2016年12月24日星期六

東京。築地市場﹑上野﹑淺草寺﹑酒酒井Outlets

< 東京﹑富士山﹑飯能9天遊 >

第七天

行完富士山之後,今次黎東京既目標已經達成,冇咩特別地方想去,就係東京四圍行下;幾年前曾經黎過東京,但仲有好多地方未去,襯仲有小小時間去多啲唔同地方睇下



2016年12月10日星期六

富士山登山(須走路線落山)

< 東京﹑富士山﹑飯能9天遊 >

第六天(續)

富士山日出順利睇過,日本最高既劍峰又上左,登山之旅可以結束?話就話上山目標已經完成,實際上呢啲都唔會係今次登山之旅既終點,大家最終目的地係五合目先真;唔好以為上到劍峰就可以鬆懈,落山先係真係既地獄,老土啲都要講句「上山容易落山難」,落山流既汗比上山更多! 



2016年12月3日星期六

富士山登山(山頂日出 及 鉢巡路線)

< 東京﹑富士山﹑飯能9天遊 >

第六天

身處富士山之中,海拔3400米本八合目之上,已經可以傲視日本群山,除左本身富士山外日本已經冇其他山比呢道更高,而家位置比日本第二高山「北岳」仲要高二百米;黑暗中望唔到富士山山頂,我只知道山頂離我好近,就係上面大約三百米高既地方



2016年11月26日星期六

富士山登山(吉田路線上山)

< 東京﹑富士山﹑飯能9天遊 >

第五天

上富士山日子終於到,今個日本旅程最大原因係為富士山而黎,目標係上到富士山山頂睇日出同去日本最高既地方--海拔3776米劍峰,今次可唔可以成功除左要靠信心之外,運氣都係一個重要因素,富士山咁高天氣變化可以好大,萬一山上大風大雨基本上唔洗行啦...定好上山日子後只可以寄望呢兩日有好天氣 


2016年11月19日星期六

東京。高尾山 與 河口湖薰衣草祭

< 東京﹑富士山﹑飯能9天遊 >

第四天

一朝早七點起身出發,今日要離開東京市區,去到富士山旁邊既河口湖,方便之後一日上山;先將大背囊同冇用既野留係東京,轉用細小小既行山背囊出發!

2016年11月5日星期六

東京。飯能 登山少女 聖地巡禮

< 東京﹑富士山﹑飯能9天遊 >


第三天

聖地巡禮今日正式開始!除左電影電視劇會實景拍攝之外,日本好多漫畫都會以現實世界為背景,愛好者會去到拍攝地或取材地參觀,呢樣可以叫做朝聖或者聖地巡禮;今次旅程因漫畫<登山少女>而起,好自然會去漫畫主角所在到參觀一下,今日就會去到漫畫主要地方「飯能」

2016年10月22日星期六

東京。JAL工場見學﹑明治神宮﹑入谷牽牛花祭﹑秋葉原

< 東京﹑富士山﹑飯能9天遊 >

第一天

出發去日本之前先要準備一下,要book住宿同參觀,再買定日本上網卡,順便上amazon訂定想要既野,好快就搞掂可以等出發;今次其中一個重點係行山,所以係香港近近地行過幾次,當係熱身啦:出發前一星期終於確定好行程同改住宿時間,好快就到左出發大日子啦

2016年10月15日星期六

日本關東。東京﹑富士山﹑飯能9天遊。2016。夏

 < 東京﹑富士山﹑飯能9天遊 >


炎炎夏日,第一次夏天去日本,目標好清晰,要上富士山頂朝聖!上富士山呢個念頭好多年前已經有,案計劃原本最快要下年先會去,直到今年年頭睇左一套動畫/漫畫《Let's go!登山少女》,突然再次燃燒起行山興趣,決定今年要上富士山朝聖,或者叫聖地巡禮會更適合;富士山每年七月至九月頭呢一小段時間會向公眾開放登山,打鐵襯熱決定好七月頭上山後即刻同老細請假;我一向都知道富士山大概情況,當到自己真係要上山要都係要認真準備一下,係準備期間同朋友講開今年想去富士山,估唔到有朋友有興趣而且又就到時間,所以今次唔洗自己一個上山多個伴啦

向富士山出發!

 

日本關東(東京﹑富士山﹑飯能)九天行程:
Day 1: 香港 - 東京
Day 2: 東京。JAL工場見學﹑原宿﹑明治神宮﹑入谷牽牛花祭﹑秋葉原
Day 3: 東京 - 飯能聖地巡禮 - 東京
Day 4: 東京。高尾山 - 河口湖。八木崎公園薰衣草祭
Day 5: 河口湖 - 富士山登山(吉田路線)
Day 6: 富士山登山(鉢巡路線﹑須走路線) - 東京
Day 7: 東京。築地市場﹑池袋﹑上野
Day 8: 東京。淺草寺﹑酒酒井Outlets
Day 9: 東京 - 香港

東京住宿:Oak Hostel Zen
河口湖住宿:富士ロイヤルホテル河口湖(Fuji Royal Hotel Kawaguchiko)
富士山住宿:本八合目トモエ館(8th Station TOMOE KAN)

2016年10月8日星期六

大阪。十五天旅程完成

< 日本中部﹑關西﹑中國15天遊 >

第十四天

終於到左日本之旅最後一日,聽日呢個時間已經返到香港;今日冇特別行程,上午去買下野,下午出發去機場

2016年10月1日星期六

大阪。大阪歴史博物館﹑大阪生活今昔館﹑HEP FIVE摩天輪﹑大阪市立科學館﹑黑門市場﹑空中庭園展望台﹑天然溫泉浪速之湯

< 日本中部﹑關西﹑中國15天遊 >

第十三天

大阪周遊卡係大阪玩好有用,琴日一日時間已經去左大阪好多地方,我買既周遊卡係兩日劵今日可以繼續用;因為好多想去既地方琴日已經去左,今日一於懶啲唔再玩咁盡,九點先起身再慢慢出門口

2016年9月25日星期日

大阪。大阪城﹑四天王寺﹑天王寺動物園﹑通天閣﹑聖瑪利亞號﹑天保山大觀覧車﹑道頓堀水上觀光船﹑天然露天溫泉SPA住之江

< 日本中部﹑關西﹑中國15天遊 >

第十二天

唔經唔覺過左十二日,大部份計劃去既地方已經去左,今日開始唔會再去遠既地方,會留返係大阪;一向都覺得大阪係一個大城市,冇風景又冇靚地方去,多數人係大阪都係shopping同食野,所以我對大阪冇咩期望,不過既然一埸黎到就係大阪玩下啦

2016年9月11日星期日

京都。銀閣寺﹑平安神宮﹑八坂神社﹑清水寺

< 日本中部﹑關西﹑中國15天遊 >

第十一天(續)

上午去既北野天滿宮﹑金閣寺位於京都西邊,下午黎到位於京都東邊既銀閣寺﹑清水寺等等地方;京都唔係好大,坐巴士好快就去到啦,首先去到銀閣寺參觀

2016年9月4日星期日

京都。北野天滿宮﹑金閣寺

< 日本中部﹑關西﹑中國15天遊 >

第十一天

京都以前曾經去過,作為一個非常有歷史既古都,歷史古蹟又邊有咁快去得晒,今日又再次去到京都市區,遊覽京都名勝古蹟

2016年8月28日星期日

宇治。平等院﹑宇治上神社

< 日本中部﹑關西﹑中國15天遊 >

第十天(續)

宇治最出名應該係抹茶,係香港都可以食到(真假就唔知啦),除此之外宇治仲有好多地方值得去,可以參觀到世界遺產;宇治距離京都好近,大約二十分鐘車程,之前未去過今次我就去走返轉

2016年7月31日星期日

京都。伏見稻荷大社

< 日本中部﹑關西﹑中國15天遊 >

第十天

連續兩日去左岡山,想去既地方暫時已經去晒,今日唔再去咁遠,只係近近地去京都宇治行下;京都以前曾經去過,不過好多地方都未去,今次可以補返未去又想去既地方啦;而家諗返用「Kansai WIDE Area Pass」去京都其實係好唔抵,應該去遠既地方先抵架,個時冇諗咁多,想去就去lu

2016年7月3日星期日

岡山。西大寺會陽裸祭

< 日本中部﹑關西﹑中國15天遊 >

第九天(續)

日本唔同地方都有特色祭典活動舉行,呢啲祭典好多時一年先舉辦一次,如果唔係專登就時間,要咁岩遇到都唔係易;就係咁岩係出發前幾日係網上見到有人講岡山就快舉行呢個祭典,咁岩又係我係日本既日子,最後就黎左呢道啦,唔係見有人講我都未聽過有個咁特別既活動,哈哈

2016年6月26日星期日

姫路。姫路城﹑EVA 500系新幹線

< 日本中部﹑關西﹑中國15天遊 >

第九天

日本有好多大大小小唔同城堡,幾乎每個大城市都會有一座,之前我有參觀過熊本城﹑岡山城等等,但要數日本最出名一定係位於兵庫縣姫路市既「姫路城」,佢直頭係日本人心目中既國寶,今日我就會去到姬路城參觀啦

2016年6月12日星期日

岡山。岡山城﹑後樂園﹑倉敷美觀地區

< 日本中部﹑關西﹑中國15天遊 >

第八天(續)

離開四國,去到中國地區岡山;岡山係日本雨量最少既地區,有「晴天之國」之稱,今日就遇到好靚既晴天啦

2016年6月5日星期日

高松。玉藻公園﹑讚岐烏冬

< 日本中部﹑關西﹑中國15天遊 >

第八天

關西﹑中國﹑四國之旅正式開始!頭四日會用關西廣域周遊卡離開大阪,先去一啲遠少少既地方,之後兩日會用大阪周遊卡係大阪市內漫遊;同之前北陸旅程有少少唔同,之前同朋友一齊都唔敢玩到咁誇張,而家我自己一個就可以慳慳地平遊日本啦

2016年5月29日星期日

澳門。尋找黃色小鴨之旅

二零一六年五月

好多年冇去過澳門啦,曾經去過澳門幾次,講真我對澳門呢個地方冇興趣,記得早兩年玩遊戲拎過澳門免費船飛,我都諗唔到一個去澳門既理由所以送左比朋友,不過今次去澳門既理由就好大啦,我要去睇「黃色小鴨」丫!隻鴨仔咁得意想唔去探下佢都唔得啦!

2016年5月22日星期日

大阪。再見..白川鄉

< 日本中部﹑關西﹑中國15天遊 >

第六天(續)

短短五日既北陸旅程已經近尾聲,而家要起程離開呢個充滿雪既童畫世界白川鄉,返到屬於我地既現實世界,白川鄉...有緣再見!

2016年5月15日星期日

白川鄉。大雪中的童話世界

< 日本中部﹑關西﹑中國15天遊 >

第六天(續)

白川鄉--今次日本旅行因佢而來,一早已經比佢美景深深吸引,我亦都已經見過白川鄉美麗雪景;難得咁遠飛到黎日本,坐左咁多個鐘車黎到北陸,當然要多啲時間感受白川鄉美景,所以一早計劃去多一日白川鄉,希望見到白川鄉唔同風景

2016年5月8日星期日

高山。飛驒古川﹑宮川朝市

< 日本中部﹑關西﹑中國15天遊 >

第五天(續)

奧飛驒行程結束,要開始回程返大阪啦,首先要坐車返高山,再經白川鄉金澤最後到大阪,路途好遙遠;今晚先係高山住一晚,第二日再繼續趕路

2016年5月1日星期日

奧飛驒。雪白的新穗高雪山

< 日本中部﹑關西﹑中國15天遊 >

第五天(續)

浸過溫泉又食完早餐,可以開始今日既旅程,今日會去到今個旅程最高點,上超過海拔二千米既新穗高雪山,好耐都冇去過雪山啦

2016年4月24日星期日

奧飛驒。平湯溫泉旅館﹑平湯大滝結冰祭

< 日本中部﹑關西﹑中國15天遊 >

第四天(續)

好耐好耐之前計劃白川鄉行程時,係冇諗過會去到平湯溫泉,因為呢道交通比較唔方便,而且又要走回頭路,所以都唔諗住去到咁遠;之前我都講過今年天氣好反常,一月中時白川鄉都仲係冇積雪,為左增加睇到雪既機會,我就計劃去位於奧飛驒溫泉鄉既新穗高,相信山上會易啲有積雪;既然去到奧飛驒溫泉鄉,一於試試呢道既溫泉,我就揀左比較大既平湯溫泉

2016年4月10日星期日

高山。高山古街﹑高山陣屋﹑飛驒牛壽司

< 日本中部﹑關西﹑中國15天遊 >

第四天(續)

琴晚匆匆黎到高山又匆匆離開,未有時間係高山停留,今日終於有時間係高山遊覽一下,雖然只係短短幾個鐘,不過都夠去兩個高山重要既地方「高山古街」同「高山陣屋」;其實以前我係完全唔識高山呢個地方,係上年開始好多旅遊節目都介紹呢道先知有個咁既地方咋

2016年4月3日星期日

下呂溫泉。體驗日本三大名泉

< 日本中部﹑關西﹑中國15天遊 >

第三天(續)

由白川鄉黎到高山,好快就要再坐車向下呂出發;原本係冇諗過去下呂,不過book酒店時先發現今晚高山酒店超full,係full到大部份酒店都冇晒房,就算有房既一係好遠一係好貴,應該太多人黎睇點燈迫滿高山,最後四圍睇下邊道有得住就睇到去下呂,都好彩搵到個平平地既地方住,而且可以乘機試下日本三大名泉之一既「下呂溫泉」,總算冇白費去到咁遠

2016年3月28日星期一

五箇山。與白川鄉一樣美的童話世界

< 日本中部﹑關西﹑中國15天遊 >

第三天(續)

五箇山位於白川鄉附近,兩個地方都係世界文化遺產,可能五箇山既合掌屋冇白川鄉咁多,交通又冇咁方便,遊人亦都少好多;有時候少人都有少人既好處,起碼影相都方便啲,而家就出發去五箇山參觀

2016年3月20日星期日

白川鄉。走進雪白童話世界

< 日本中部﹑關西﹑中國15天遊 >

第三天

白川鄉就好似一個童話世界,白雪襯托住薑餅屋,同故事書入面既世界一樣,感覺似歐洲,更加似童話;今年世界各地天氣特別反常,香港冬天熱左好耐忽然又好凍,白川鄉呢道都唔例外,今年天氣異常咁熱,往年一般十一月就會開始積雪,而且經常落雪會越積越厚,不過今年就慘啦,去到一月中都因為天氣熱雪溶得快而積唔起雪,去到一月尾有寒流南下先叫有啲雪咋,今次可唔可以係白川鄉見到雪都係未知之數,正正因為咁所以我計劃左去兩次白川鄉,希望可以大啲機會見到白川鄉雪景啦

2016年3月13日星期日

金澤。兼六園點燈﹑富山拉麵

< 日本中部﹑關西﹑中國15天遊 >

第一天

今次日本旅程係出發前大約一個月已經買好機票,因為今次想去就去冇等機票特價,機票比前幾次去日本貴好多,不過有得去玩冇所謂啦(如果遲幾日買會平好多!);除左買機票之外其他要準備既野唔多,預定住宿﹑電話卡﹑交通pass﹑巴士飛,再買好保險就可以等出發

2016年3月6日星期日

日本。中部﹑關西﹑中國15天遊 @ 2016 冬

< 日本中部﹑關西﹑中國15天遊 >

到左二零一六年,唔洗等好耐二月就有旅行去啦,今次旅行目的地首選唔係日本,本來係計劃去東歐中歐個邊,不過諗諗下都係怕凍,而且又懶plan行程,去日本就唔洗花時間準備咁多,加上日本可以就到朋友一齊去,咁就去日本啦唔洗煩;成個行程可以分兩部份,頭幾日高山白川鄉係成個日本旅程既重點,最希望可以欣賞到靚雪景同嘆靚溫泉,第七日朋友就返香港lu,我見得閒就係日本留多幾日,之後好多時都係想去邊就去邊冇特別準備, 四圍行下企下已經好滿足

日本中部(白川鄉﹑高山﹑金澤﹑下呂﹑奧飛驆)+日本關西(大阪﹑京都﹑宇治﹑姫路)+日本中國(岡山﹑倉敷)15天行程:
Day 1: 香港 - 大阪
Day 2: 大阪 - 金澤 - 富山 - 金澤。兼六園
Day 3: 金澤 - 白川鄉 - 五箇山 - 白川鄉 - 高山 - 下呂
Day 4: 下呂 - 高山。高山古街﹑高山陣屋 - 平湯溫泉。平湯大滝
Day 5: 平湯溫泉 - 新穗高 - 高山 - 飛驆古川 - 高山
Day 6: 高山。宮川朝市 - 白川鄉 - 金澤 - 大阪
Day 7: 大阪。梅田﹑心齋橋
Day 8: 大阪 - 高松。玉藻公園 - 岡山。岡山城﹑後樂園 - 倉敷 - 大阪
Day 9: 大阪 - 姫路。姫路城 - 岡山。西大寺 - 大阪
Day 10: 大阪 - 京都。伏見稲荷大社 - 宇治。平等院﹑上神社 - 大阪。臨空城﹑心齋橋
Day 11: 大阪 - 京都。北野天滿宮﹑金閣寺﹑銀閣寺﹑平安神宮﹑祗園 - 大阪
Day 12: 大阪。大阪城﹑四天王寺﹑天王寺動物園﹑通天閣﹑聖瑪麗亞號﹑天保山摩天輪﹑心齋橋﹑SPA住之江
Day 13: 大阪。歴史博物館﹑今昔館﹑HEP FIVE摩天輪﹑科學館﹑黑門市場﹑藍天大廈展望台﹑浪速之湯
Day 14: 大阪。梅田
Day 15: 大阪 - 香港

     金澤住宿:Good Neighbors Hostel
     下呂住宿:小川屋酒店
     平湯住宿:山之湯 穗高莊
     高山住宿:Country Hotel Takayama
     大阪住宿:Ark Hostel

2016年2月21日星期日

香港。東華慈善嘉年華

二零一六年一月三十日

今星期經歷最凍一日,又落足幾日雨,星期六放假終於見到藍天陽光,最好就係去玩啦;好好彩係網上抽中左兩張東華慈善嘉年華同英國皇家雜技馬戲團門票,比我可以同媽媽去玩返日;香港差唔多每年都有唔同既嘉年華會,不過我咁多年都未有機會去,今次係第一次入場玩咋,我媽媽更加係第一次去嘉年華會同睇馬戲表演,大家都好期待入去玩

2016年2月14日星期日

高雄。旗後炮台﹑星空隧道﹑六合夜市

^^ 祝大家情人節快樂 ^^

< 台南﹑阿里山﹑高雄5天遊 >

第五天(續)

高雄位於海邊,係市中心之外有一個長長既小島旗津;旗津係一個踩單車既好地方,可以沿海邊慢慢踩,有隧道亦都有船連接,交通好方便,不過今次係即興去又唔夠時間唔可以踩單車啦,唯有用腳漫遊旗津

2016年2月8日星期一

高雄。六合夜市﹑打狗英國領事館

^^ 祝大家新年快樂﹑萬事如意﹑心想事成 ^^

< 台南﹑阿里山﹑高雄5天遊 >

第四天(續)

旅程第四日夜晚,由台南坐車返高雄

2016年1月31日星期日

台南。安平樹屋﹑安平老街﹑夕遊出張所

< 台南﹑阿里山﹑高雄5天遊 >

第四天(續)

安平除左安平古堡之外,仲有好多地方值得參觀,而家首先搵個地方食午餐,下午繼續遊覽安平區

2016年1月17日星期日

台南。安平古堡

< 台南﹑阿里山﹑高雄5天遊 >

第三天(續)

離開阿里山後,經嘉義轉車返台南,台南係一個歷史文化氣息非常重既地方,所以我選擇係台南留多一日,參觀台南歷史古蹟

2016年1月10日星期日

阿里山。沼平﹑神木

< 台南﹑阿里山﹑高雄5天遊 >

第三天(續)

阿里山有5個特色自然美景合稱為「阿里山五奇」,包括日出﹑雲海﹑晚霞﹑森林同鐵道,日出﹑雲海﹑晚霞今次就無緣見到,森林﹑鐵道都叫體驗過;阿里山國家森林遊樂區除左祝山之外,沼平﹑神木都有鐵道連接,今日繼續漫遊森林與鐵道

2016年1月3日星期日

阿里山。祝山日出﹑國家森林遊樂區

< 台南﹑阿里山﹑高雄5天遊 >

第二天(續)

奮起湖之後,將會去今日另一個重點「阿里山國家森林遊樂區」,即係平時我地叫開既阿里山!