檳城。姓氏橋﹑張弼士故居(藍屋)﹑KTM火車

^^ Merry Christmas and Happy New Year ^^

< 新加坡﹑馬來西亞8天遊 >

第五天（續）

今日係吉隆坡逗留短短幾個鐘，而家就要繼續北上，向位於馬來西亞北部既檳城出發！

吉隆坡。雙子塔﹑金三角﹑阿羅食街

 < 新加坡﹑馬來西亞8天遊 >

第五天（續）

與朋友分別，開始一個人吉隆坡之旅；吉隆坡交通好方便，由機場出市區可以選擇鐵路﹑巴士﹑的士，當中巴士車貴最平所以我就選擇坐巴士出市區（今個旅程相機出現問題，之後好多相都只係靠用左四年既舊電話影咋，希望大家多多包涵）

馬六甲。馬六甲古城﹑雞場街﹑娘惹博物館

 < 新加坡﹑馬來西亞8天遊 >

第四天（續）

由新山北上，好快就去到今日既目的地馬六甲啦！

新山。龜喀漁村﹑Johor Premium Outlet

< 新加坡﹑馬來西亞8天遊 >

第三天（續）

離開Hello Kitty Town好快就去到附近既legoland，不過我地只係諗住去門口望望，今次唔會入去玩啦；首先去到legoland酒店，入去參觀一下先

新山。Hello Kitty Town

 < 新加坡﹑馬來西亞8天遊 >

第二天（續）

由新加坡過橋，唔洗幾分鐘已經到達馬來西亞新山^^新加坡同新山距離就好似香港同深圳，大家都係一橋之隔非常近，所以好多到新加坡玩既遊人都會順路到新山走走，不過我地就特別啲係調轉，因為到馬來西亞所以先順路到新加坡望望^^新山最出名最多人去既地方應該係Legoland，我地唔會去Legoland啦，反而去左Hello Kitty Town，夠晒低B^^

新加坡。小印度﹑魚尾獅公園﹑牛車水

 < 新加坡﹑馬來西亞8天遊 >

第二天

新加坡之旅話咁快就到左最後一日啦，哈哈！今日仲有好多地方要去，所以九點鐘就準時出發，GoGoGo！

新加坡﹑馬來西亞8天遊 @ 2014 夏

~ 中秋佳節祝大家快快樂樂，人月倆團圓 ~

< 新加坡﹑馬來西亞8天遊 >

一個期待已久既星馬之旅終於要開始啦！呢個旅程真係期待左好耐好耐，由上年一位好朋友邀請，直到出發等左超過半年，所以呢個旅程真係多麼令人期待^^由計劃行程到出發所有野都唔需要我操心，所有準備工作由朋友代勞，十分十分感謝！而我做既就只係準備一個愉快心情，期待呢個又食又玩既愉快旅程到來！

今次我既星馬之旅可以分為兩部份，頭五日由新加坡到吉隆坡有一大班朋友一齊玩，之後會自己一個去檳城，不過檳城亦都有朋友等緊我，所以全個旅程都有朋友照顧，哈哈^^早於14/2已經買好新加坡機票，30/6買好馬來西亞回程機票，再book好檳城來回火車票同住宿，我既準備工作都差唔多啦，安心等出發！新加坡﹑馬來西亞我黎啦！



新加坡﹑馬來西亞（新山﹑馬六甲﹑吉隆坡﹑檳城）8天行程
Day 1： 香港 - 新加坡。Maxwell Food Centre﹑聖淘沙島﹑克拉碼頭
Day 2： 新加坡。小印度﹑魚尾獅公園﹑牛車水 - 馬來西亞新山。荔園
Day 3： 新山。Hello Kitty Town﹑Pulau Kukup(龜喀漁村)
Day 4： 新山。Johor Premium Outlet - 馬六甲。雞場街﹑馬六甲古城
Day 5： 馬六甲。古城﹑娘惹博物館 - 吉隆坡。雙子塔﹑金三角 - 檳城
Day 6： 檳城。姓氏橋﹑張弼士故居(藍屋)﹑觀音亭﹑聖喬治教堂﹑海灘
Day 7： 檳城。康華利古堡﹑銀行街﹑臥佛寺﹑緬甸廟﹑壁畫 - 吉隆坡
Day 8： 吉隆坡。獨立廣場﹑舊火車站﹑國家清真寺 - 香港
     新加坡住宿：The Plot Hostels
     新山住宿：KSL Hotel & Resort
     馬六甲住宿：Hatten Hotel Melaka
     檳城住宿：Ryokan @ Muntri Street

大理。昆明。香港

< 雲南大理﹑昆明6天遊 >

第五天(續)

離開hostel再次進入古城大街小巷，係走之前要先搵地方享受大理最後一餐晚餐

大理。大理古城 (Part 2)

 < 雲南大理﹑昆明6天遊 >

第五天

去到旅程第五日終於要離開大理，短短幾日大理之旅話咁快就過啦；今日都唔打算去啲咩地方，主要留係大理古城，希望可以用一日時間努力探索呢個大理古城啦

大理。大理古城 (Part 1)

 < 雲南大理﹑昆明6天遊 >

第四天(續)

向大理古城出發！

大理。喜洲古鎮

 < 雲南大理﹑昆明6天遊 >

第四天

唔經唔覺旅行已經過左一半啦，今日天氣都係非常好，日日都遇見咁靚既藍天好幸運丫！

大理。喜洲海舌半島

< 雲南大理﹑昆明6天遊 >

第三天(續)

坐上去下關巴士，向住又美麗又神秘既喜洲出發，雙廊有緣再見！

大理。雙廊古漁村 (Part 2)

< 雲南大理﹑昆明6天遊 >

第二天(續)
 
趴係枱上，訓左大約一個鐘就醒左啦，時間大約四點半，太陽都開始落山，唔知而家有咩好做呢？其實又唔一定要搵野做既，就咁係道hea下都唔錯啦

大理。雙廊古漁村 (Part 1)

< 雲南大理﹑昆明6天遊 >

第二天(續)

去到大理啦！三年前坐火車經過大理，今日終於可以係大理火車站落車！傳說大理最出名就係「風花雪月」，風花雪月代表下關風、上關花、蒼山雪、洱海月四大風景，究竟我見唔見到呢幾個風景呢？
1. 下關風：冇特別係下關感受，但有時候大理真係無啦啦好大風
2. 上關花：冇時間去上關睇花...
3. 蒼山雪：以前話蒼山終年積雪，但而家全球增溫加上夏天，咩雪都冇啦
4. 洱海月：我都算係見到架^^
大理之旅開始啦！！

昆明。建新園﹑金馬碧雞坊

< 雲南大理﹑昆明6天遊 >

第一天(續)

東風路算係昆明市中心，一出來就人多車多；今晚好夜先上火車，冇理由一早就去火車站等車掛？所以就去市區行行，希望可以hea到夠鐘先去火車站

雲南大理﹑昆明6天遊 @ 2014 夏

< 雲南大理﹑昆明6天遊 >

今年上半年本來都無計劃過任何旅行，機緣巧合之下出現左今次雲南大理之旅^^事源三月時中國旅遊雜誌有個送機票活動，本來我都無諗住參加，直到月尾又收到宣傳電郵，咁岩當時係地鐵無聊就隨意打幾個字參加一下，估唔到過幾日就收到得獎通知，獎品係香港快運航空送出既來回昆明機票，最後就變成左呢個雲南大理之旅！四月頭已經知道有機票可以用，不過我一直都無諗住去，都唔知去到有咩好做，又唔係太想去，直到四月尾，諗諗下覺得無理由有飛機都唔坐掛？平時又少坐飛機，當係遊機河都好，所以就嘗試訂機票啦^^出發前大約兩星期訂機票，搞左幾日終於成功，價錢係Tax$471加Fare$40（唔係免費咩？我都唔知呢個係咩費用，不過40蚊就算啦唔去問啦），總共$511，未試過坐咁平既飛機！而今次旅程主要都係四圍行下hea下，洗錢既地方唔多，返到來香港計算一下雲南洗費時先知道原來用左咁少錢，如果唔計最後一日係昆明超級市場買手信比媽媽，只計機票、保險、食住等等其他開支，只係用左$14xx咋，而且仲係港幣，今次既洗費真係少呢，算係喜出望外，哈哈^^

我知道雲南有好多靚地方，但突然間要我去我都唔知 去邊道好，本來諗住係昆明hea兩日就走，但上次去雲南時已經感受到昆明實在太無聊啦，都無地方想去…之後又諗過近近地去昆明東川紅土地，聽聞紅土地五月 風景唔錯；但原來紅土地話就話係昆明範圍，距離就好遠，要坐幾個鐘車不特只，仲要每日得晨早一兩班車，見到咁煩都係唔去啦，我都係想去hea下唔想諗咁 多；最後諗到去大理hea下都好似唔錯，大理方便易去又近昆明，最重要係唔洗煩咁多搭車問題，隨時上車都可以，所以就決定去大理一轉^^出發前個段時間比較忙，我都無咩時間去研究行程，大約諗好去邊，book好火車票同住宿，買好保險後安心等出發，大理我黎啦！！



雲南大理（雙廊﹑喜洲﹑古城）﹑昆明6天行程：
Day 1： 香港 - 昆明 - 大理
Day 2： 大理。雙廊
Day 3： 大理。雙廊 - 喜洲
Day 4： 大理。喜洲 - 古城
Day 5： 大理。古城
Day 6： 大理 - 昆明 - 香港
     雙廊住宿：榕驛國際青年旅舍
     喜洲住宿：芒果小屋
     古城住宿：慢吧國際青年旅舍

昆明。翠湖公園﹑圓通寺

 < 北京﹑西安﹑成都﹑雲南23天遊 >

第二十一天（續）

二十多日旅行即將結束，終於要踏上回家之路；二十日睇落好似好長，其實只係一轉眼既事，諗返第一日出發既情況，去過既每一個地方，所有事都好似岩岩發生咁，看似遙遠，其實好近

香格里拉。石卡雪山

 < 北京﹑西安﹑成都﹑雲南23天遊 >

第二十一天

最期待既日子終於來到啦，來到香格里拉最想就係上雪山，所以今日好早就起身食早餐，食飽左先有力上山架

香格里拉。虎跳峽

< 北京﹑西安﹑成都﹑雲南23天遊 >

第二十天

今日終於到可以順利出發去香格里拉啦，等左咁多日總算係冇白費；我講既香格里拉當然唔係香港都有既香格里拉酒店，而係小說《消失的地平線》裡面描述既一個「永恆和平寧靜的土地」；藏語之中香格里拉意思係「心中的日月」，亦即係藏民心目中一個最理想既生活環境，為左呢個咁靚既地方，我無論等幾耐都要去！而家就向香格里拉（原名係迪慶）出發！

麗江。冰雹下的麗江古城

 < 北京﹑西安﹑成都﹑雲南23天遊 >

第十八天

今日天氣繼續唔多好，冇左之前見到既藍天白雲，但我又唔覺得有咩失望，係古城行下hea下， 同狗仔玩下，出去食個飯又睇下電視，一日時間話咁快就過；諗諗下而家都唔似係旅行，似渡假多啲...旅行又好渡假又好總之開心就得啦；客棧係包早餐，之前 日日都掛住去玩冇食到，今日終於有機會品嚐一下，簡單既豆漿油炸鬼，最重要係有兩隻得意小狗陪住一齊食

麗江。拉市海﹑束河古鎮

 < 北京﹑西安﹑成都﹑雲南23天遊 >

第十七天

一早醒來，依然收到消息仲未可以前住香格里拉，今日有咩可以做呢？麗江最出名就係玉龍雪山， 不過諗過玉龍雪山消費唔平，去一去就要用五百蚊，加上自己比較鐘意香格里拉既雪山，所以暫時放棄玉龍雪山；既然唔去玉龍雪山，就去麗江另一個比較出名既地方--拉市海；去拉市海途中可以清楚見到玉龍雪山

麗江。雪中的麗江古城

 < 北京﹑西安﹑成都﹑雲南23天遊 >

第十五天

又一個美麗早上，可以用一句歌詞形容當時心情，「藍藍天空高掛我的夢」，同一個天空竟然可以有咁大分別！去到雲南之前好多時都係見住灰朦朦天氣，就算藍天都未見過呢種藍，來到麗江我先真正認識真實既「藍天」

麗江。夢想的麗江古城

 < 北京﹑西安﹑成都﹑雲南23天遊 >

第十四天

終於等到出發去雲南既大日子，雲南可以話係我當時最想去既地方，所以放左最多時間﹑最多期望 係雲南呢片樂土之上；未到雲南之前經常都聽見好多人話雲南風景靚﹑天氣好，每次見到朋友影出來既靚相都諗有機會一定要去去雲南，所以無論點都好都要到雲南 走走；雲南有好多唔同少數民族居住，每一個民族都有各自特色，呢個亦係雲南另一個有趣地方；雲南睇落唔係好大，但唔同地方都有唔同特色﹑文化與氣候，好似 南部係熱帶雨林，北部係雪山峻嶺，一個雲南已經可以有唔同感覺，難怪咁多人都喜歡雲南；今次係第一次到雲南，對雲南認識唔多，所以就選擇最多人最易玩既雲南北部

成都。失敗的峨眉山

 < 北京﹑西安﹑成都﹑雲南23天遊 >

第十三天

四川旅程最後一日，終於要去峨眉山；去峨眉山交通有少少複雜，要先到新南門車站上車，坐車到 峨嵋山汽車站，再轉兩程巴士到峨嵋山山腳報國寺汽車站，再要坐巴士上山，見到都覺得複雜，但冇辦法除左包車去之外就係咁複雜；未天光就由hostel坐的 士到新南門車站，好彩未天光好容易就上到車

成都。寬窄巷子﹑人民公園

 < 北京﹑西安﹑成都﹑雲南23天遊 >

第十二天

又一天新開始^^今日原定計劃會去樂山大佛，之後再到峨嵋山，第二日就可以上峨嵋金頂睇日出；不過可能覺得成都太舒服，唔想四圍走來走去所以就放棄左樂山峨嵋呢個決定，寧願係成都懶一下；早上出門先到對面「鍾水餃」食早餐，清清地食一碗清湯米線，早餐都係食清啖啲比較好

成都。大熊貓繁育研究基地﹑錦里

 < 北京﹑西安﹑成都﹑雲南23天遊 >

第十天(續)

下午要由西安坐火車去成都啦！本來都冇諗過要去成都，但諗諗下由西安去雲南好似有少少麻煩，所以就決定加入成都作為中轉站，而且成都又未去過可以順便係成都玩下呢，所以就因為咁去左成都啦！

西安。大雁塔 與 小雁塔

  < 北京﹑西安﹑成都﹑雲南23天遊 >

第九天

經過兩日華山﹑兵馬俑行程後，西安最重要最期待既旅程已經完成lu，今日可以輕鬆一下，唔需要再趕住去玩，訓到夠再慢慢起身都未遲

西安。勇闖華山

 < 北京﹑西安﹑成都﹑雲南23天遊 >

第八天

講起華山，第一時間就諗到金庸筆下華山派，什麼華山論劍﹑獨孤九劍...好多武俠小說都有華山出現，而華山永遠都係代表正義一方；《笑傲江湖》入面有五嶽劍派，嵩山派﹑泰山派﹑華山派﹑衡山派﹑恆山派，雖然現實中冇五嶽劍派，但就有五嶽劍派中既五嶽，華山地處較西方所以就成為「西嶽」啦

西安。華清池﹑兵馬俑

 ^^ 祝大家元宵節情人節快樂 ^^   

 < 北京﹑西安﹑成都﹑雲南23天遊 >

第六天 (續)

離開北京開始踏上西安之旅；如果當時問我最想去中國邊個地方？我一定會答西安！作為一個喜歡中國歷史既人，總係覺得西安散發住無比吸引力，「十三朝古都」﹑「世界四大古都」，只係簡單幾個字都足夠令我無論山長水遠都要去到西安；漢﹑唐時長安城曾經係過百萬人口既國際大都會，更加係當時世界上最大都市，而家終於到我去長安城啦！西安 I'm coming！

北京。八達嶺長城﹑天壇﹑水立方﹑軍事博物館

 < 北京﹑西安﹑成都﹑雲南23天遊 >

第五天

又一日新開始，今日係留係北京既最後一個全日，行程同之前一樣咁豐富；上午要到長城，下午想到天壇，夜晚如果有時間想到鳥巢望望；嘩...今日又有排玩啦，Yeah！

北京。頤和園﹑北京大學﹑清華大學﹑王府井大街

 < 北京﹑西安﹑成都﹑雲南23天遊 >

第四天

今日終於可以訓到天光，唔洗半夜爬起身啦^^今日行程好豐富，有好多地方想去，當中最重要就係去頤和園，話晒清朝時頤和園係皇家園林，我相信呢道一定好靚

北京。天安門廣場﹑人民大會堂﹑故宮﹑景山公園

^^ 新年快樂，祝大家馬年身體健康﹑心想事成﹑去多啲旅行 ^^

< 北京﹑西安﹑成都﹑雲南23天遊 >

第三天

北京第一個早晨終於來到，但與其話係早晨，我覺得用凌晨更加貼切，因為半夜四點鐘就已經起身，好快就出門口lu；由於要趕住出門口，頸巾都趕唔切搵出來，諗起琴日都唔係太凍，又唔想阻大家時間，所以就唔搵住啦，只係著左底衫+t-shirt+風褸3件衫；五個人就係一個黑媽媽既晚上開住電筒出發

北京﹑西安﹑成都﹑雲南23天遊 @ 2011 冬

直到今天，我依然好開心有過呢次難忘旅程，更慶幸有一位好朋友願意陪伴我完成整個旅程；平時見好多人話去旅行好易會鬧大交，搞到連朋友都無得做，好彩呢啲事從來都無發生係我身上，話晒呢位係陪伴我走過毅行者既戰友，幾辛苦既經歷都試過仲有咩可以難到我地，全個旅程都玩得好開心；好感謝呢位好朋友陪伴我顛足廿幾日，仲要陪我第三次去北京都唔介意，感謝！

呢次旅行係我提意，我見好多地方都未去過但又想去，咁就不如一次過去晒佢啦，但時間唔多所以要揀最鐘意既地方去；旅行時間計到盡只可以定係2/1-24/1，因為1號有老師結婚唔可以走，25號朋友又要返學，想玩多一日都唔得，不過唔緊要啦玩得幾多得幾多；而我有幾個地方想去，想去哈爾濱睇雪，北京上長城睇故宮，西安上華山睇兵馬俑，仲有去雲南麗江同梅里雪山；經過一輪非精密計算，哈爾濱唔夠時間所以去唔到lu，留返有機會再去啦，而中途為左方便去雲南亦加入成都作為中轉站，最後行程出現啦，北京-西安-成都-雲南！

作為第一次backpacking，背囊同其他好多野都未有要花時間準備，原來只係揀背囊都好多野要研究，好彩揀到個鐘意既背囊，呢個背囊將會陪伴我去好多地方；另外最重要就係買機票火車票，買左去程到北京既火車票同回程返香港既機票，咁大致上都準備好可以安心等出發；而行程方面好粗略咁計劃左，睇左每個地方有邊道想玩想去，而朋友都好放心交比我負責，但最後都係有好多地方冇去到，哈哈^^唔緊要，我就係喜歡自由自在四圍去，去到邊睇到邊想點都得；搞掂好大小準備就可以準備出發啦！北京我黎啦！



北京﹑西安﹑成都﹑雲南23天行程：
Day 1： 香港 - 北京
Day 2： 北京 - 大董烤鴨店﹑王府井大街
Day 3： 北京 - 天安門廣場﹑人民大會堂﹑故宮﹑景山公園﹑南鑼鼓巷
Day 4： 北京 - 頤和園﹑北京大學﹑清華大學﹑王府井大街
Day 5： 北京 - 八達嶺長城﹑天壇﹑水立方
Day 6： 北京 - 軍事博物館 - 西安
Day 7： 西安 - 華清池﹑兵馬俑
Day 8： 西安 - 華山﹑回民街
Day 9： 西安 - 大雁塔廣場﹑小雁塔﹑書院街
Day 10： 西安 - 成都
Day 11： 成都 - 錦里﹑大熊貓繁育研究基地﹑春熙路
Day 12： 成都 - 人民公園﹑寬窄巷子
Day 13： 成都 - 峨眉山
Day 14： 成都 - 麗江 - 大研古城
Day 15： 麗江 - 大研古城
Day 16： 麗江 - 大研古城
Day 17： 麗江 - 拉市海﹑束河古城
Day 18： 麗江 - 大研古城
Day 19： 麗江 - 大研古城
Day 20： 麗江 - 虎跳峽 - 香格里拉
Day 21： 香格里拉 - 石卡雪山 - 麗江 - 昆明
Day 22： 昆明 - 翠湖公園﹑圓通寺 - 深圳
Day 23： 深圳 - 香港
      北京住宿 -- 紅燈籠客棧
      西安住宿 -- 七賢國際青年旅舍
      成都住宿 -- 懶骨頭青年旅舍
      麗江住宿 -- 木頭人客棧

京都二條城 與 奈良看小鹿

  < 大阪﹑京都6天遊 >

第五天(續)

離開二條站就全速向目標前進，我既目標係「二條城」；原本以為二條站應該都近二條城，但二條城出入口係東邊，由西邊既二條站行去大約1.2公里，話遠又唔算遠近又唔係近，行過去約15-20分鐘；去二條城最方便就係坐地鐵到「二條城前站」落車，既然我冇坐地鐵就要努力行啦；一出火車站向正前方出發

京都。 嵯峨野小火車

 < 大阪﹑京都6天遊 >

第五天

又再次係關西機場渡過一個安全舒適的晚上^^晚上可能人流比較少，感覺上越來越凍，好彩本身自己都唔太怕凍，所以問題不大，而機場服務都好好怕凍可以去借用毛氈，咁就幾凍都唔怕啦；大約六點訓醒，同早兩日一樣整理好行李就出發去火車站，坐第一班前往京都既特急HARUKA；去到月台時列車已經到站，我都好快上車享受一下暖氣；可能琴晚訓既時間比較短，上到車等車長檢查好車票後我就好快訓著lu，直到差唔多到京都先訓醒，冇辦法啦火車比起機場更舒適，想唔訓著都好難，哈哈

池田。即食麵發明記念館

 < 大阪﹑京都6天遊 >

第四天

又過左一個舒適的晚上，訓覺時開冷氣，訓醒後開暖氣，感覺特別舒服；今日原本都唔知做咩好，妹妹唔喜歡shopping，對建築風景又冇太大興趣，所以今日就決定去做D無聊野啦，哈哈^^係酒店寄存好行李就出發，先去車站旁邊超級市場買早餐，我買左呢個好好食既壽司

大阪與神戶

 < 大阪﹑京都6天遊 >

第三天

又一天新開始，琴晚真係訓得好舒服，相比前一晚機場簡直係五星級享受；原本諗住一早就出發，最後當然唔得啦，訓到九點好滿足咁起身，慢慢整理好行李再出發；行程第一站先用10秒行去對面郵局，買到傳說中日本Hello Kitty郵票，好可愛丫！再用兩分鐘行去附近既「黑門市場」