新加坡。小印度﹑魚尾獅公園﹑牛車水

 < 新加坡﹑馬來西亞8天遊 >

第二天

新加坡之旅話咁快就到左最後一日啦，哈哈！今日仲有好多地方要去，所以九點鐘就準時出發，GoGoGo！


訓到八點起身，好滿足
Hostel早上好寧靜，其他住客仲未起身，而外面繁忙既街道已經車來車往，我諗大家都要趕住返工返學




Hostel有簡單早餐供應，多士﹑粟米片等等可以隨意享用，我都係第一次住hoste有早餐提供咋；雖然只係小小既早餐，但有咁貼心既服務感覺特別開心






我仲要留肚出去食好野，所以只食左一片多士，好好食


放低背囊係hostel，然後就坐車出發搵食；原來新加坡的士係唔同車款唔同收費，部車新啲靚啲就會收貴少少，不過都係相差唔遠，但遇上大型房車就貴好多，唔敢坐！


路過shopping好地方烏節路，我都唔買野既所以就唔洗來呢道行街


好快就來到小印度





話明係小印度就當然好有印度特色；呢道有好多印度人居住，所以建築好有印度風格，而店鋪亦都係印度人經營，專門售賣印度相關既野；每次經過店鋪門外都會聞到一陣好香既香料味道，好特別！




有好多我未見過既野








七彩繽紛既印度建築




同小印度一街之隔就係新加坡既組屋(公屋)，突然覺得有一種熟悉感覺，係唔係好似香港呢？




係外面睇都估橙色既建築係街市或者熟食中心，行過去見到果然冇估錯，呢道係新加坡另一個好出名既熟食中心Tekka Centre(竹腳中心)




竹腳中心位於小印度，當然有好多印度美食品嚐，我地因為多人所以就唔係熟食中心出面食，選擇左一間座位多既印度餐廳，大家就可以舒舒服服坐埋一齊開餐啦




第一次品嚐印度美食，好期待
選擇左呢個印度拉餅Roti Prata(新加坡叫法)/Roti Canai(馬來西亞叫法)，配合魚咖哩汁或者豆咖哩汁(Dal Curry)一齊食，好正架！真係又特別又好食既一餐！平時我都好鐘意食咖哩，呢餐正宗印度咖哩完全岩晒我口味，like x 100！


仲叫左另一個印度烤餅Chapati試試，呢個烤餅係用米造成，食落口有少少酸既感覺，味道好特別


我地仲有試魚咖哩﹑雞肉咖哩﹑乾羊肉(Rendang Mutton)，呢啲咁正宗既印度菜係香港唔係咁易可以食到；而因為新加坡有大約10%人口係印度裔，所以有好多印度美食呢


今餐大家都食得好開心，而且仲食過返尋味，下餐仲想食印度咖哩，咁就可以證明呢餐有幾好食啦，哈哈^^明天我地係馬來西亞都會繼續食咖哩，而且仲平好多呢！


今餐好滿意，但有一個地方係我估唔到，我叫凍檸茶時以為好似香港咁係一杯凍檸茶，但原本係一權凍檸茶加一杯冰，早知就飲其他野啦，哈哈^^


享受完一個美味印度早餐之後就要開始今日行程，竹腳中心旁邊就係小印度地鐵站，我地坐地鐵向新加坡最著名既地標魚尾獅像出發




坐地鐵到Raffles Place站，一出來就係新加坡河，環境好靚




呢道係商業區，好多高樓大廈


係河邊見到新加坡最吸引我既甜品--雪糕三文治


之前妹妹食過話好食，叫我一定要試試




香港應該冇雪糕三文治？其實雪糕三文治好簡單，就係用兩塊餅乾夾住一舊雪糕，雪糕三文治就係咁完成




有好多唔同口味選擇，芒果&榴槤好似最受歡迎
新加坡天氣咁熱，食雪糕三文治個人即刻清涼晒，而且我揀既芒果雪糕仲係好好食呢，我覺得來到新加坡一定要試下呢個




掛住影相雪糕都開始溶啦，都係要快啲品嚐呢個咁好食既雪糕；賣雪糕既婆婆話如果唔想用餅乾夾雪糕可以選擇用麵包夾，佢話好多印度人都喜歡用麵包夾既雪糕三文治；我就喜歡餅乾多啲，脆脆地幾好食


食完雪糕後沿河邊向前行






河邊環境ok靚架






過埋呢條馬路就到目的地啦


來到新加坡最著名地標--魚尾獅像，身為遊客當然要來影返張相








講真呢道真係冇咩特別，純粹到此一遊，唔來呢道就好似冇來過新加坡一樣




對岸既貴酒店


世界最大摩天輪Singapore Flyer


話咁快到此一遊完畢，沿河邊行返去地鐵站，坐地鐵到Chinatown(牛車水站)


一出到來就人山人海，呢道都係遊客必來既其中一個地方






我地冇入商場，過馬路去對面既商店街逛逛






見有Free Wi-Fi海報以為有得用tim，不過都唔識點login




呢道係遊客買手信買記念品既好地方，我都有幫襯買postcard








新加坡其中一樣出名既手信就係藥油，差唔多每個到新加坡既人或多或少都會買啲走，見同行朋友十樽十樽買咁誇張，我都唔執輸見佢地話好就買左兩樽返屋企，係唔係咁有效就唔知啦因為仲未用，前幾個月媽媽係新加坡都買到返來仲未用晒，哈哈^^


隨左買藥油之外大家都對shopping冇興趣，所以又到左搵食時間，去到牛車水美食街找尋美食縱影




有天幕就唔怕落雨啦！不過就擋唔到太陽，好多位置都好曬




有好多野食選擇


其實我地今次星馬之旅最主要既目的係到馬來西亞食榴槤，大家都係為左榴槤而黎架，所以我地決定留肚唔食咁多野住，等今晚開榴槤大餐！最後我地食呢個刨冰當午餐，哈哈~




熱辣辣既時候食刨冰簡直透心涼
呢碗刨冰味道ok啦，不過就冇之後馬六甲個碗咁好食，作為消暑甜品食刨冰好正架


食完之後就返hostel攞行李，我既新加坡之旅亦都接受尾聲






拎好行李就向馬來西亞出發
原本計劃係先坐地鐵，再轉巴士去Woodlands過關，但諗落坐的士都係差唔多錢，而且唔需要又上又落，仲慳唔少時間，所以我地就搭的士去Woodlands啦；呢個時間比較少的士經過，hostel一位姨姨好好人幫我地叫的士，佢仲好好傾架，我好鐘意呢間hostel


大約半個鐘就去到Woodlands


如果唔係坐的士，就要係地鐵站轉呢啲巴士來，都幾轉接


Woodlands可以坐巴士，亦都可以坐火車過關，由呢道上火車可以去到吉隆坡﹑檳城等等地方，有機會既話我都想試試坐火車由一個國家去另一個國家，好有週遊列國感覺


見到火車啦


我地去新山就唔需要坐火車，坐巴士就可以


前面就係離境大堂，準備離開新加坡啦


過關之後就坐巴士過海，對岸就係馬來西亞




就係呢部巴士帶我來到馬來西亞，車費SG$1；而家我已經企係馬來西亞國土之上，正式開始我既馬拉之旅啦


新加坡再見！後會有期！