< 台南﹑阿里山﹑高雄5天遊 >
我已經好耐冇去旅行啦，如果要數上次旅行要數到上年十月日本九州之旅，即係足足一年冇旅行過！突然間覺得自己好叻點解可以忍到咁耐都唔去玩，哈哈^^經過一年時間，今年十一月終於搵到一個五日小小既假期比我休息一下，成就左呢個台灣小旅程；其實我咁多年都未去過台灣，原本今次目的地都唔一定係台灣，本身冇咩邊道特別想去，只係想搵個地方離開香港行下，咁岩有位台灣朋友邀請我去台灣，咁就唔洗諗咁多一於台灣啦！因為朋友住高雄關係所以今次飛去高雄而唔係相對熱門既台北，不過台灣南部一樣有好多野玩架，可以比我去多幾日就好啦！
台灣（台南﹑阿里山﹑高雄）5天行程：
Day 1： 香港 - 高雄 - 台南。赤崁樓﹑林百貨﹑孔廟﹑花園夜市
Day 2： 台南 - 嘉義 - 奮起湖 - 阿里山國家森林遊樂區
Day 3： 阿里山。祝山﹑沼平﹑神木 - 嘉義 - 台南
Day 4： 台南。安平古堡﹑安平樹屋﹑夕遊出張所 - 高雄。六合夜市
Day 5： 高雄。打狗英國領事館﹑旗津半島﹑三多商圈 - 香港
台南住宿：富朗飯店﹑Leo ho Hostel
阿里山住宿：青山別館
高雄住宿：雲端精緻旅館
