日本17天鐵路之旅。諏訪湖篇

～ 祝大家新年快樂 ～

 < 日本十七天鐵路之旅 >
< 諏訪湖篇 >

第十五天
 

今日由盛岡出發，經過幾百公里路程去一個一直都好想去既地方，就係傳說中「你的名字」裡面「糸守湖」取景地「諏訪湖」，因為路途遙遠所以一早又要出發

日本17天鐵路之旅。五能線篇

～祝大家聖誕節快樂～
～為左唔好爛尾咁耐等我努力完成埋今次旅程～

< 日本十七天鐵路之旅 >
< 五能線篇 >

第十四天

今日會乘搭五能線列車，列車會沿日本海海邊行駛，穿過唔同小鄉鎮連接秋田青森，係其中一條我一直都好想坐到既鐵路，今次終於有機會黎到啦

 

日本17天鐵路之旅。SL銀河篇

 < 日本十七天鐵路之旅 >

< SL銀河篇 >

第十三天

今日再次向東北出發繼續鐵路旅程，主要目的就係要去坐SL銀河，今次係第一次坐蒸汽火車

日本17天鐵路之旅。天氣之子Cafe﹑搖曳露營△聖巡篇

< 日本十七天鐵路之旅 >

< 天氣之子Cafe﹑搖曳露營△聖巡篇 >

第十一天

兩日一夜鳥取旅程完成返到東京，緊接開始另一個小小朝聖旅程，今次主要目標係「天氣之子Cafe」同「搖曳露營△」，天氣之子係新海誠作品我諗多啲人識，搖曳露營△都係一套好好睇既動畫，睇到我都想去露營

日本17天鐵路之旅。鳥取﹑出雲篇

< 日本十七天鐵路之旅 >

< 鳥取﹑出雲篇 >

第九天

咁耐以來都未試過係日本搭寢台列車，今次難得拎住全國JR Pass，唔洗再比錢點都要試一試；寢台列車係日本已經越來越少，平民版寢台列車只係得返Sunrise瀨戶/出雲，所以都係搭左先算；難得去到鳥取個邊順便都玩一玩啦

日本17天鐵路之旅。北海道。2019。夏

< 日本十七天鐵路之旅 >

< 北海道篇 >

今次旅行首選既地方唔係日本，本來係想去歐洲，後來懶plan行程就將歐洲旅程延遲到2020年春天（今年春天都係去唔成啦...），今次就去啲唔洗諗咁多既地方，咁當然就係揀日本啦，基本上買張機票去就得，唔洗點plan行程都冇問題，最後媽媽話未去過北海道就變左呢個北海道旅程；而我因為有假期所以會繼續玩多陣先返香港，買左張14日JR Pass瘋狂搭火車，搭去邊道都可以，當然頭幾日有屋企人係道唔會搭得咁誇張，之後幾日先會亂咁坐，哈哈

日本十七天行程：
Day 1：香港 - 東京
Day 2：東京 - 函館 - 自由市場﹑金森紅磚倉庫﹑函館山
Day 3：函館 - 函館朝市 - 大沼公園 - 北海道舊廳﹑大通公園
Day 4：札幌 - 二條市場 - 旭川 - 旭山動物園
Day 5：旭川 - 美瑛 - 富田農場 - 富良野 - 小樽
Day 6：小樽 - 小樽運河﹑三角市場 - 青森
Day 7：青森 - 仙台 - 松島 - 青森
Day 8：青森 - 東京
Day 9：東京 - 大阪 - Hello Kitty新幹線 - 備中松山城 - 鳥取
Day 10：鳥取 - 鳥取沙丘 - 出雲大社 - Sunrise出雲
Day 11：東京 - 輕井澤
Day 12：東京 - 內船 - 甲斐常葉 - 山梨県笛吹川 フルーツ公園
Day 13：東京 - SL銀河 - 盛岡 - 青森
Day 14：青森 - 十二湖 - 不老ふ死温泉 - 盛岡
Day 15：盛岡 - 松本城 - 諏訪湖
Day 16：東京 - 天氣之子展 - 神田明社
Day 17：東京 - 秋葉原 - 香港

日本關東。東京8天櫻花之旅。2019。春

< 日本東京櫻花之旅 >

近年都有去過日本唔同地方，紅葉﹑雪景都有欣賞過，賞櫻就未試過；平時睇動畫睇日劇見到好多櫻花美景，一直都好想去感受櫻花季節，今年終於有機會啦，係四月頭拎左假，博一博睇下遇唔遇到櫻花滿開；今次選擇飛東京，方便如果遇唔岩櫻花滿開都仲可以北上或者南下，最後唔洗去好遠，係東京同附近地方都可以欣賞到超靚櫻花

東北紅葉。東京

< 日本東北紅葉之旅 >

第十天

今晚就要返香港，今日只會留係東京唔會再四圍去；黎到東京當然要秋葉原朝聖，起身執好行李就向秋葉原出發

東北紅葉。福島。只見線﹑會津若松城

< 日本東北紅葉之旅 >

第九天

終於去到最後一日紅葉旅程行程，將會前往其中一個被喻為最靚鐵道秘境，觀賞位於只見川上既鐵橋；由於只見線班次好少，要配合埋火車行走鐵條之上就更困難，要睇到呢個景色一定要好早出發先得，所以前一晚已經要黎到等今日晨早火車出發

東北紅葉。宮城。鳴子峽

< 日本東北紅葉之旅 >

第八天

係山形停留短短兩日又再出發，今晚目的地係會津若松，中途會經過一個好出名既紅葉景點「嗚子峽」，睇紅葉預告呢個時間嗚子峽係紅葉見傾日子，相信一陣會見到好靚既紅葉景色

東北紅葉。山形。藏王山登山

< 日本東北紅葉之旅 >

第七天

經過琴日大雨經歷之後，一早起身就見到藍天白雲心情特別好；黎到山形最重要既目的就係去藏王山，好想可以舒舒服服行下山，雖然冬天既藏王山又可以滑雪又可以睇樹冰好似更加吸引，但我相信秋天都一樣可以好靚

東北紅葉。宮城。松島海岸・山形。山寺

< 日本東北紅葉之旅 >

第六天

匆匆黎到仙台一晚，逗留唔夠十二個鐘就要起程，今日會出發去遠離市區既地方，首先會去日本三景之一既「松島」，下午會去位於山形縣既「山寺」；今日又要去唔同既縣，所以七點幾就出發開始今日旅程

東北紅葉。青森。奧入瀨溪流

< 日本東北紅葉之旅 >

第五天

終於等到去「奧入瀨溪流」既日子，呢道係東北旅程重點；今日天氣好好，相信會睇到好靚風景

東北紅葉。青森。八甲田山﹑蔦沼﹑酸湯溫泉﹑弘前城

< 日本東北紅葉之旅 >

第四天

今日要一早起身，前往青森欣賞紅葉，琴日秋田既紅葉都未算紅，今日去到青森期待欣賞到色彩繽紛既秋天美景，青森係秋田北面，天氣亦都比較凍，相信睇到紅葉既機會亦都比較大

東北紅葉。秋田。角館武家屋敷﹑抱返溪谷﹑秋田內陸縱貫鐵路

< 日本東北紅葉之旅 >

第三天

角館係一個小城鎮，冇高樓大廈只有美麗自然環境，春天櫻花盛開同秋天紅葉都會吸引好多遊客黎到角館，今日一朝早趁住其他遊客未到就開始係角館四處遊蕩

東北紅葉。群馬。伊香保溫泉・秋田。角館

< 日本東北紅葉之旅 >

第二天

今日行程一樣好豐富，上午會去長野縣既伊香保溫泉，下午會坐車去秋田縣，所以今日六點幾就起身，又會好似琴日一樣由朝玩到晚

東北紅葉。茨城。築波山登山

< 日本東北紅葉之旅 >

第一天

等左咁耐，出發去日本既日子終於到，為左慳返啲假期又可以用盡時間選擇坐凌晨航班，天光去到日本就可以開始玩；飛機半夜兩點先起飛，收工返屋企食晚飯再執行李先出發都未遲，對我黎講呢班機時間好正；我去旅行會盡量帶少啲野，加上出發唔會有好多野拎，隨意塞晒啲野入背囊就可以出門口；今次旅程有妹妹同我一齊出發，我地頭兩日會一齊玩，第二日我就會自己出發去東北，而佢會留返係東京附近玩

日本東北。青森﹑秋田﹑山形﹑宮城﹑福島﹑茨城﹑群馬10天紅葉旅程。2018。秋

< 日本東北紅葉之旅 >

又到秋高氣爽好季節，秋天咁好既天氣最好就係欣賞秋色，好耐好耐以前已經好想去日本東北睇紅葉，東北自然風景加上紅葉美景絕對係一個非常美妙既景色；一早知道東北地區紅葉時間大約係十月尾，九月頭買好機票正式計劃東北旅程，不過今年日本東北氣溫比往年熱，紅葉時間亦都比以前遲，所以出發前都預左今次旅程未必見到最靚既秋色；一路有留意唔同既紅葉預報，盡量配合一下紅葉時間，希望今次旅程可以見到靚既秋天風景


日本東北紅葉之旅（青森﹑秋田﹑山形﹑宮城﹑福島﹑茨城﹑群馬）十天行程：
Day1： 香港 - 築波山 - 東京
Day2： 東京 - 伊香保溫泉 - 角館
Day3： 角館 - 抱返溪谷 - 秋田內陸縱貫鐵路 - 大館
Day4： 大館 - 八甲田山 - 蔦溫泉 - 酸湯溫泉 - 弘前城 - 青森
Day5： 青森 - 奧入瀨溪流 - 十和田湖 - 仙台
Day6： 仙台 - 松島海岸 - 山寺 - 山形
Day7： 山形 - 藏王山 - 山形
Day8： 山形 - 鳴子峽 - 會津若松
Day9： 會津若松 - 只見線 - 會津若松城 - 東京
Day10： 東京 - 香港
東京住宿：Oakhostel Zen
角館住宿：Kakunodate Guesthouse Fuga
大館住宿：Royal Hotel Odate
青森住宿：Hotel Select Inn Aomori
仙台住宿：Nine Hours Sendai
山形住宿：Capital in Yamagata
會津若松住宿：Ekimae Fuji Grand Hotel

鹿兒島。櫻島﹑城山公園

< 鹿兒島﹑宮崎﹑指宿﹑熊本6天遊 >

第五天

三日鐵路之旅完滿結束，今日會留係鹿兒島市內遊覽鹿兒島風景

熊本<->鹿兒島。肥薩線「隼人之風」﹑「新平」﹑「翡翠．山翡翠」

< 鹿兒島﹑宮崎﹑指宿﹑熊本6天遊 >

第四天

今日係使用JR Pass既最後一日，又可以繼續鐵路旅程，坐唔同觀光列車