本，我係一個唔喜歡買野，唔食海鮮既人，日本對我黎講吸引力唔太大，當年去東京都係因為妹妹想去所以先陪佢去玩玩；直到十二月頭既一個早上，突然見到大阪機票特價，而且價錢更加係意想不到，我就問問妹妹佢對大阪有冇興趣和有冇時間；我諗日本對女仔真係好吸引，妹妹即刻好快手拎本護照出來叫我幫手買機票，大阪旅程就因為咁而開始^^

由買機票到出發只有兩日時間，事前我對大阪完全唔認識，有咩玩去邊玩更加唔知，只係知道日本呢個咁先進既地方唔洗擔心，去到就冇問題，而家不如擔心一下冇錢洗仲好啦，即日趕係銀行關門前成功去到換好日圓，咁就冇野好擔心lu；之後一日去圖書館借左大阪旅遊書睇下，又book好酒店買好保險，可以收拾心情等出發啦^^



日本關西6天行程：
Day 1： 香港 - 大阪 
Day 2： 大阪 - 京都 - 大阪
Day 3： 大阪 - 神戶 - 大阪
Day 4： 大阪 - 池田 - 大阪
Day 5： 大阪 - 京都 - 奈良 - 大阪
Day 6： 大阪 - 香港
（住宿大阪 Hotel Le Botejour Nanba Annex）

長沙。愛晚亭紅葉

^^ 普天同慶既聖誕節又到啦，祝大家聖誕快樂 ^^

 < 成都﹑九寨溝﹑重慶12天遊 >

第十二天

過左咁多日終於到左返屋企既大日子，欣賞左九寨溝美景，又見到金黃銀杏，仲去左幾個唔同風格既古鎮，呢次短短既旅程好豐富好充實，四川真係有好多好地方，唔知將來會唔會再返來呢個咁靚既地方呢！係返屋企之前，先去另一個靚地方^^

重慶古鎮。磁器口古鎮

 < 成都﹑九寨溝﹑重慶12天遊 >

第十一天

前一個晚上終於買好左機票，明天可以返屋企啦^^今日仲有一日時間係重慶，雖然少就少左D，不過唔緊要，原本都冇諗過去重慶，對重慶冇任何特別期望，今次來到算見識過重慶已經好滿足啦^^今日仲有一日時間要好好珍惜，去一個重慶我最有興趣既地方--磁器口古鎮

山城重慶

 < 成都﹑九寨溝﹑重慶12天遊 >

第十天(續)

又再次離開成都，今日一別，不知何時再回來......
一路向東走，去到成都火車東站，一個好新好大既火車站；好彩售票處唔多人排隊，成功買到下班開去重慶既火車票

成都古鎮。黃龍溪古鎮

 < 成都﹑九寨溝﹑重慶12天遊 >

第九天

一早又起身啦，係成都咁多日都唔知有咩好做，成都市內好多想去既地方已經去過啦，但因為仲未買返香港既機票，所以都係留多日諗清楚點返屋企先；既然有一日時間又要諗下去邊玩，簡簡單單近近地去個地方就算，最後揀左黃龍溪古鎮

成都。錦里﹑闊窄巷子﹑人民公園

 < 成都﹑九寨溝﹑重慶12天遊 >

第七天(續)

由九寨溝坐左10個鐘車返到成都，好快係旅舍食完晚餐就要趕去睇川劇；川劇由旅舍報名每人120蚊包來回接送，原本都好期待川劇之中好出名既變瞼﹑噴火等等表演，不過今次中晒伏唔去好過去，唉......

唔知做咩既表演

童話世界九寨溝（下篇）

 < 成都﹑九寨溝﹑重慶12天遊 >

第六天

九寨溝第二個早上依然凍，今日唔洗再咁早起身啦，因為就算咁快去到都未有車去長海，所以約好朋友慢慢食完早餐9:30先出發行去九 寨溝；今日唔洗買門票，但就要迫入去售票處買車票，然後就可以正式入場上車（見到有唔少人由條路行上去，佢地應該冇買到車票，不過我諗只要行幾公里上山路 去到樹正寨就有機會偷偷地上到車；車上從來冇人查票，行幾公里可以睇到靚景之餘又可以慳80蚊我都想行）；上車既時候仲未知部車去邊，直至去到諾日朗先有 指示部車轉左定轉右，今次好好彩坐緊既呢部車係轉左去長海，唔洗轉車

童話世界九寨溝（上篇）

 < 成都﹑九寨溝﹑重慶12天遊 >

第四天

終於到左出發去九寨溝既大日子，一早起身先收拾好行李，將冇用既野先寄存係旅舍，只係拎一個小 背囊出發；去九寨溝可以選擇坐車or坐飛機，飛機大約一個鐘就到，而且可以居高臨下欣賞到下面既雪山風景，不過價錢比較貴；坐巴士大約需要10個鐘，如果 有時間又唔怕辛苦既話坐巴士都係一個唔錯既選擇，係旅途上面仲可以見到一D飛機唔會見到既畫面

成都。熊貓基地看熊貓

 < 成都﹑九寨溝﹑重慶12天遊 >

第三天

今日繼續hea遊成都，唔諗住去好多地方，只會去熊貓基地探探可愛熊貓BB；既然係hea遊當然唔會咁早出發，但其實好多人都話去熊貓基地最好既時間應該係朝早7-8點，咁早係因為D熊貓食早餐既時候先最生猛，過左早餐時間，好多熊貓就會好似海洋公園既熊貓咁，隻隻都灘晒係道唔願郁；不過算啦我先唔咁早起身

成都古鎮。洛帶古鎮

 < 成都﹑九寨溝﹑重慶12天遊 >

第二天

今日既目的地就係呢道啦

成都﹑九寨溝﹑重慶12天遊 @ 2012 秋

秋天係去旅行既好日子，天氣清涼又可以欣賞美麗秋色，每年都好期待秋天到來！今次原定計劃去婺源﹑宏村，睇好靚好靚好 既紅葉，但諗諗下婺源個邊交通都幾煩，一個人去包架車又好似唔係好抵，坐巴士班次少時間又難就，呢樣野研究左好多日都仲未有結果...就係研究緊婺源既時 候，有一日半夜咁岩比我留意到深圳飛成都既機票突然減價變到只係二百幾，就即刻手快快買左先算，起碼去四川既準備冇咁複雜，以前又去過大約都知道成都既環 境，所以可以安心等出發；由買機票至出發其實只係大約有一星期時間準備，好快就去到出發既日子，又可以去四川啦，仲有想去好耐好耐既九寨溝


成都﹑九寨溝﹑重慶12天行程：
Day 1： 香港 - 成都
Day 2： 成都 - 洛帶古鎮
Day 3： 成都 - 熊貓基地
Day 4： 成都 - 九寨溝
Day 5： 九寨溝
Day 6： 九寨溝
Day 7： 九寨溝 - 成都
Day 8： 成都 - 錦里﹑人民公園﹑闊窄巷子
Day 9： 成都 - 黃龍溪古鎮
Day 10：成都 - 重慶
Day 11：重慶 - 磁器口古鎮
Day 12：重慶 - 長沙 - 香港
   成都住宿 -- 成都懶骨頭青年旅舍
   九寨溝住宿 -- 九寨溝自由國際青年旅舍

坐綠皮火車到廣州

< Hello Kitty Cafe & Canton 3天遊 >

1/8/2013

 

平時去廣州坐直通巴士比較多，貪佢夠平，單程90來回170；但今次要先到深圳處理銀行戶口問題，冇得搭巴士lu，就趁機過下火車癮坐火車上廣州

Hello Kitty Cafe & Canton @ 2013 夏

八月既時候有事要去廣州一轉，諗落坐幾個鐘車去又坐幾個鐘車返，如果咩都唔做咪好蝕底？要好好諗下廣州有咩好玩先得！廣州其實真係冇咩特別野好玩， 特別既地方唔多，加上之前都去過廣州n次，想去既都已經去晒啦，拎起本廣州旅遊書諗有咩玩真係諗到頭都暈，既然廣州冇地方想去就不如諗諗廣州附近有咩正野啦；最後用左唔洗一秒時間即刻有答案：Hello Kitty Cafe！！之前如果要去Hello Kitty餐廳，最近應該係台北Hello Kitty Sweet，再唔係就要去首爾，估唔到今年竟然係佛山出現一間Hello Kitty Cafe（係正版唔係山寨），喜歡Hello Kitty既我當然要去朝拜一下！！

原本去Hello Kitty Cafe呢D咁可愛既地方都唔打算話比人知，自己靜靜雞去完就算，但出發前幾日比朋友知道左之後竟然有多3位朋友加入，真係估唔到大家咁有興趣，不過大家都唔敢同人講自己去Hello Kitty Cafe，所以呢3位朋友身份要絕對保密，怕比人知道會笑死人bor；不過我唔怕既，比人知道咪比人知道囉，邊個叫Hello Kitty咁得意咩，哈哈

由廣州去Hello Kitty Cafe好方便，只要坐地鐵到祖廟站，出站後行大約10分鐘就到；Hello Kitty Cafe就係祖廟站旁邊嶺南天地入面

興坪古鎮 與 陽朔

< 龍脊梯田﹑陽朔 4天遊 >

第三天(續)

離開龍脊梯田回到桂林，事不宜遲繼續前往下一個目的地--陽朔

龍脊梯田 後篇

< 龍脊梯田﹑陽朔 4天遊 >

第三天

夜晚訓得好舒服，好唔捨得呢個溫暖被窩；相比起前一晚火車上，完全係天堂與地獄，下次坐硬坐之前都係要諗清楚，唔係必要都真係唔好坐座位，始終有張床係舒服好多好多~
一早五點幾起身睇下有冇日出睇先，但見到咁既情況...都係訓多陣算啦

龍脊梯田﹑陽朔 4天遊 @ 2013 夏

平時見到既田大多數都位於平地，易於耕種；但中國西南地方好似廣西﹑貴州等等，好多地方都係高山，平地少，農民 就要係山上開闢梯田耕種，所以呢d地方四周圍都可以發現梯田，上年同一大班朋友去過貴州加榜梯田，而今次就唔去貴州，去左比較近香港既廣西龍脊梯田，龍脊因為梯田規模大，梯田又多又高，係廣西比較罕見，所以就有「世界梯田之冠」稱號；龍脊梯田最靚既時候係春天放水同中秋金黃色時間，但好可惜今次去早左十日，所以見唔到最靚既灌水梯田，最靚時間應該農歷四月十五之後，梯田會放滿水，今次有小小美中不足......


短短4日半行程：
Day 1：香港 - 廣州 - 桂林             (宿：火車上)
Day 2：桂林 - 龍脊梯田                (宿：龍脊美景樓)
Day 3：龍脊梯田 - 桂林 - 陽朔         (宿：陽朔花滿樓青年旅舍)
Day 4：陽朔 - 興坪古鎮 - 陽朔 - 深圳  (宿：巴士上)
第五天上午順利返到香港

婺源。中國最美麗鄉村

< 杭州﹑黃山﹑婺源﹑安徽古鄉 7天夢幻之旅 >

第六天(續)

離開宏村，向今次旅程最後一個目的地婺源出發~
婺源位於江西省，同位於安 徽省既黃山﹑宏村雖然好似係兩個完全唔同既地方，但其實婺源正正係安徽旁邊，古時婺源係徽州一部分，所以係婺源可以見到同宏村一樣既徽派建築，可以食到徽 派菜式，只係現代劃分行政區時婺源被劃入江西省；既然一場來到安徽，就順道看看呢個「中國最美麗鄉村」

婺源景點比較分散，最方便當然是包 車啦，由其好似我地呢D時間唔多既朋友；婺源最佳旅游時間就係春天，金黃色油菜花盛開，全個婺源都會比油菜花覆蓋，正常大約係三月中下旬時間就可以見到美 麗既油菜花；但世事又點會咁完美，今年天氣熱，油菜花亦提早開花，而且不時落大雨將油菜花打落，去到我去呢個時間，婺源油菜花已經所餘無幾...唔通呢D 就係溫室效應既影響？

安徽古村。宏村 畫裡的鄉村

< 杭州﹑黃山﹑婺源﹑安徽古鄉 7天夢幻之旅 >

第五天(續)

離開盧村，一轉眼就去到宏村，兩個地方距離好近

安徽古村。盧村 油菜花與木雕樓

< 杭州﹑黃山﹑婺源﹑安徽古鄉 7天夢幻之旅 >

第五天(續)

黃山又唔係想像中咁辛苦，可能而家有纜車上落，唔似以前既年代要行上行落，而且有兩日時間可以慢慢行，天氣又舒服，感覺好好多；離開黃山先返去湯口鎮阿拉酒店拎返寄存既行李，再出發去盧村

沿路有好多油菜花田，睇油菜花係今次去安徽﹑江西其中一個目的，但美中不足係今年天氣比正常早左回暖，油菜花早左開，呢個時間已經錯過油菜花盛開既季節，而且天氣又唔好，落雨打落左好多油菜花，所以今次只係見到零碎既油菜花咋...但總好過冇啦......

黃山 (下篇)

< 杭州﹑黃山﹑婺源﹑安徽古鄉 7天夢幻之旅 >

第四天(續)

西海飯店真係太舒服啦，唔經唔覺就係道休息左個幾鐘；到出來既時候就出事啦，明明頭先入去時都算天氣唔錯，但出來既時候就超級大霧，個日落點算好呢？

黃山 (上篇)

 < 杭州﹑黃山﹑婺源﹑安徽古鄉 7天夢幻之旅 >

第三天(續)

由杭州去黃山要好幾個鐘車程，沿途風景好靚，有好多好靚既油菜花，由其浙江省境內油菜花特別靚特別多

紹興﹑西湖﹑太子灣公園

< 杭州﹑黃山﹑婺源﹑安徽古鄉 7天夢幻之旅 >

第二天

六點半起身準備開始第二日既旅程，因為今次成個trip都時間緊迫，所以都冇辦法啦要早出晚歸，玩得幾多得幾多，都唔知幾時再有機會再返來，雖然好多時旅行都係咁好似辛苦左少少，但我好享受每一個旅程~今日就係咁成為左全房最早起身既人

出發去火車站前問左hostel職員行去火車站要幾耐？職員答覆係行20分鐘就到...我都唔係好信架啦，成3公里路邊有可以20分鐘行得完，最後用左極速行都要行30分鐘先到，結論係20分鐘跟本冇可能行得完，其實搭巴士好快到，但行下當晨運都唔錯

好大既杭州火車站，杭州好多地方都興建緊地鐵，市中心好多地方都係地鐵地盤，暫時有種污煙瘴氣感覺，相信過多幾年起好左地鐵會好好多

杭州﹑黃山﹑婺源﹑安徽古鄉 7天夢幻之旅 @ 2013 春

好多人都話黃山係中國其中一個最靚既山，「五嶽歸來不看山；黃山歸來不看嶽」，黃山究竟係唔係真係好似傳聞講到「黃山歸來不看嶽」咁誇張？如果係都唔錯，咁就唔洗再去其他五嶽@@今次黃山旅程已經期待左好耐，本來應該早一個月自己出發，不過有小小阻滯所以去唔成...「塞翁失馬，焉知非福」，咁岩復活節又有朋友去黃山，咁就岩晒啦可以跟住朋友一齊去，而且朋友已經plan好晒全個旅程，酒店﹑包車﹑行 程都唔洗小弟操心，只要買好來回火車票就可以安心收拾心情，期待今年第一個旅程~


今次7日行程：
Day 0：香港 - 深圳 - 南昌              (宿：火車上)
Day 1：南昌 - 杭州                     (宿：杭州柳湖小築青年旅舍 )
Day 2：杭州 - 紹興 - 杭州              (宿：杭州柳湖小築青年旅舍)
Day 3：杭州 - 湯口                     (宿：湯口阿拉酒店)
Day 4：湯口 - 黃山風景區               (宿：黃山西海飯店)
Day 5：黃山風景區 - 湯口 - 盧村 - 宏村  (宿：宏村松鶴堂客棧)
Day 6：宏村 - 婺源 - 屯溪 - 深圳        (宿：火車上)
Day 7：深圳 - 香港

Monkey Icons