奮起湖。鐵路便當﹑老街

< 台南﹑阿里山﹑高雄5天遊 >

第二天（續）

奮起湖位於山谷之中，想欣賞到美麗風景可以由山上從高向下望，全個奮起湖就係眼前啦！

嘉義。阿里山小火車﹑奮起湖

< 台南﹑阿里山﹑高雄5天遊 >

第二天

今日就係去阿里山既大日子，阿里山係今次旅程其中一個重要行程，為左上阿里山事前做足準備，得到朋友相助行程非常順利，期待左好多成既阿里山之旅正式出發！

台南。孔廟﹑神龍街﹑花園夜市

< 台南﹑阿里山﹑高雄5天遊 >

第一天（續）

今日一早就黎到台灣，去到台南都仲有好多時間玩，行完赤崁樓林百貨，又食過擔仔麵，時間仲係好早，要繼續台南旅程

台南。赤崁樓﹑林百貨﹑度小月

< 台南﹑阿里山﹑高雄5天遊 >

第一天

台灣小旅行終於都出發啦，今日目的地係台南，會先到高雄再轉火車；今次坐朝早8點鐘飛機，半夜4點就起身準備出發，坐N車去機場，旅行咁重要點可以遲到呢！

台灣。台南﹑阿里山﹑高雄5天遊 @ 2015 秋

< 台南﹑阿里山﹑高雄5天遊 >

我已經好耐冇去旅行啦，如果要數上次旅行要數到上年十月日本九州之旅，即係足足一年冇旅行過！突然間覺得自己好叻點解可以忍到咁耐都唔去玩，哈哈^^經過一年時間，今年十一月終於搵到一個五日小小既假期比我休息一下，成就左呢個台灣小旅程；其實我咁多年都未去過台灣，原本今次目的地都唔一定係台灣，本身冇咩邊道特別想去，只係想搵個地方離開香港行下，咁岩有位台灣朋友邀請我去台灣，咁就唔洗諗咁多一於台灣啦！因為朋友住高雄關係所以今次飛去高雄而唔係相對熱門既台北，不過台灣南部一樣有好多野玩架，可以比我去多幾日就好啦！


台灣（台南﹑阿里山﹑高雄）5天行程：
Day 1： 香港 - 高雄 - 台南。赤崁樓﹑林百貨﹑孔廟﹑花園夜市
Day 2： 台南 - 嘉義 - 奮起湖 - 阿里山國家森林遊樂區
Day 3： 阿里山。祝山﹑沼平﹑神木  - 嘉義 - 台南
Day 4： 台南。安平古堡﹑安平樹屋﹑夕遊出張所 - 高雄。六合夜市
Day 5： 高雄。打狗英國領事館﹑旗津半島﹑三多商圈 - 香港
      台南住宿：富朗飯店﹑Leo ho Hostel
      阿里山住宿：青山別館
      高雄住宿：雲端精緻旅館

福建。南溪土樓群﹑永定土樓

< 福建土樓4天遊 >

第三天（續）

午餐過後繼續睇土樓，去到一個比較冷門既地方「南溪土樓群」，呢邊唔似之前振成樓個邊咁熱鬧，除左我地之外其他遊客一隻手數得晒，環境寧靜舒服

福建。承啟樓

< 福建土樓4天遊 >

第三天

琴晚5個人訓一間房，3個人迫一張床，加上夏天天氣熱，晨早六點就起身唔再訓lu，坐係地下慢慢寫postcard，寫左十幾張抄地址都抄到手軟，等到寫好晒大家都起身準備開始新一日行程

福建。田螺坑土樓群

< 福建土樓4天遊 >

第二天（續）

福建好多地方都可以睇到土樓，如果要數當中最出名既應該就係呢道啦，四座圓形加一座方形土樓組合而成既田螺坑土樓群，佢既造型係眾多土樓之中最特別，有「四餸一湯」之稱

福建土樓4天遊 @ 2011 夏

^^  祝大家中秋節快樂  ^^

< 福建土樓4天遊 >

今年端午節假期留係屋企冇去玩，而前幾年比較鐘意去旅行，每次有假期都唔會放過，襯住端午節連星期六日有三日假，就近近地揀左去福建土樓呢個幾特別既地方，用左唔洗一千蚊就可以渡過幾日假期，都幾抵玩丫；土樓分佈係福建永定﹑南靖等地好多唔同地方，坐車比較麻煩，所以就決定包車，係網上揀左個價錢合理而且有好多台灣網友好評既師傅，幾個人share車費好平，而且所有野都有包車師傅安排唔洗諗咁多；出發前再買好火車飛， 咁就可以安心等出發


福建土樓4天行程：
Day 1： 香港 - 深圳 - 永定
Day 2： 永定 - 南靖。河坑土樓群﹑塔下村﹑裕昌樓﹑田螺坑土樓群
Day 3： 南靖。田螺坑土樓群 - 永定。高北土樓群﹑南溪土樓群
Day 4： 永定 - 深圳 - 香港
      福建住宿：田螺坑土樓﹑永定土樓

香港。不一樣的南丫島

二零一五年九月十九日

南丫島風景靚好多人都知，索罟灣與榕樹灣之間山路又易行，吸引到好多人到南丫島郊遊；除左香港人，南丫島仲吸引到更多世界各地遊客，我覺得遊客比例比起香港本地人更多，撞口撞面都係唔同語言既遊客，島上有香港本土特色之餘又包含有世界各地風格，難怪南丫島咁受大家歡迎；作為香港第三大島，南丫島比我地想像中大得多，平時我地行索罟灣與榕樹灣之間既南丫島家樂徑只係佔全島一小部分，仲 有好多地方係好少人去架，今次我就想試試行行南丫島其他未去過既地方

香港。尋找維多利亞城界石

二零一五年八月二十九日


百多年前香港有個地方稱叫做維多利亞城，維多利亞城之中分為四環，即係西環﹑上環﹑中環同下環（而家灣仔及銅鑼灣一帶），而四環之中又再細分為九約，所以當年維多利亞城又叫做「四環九約」；而家我地可能冇咩機會用到維多利亞城呢個名，又可能直頭聽都未聽過，不過維多利亞城確實存在係香港，呢個名一直都冇取消依然生效，只係時代變遷漸漸被人遺忘...從維多利亞城界石之中隱約可以見到當年維多利亞城位置，我見得閒就起程去拜訪一下聳立香港超過一百年既維多利亞城界石

香港。西貢麥理浩徑第二段

2-4-2015

好耐都冇去行山郊遊啦，難得有時間想去走走，就同媽媽一齊去左香港其中一個最靚既地方西貢大浪灣，行又易行又有靚景既麥理浩徑第二段

上海。豫園﹑磁浮列車

< 武漢﹑上海﹑蘇州5天遊 >

第五天（續）

短短既旅行即將完結，而家要由蘇州坐車返上海，夜晚就坐飛機返香港lu；返到上海見有小小時間，繼續係上海行下先

蘇州。拙政園﹑忠王府

< 武漢﹑上海﹑蘇州5天遊 >

第五天

蘇州除左水鄉出名之外，園林都係一樣咁出名，中國四大名園之中蘇州佔有兩個席位（四大名園包括北京頤和園﹑承德避暑山莊﹑蘇州拙政園﹑蘇州留園），而蘇州園林之中最多人認識既我相信就係拙政園啦，話咁快就到旅程最後一日，把握留係蘇州既小小時間去拙政園參觀

蘇州。虎丘﹑七里山塘﹑觀前街

< 武漢﹑上海﹑蘇州5天遊 >

第四天

上海呢啲大城市對我黎講興趣不大，今次黎到上海係因為要借佢機場出入咋，我都係鐘意蘇州多啲，係蘇州唔需要去啲咩出名既景點，只要係舊城區入面就已經好靚啦

上海。朱家角水鄉﹑外灘夜景

< 武漢﹑上海﹑蘇州5天遊 >

第三天

武漢一日遊話咁快就完啦，今日要飛去另一個地方；一直以黎我都好喜歡江南水鄉，水鄉優美既環境實在非常吸引，所以今次就算武漢同江南相差幾百公里咁遠，我都唔理咁多去左先算！

武漢。武漢大學﹑黃鶴樓﹑辛亥革命武昌起義紀念館

< 武漢﹑上海﹑蘇州5天遊 >

第一天

到左出發日子啦，今晚會坐火車由深圳出發，去位於武漢既武昌站；由深圳去武漢有1216公里，車程大約11小時30分鐘，聽日一早就會去到！

武漢﹑上海﹑蘇州5天遊 @ 2012 春

< 武漢﹑上海﹑蘇州5天遊 >

聽聞每年春天武漢大學都開滿好靚既櫻花，見近近地而且我又未睇過櫻花咁就決定去一去lu；媽媽知道後佢又話想一齊去行下，而且佢仲叫多一個朋友一齊去，最後就變成我+媽媽+媽媽朋友+我朋友+我朋友總共5個人出發，呢個組合好特別，第一次出現一個咁奇怪既旅行組合，哈哈^^因為今次同媽媽去既關係，行程安排同平時去旅行會有少少分別，無論食住玩都唔會安排得太辛苦，而且因為武漢冇咩好玩，所以去多左上海﹑蘇州兩個地方，因為想同媽媽去多啲地方ma，不過睇落呢幾個地方有小小九唔搭八，哈哈^^


武漢﹑上海﹑蘇州5天行程：
Day 1： 香港 - 深圳 - 武漢
Day 2： 武漢。武漢大學﹑長江﹑黃鶴樓﹑武昌起義紀念館
Day 3： 武漢 - 上海。朱家角水鄉﹑外灘夜景
Day 4： 上海 - 蘇州。虎丘﹑山塘街﹑觀前街
Day 5： 蘇州。拙政園﹑蘇州博物館 - 上海。城隍廟﹑磁浮列車 - 香港
     武漢住宿：漢庭酒店武漢江漢路步行街店
     上海住宿：莫泰上海外灘南京東路步行街店
     蘇州住宿：莫泰蘇州觀前玄妙觀店

廣州。小洲村﹑有軌電車﹑紅專廠

< 廣州2天遊 >

第二天（續）

食完腸粉繼續廣州行程，今日要去小洲村﹑紅專廠，又想去睇有軌電車，咁多地方去要快啲出發先得

廣州腸粉之旅 @ 2015 冬

< 廣州2天遊 >

自從上一次係廣州食過好好食既腸粉之後對腸粉念念不忘（已經係年幾前既事啦），今次借住朋友邀請我去廣州乘機黎一次腸粉之旅，食香港好少機會食既布拉腸粉；上次去廣州係坐舊式綠皮火車，可惜呢班車已經冇左啦，今次選擇坐呢班去昆明既長途車，而且車費仲更加平呢


廣州2天行程：
Day 1： 香港 - 深圳 - 廣州 。 番禺晚餐﹑芳記腸粉
Day 2： 廣州。銀記腸粉﹑小洲村﹑有軌電車﹑紅磚廠 - 深圳 - 香港
     廣州住宿：春田花花青年旅舍

惠州。惠州西湖

< 惠州2天遊 >

第二天

今日將會去惠州最出名既地方「惠州西湖」，杭州西湖曾經去過兩次，惠州西湖就係第一次，唔知道呢個西湖有冇杭州西湖咁靚咁吸引呢？

惠州。五礦‧哈施塔特小鎮﹑街頭小食

< 惠州2天遊 >

復活節又係旅行好時間，今年仲係連續五日假tim，好多朋友都係呢段時間出遊；不過我之前話過暫時唔去旅行ma，所以就算有唔少朋友邀請我旅行我都冇應承...直到復活節前幾日，有朋友叫我離開香港行下，見有時間就同佢一齊去玩下啦，而且大家都有一個共通點，就係復活節後會返新工，今次就作為返工前一個小小旅程

今次預算去玩兩日，遠又去唔到都冇邊道可以選擇，廣州之前已經去過好多次又唔想去，最後大家見惠州又近又未去過所以就去左惠州lu，而且最重要係惠州車費消費都平ma（不過我一向都覺得惠州冇野玩，今次純粹去行下hea下）


惠州2天行程：
Day 1： 香港 - 深圳 - 惠州 - 博羅。五礦‧哈施塔特 - 惠州
Day 2： 惠州。西湖 - 深圳 - 香港
     惠州住宿：漢庭酒店惠州商業步行街店

香港。石崗賞木棉花

^^ 祝大家母親節快樂 ^^

近來工作比較忙冇以前咁多時間寫遊記啦...今個星期仲返足七日，想寫都冇時間寫...好彩咁岩比我搵到篇上年已經寫好左既倉底貨出來，襯住母親節呢個咁開心既日子同大家分享一下

23-3-2014

終於等到春天，又到滿天花開季節，以前會去唔同地方賞花，櫻花﹑油菜花等等；今年冇地方去，但就留意到原來香港都開滿好多紅色﹑粉紅色鮮花，所以星期日就跟隨朋友去左第一次香港賞花之旅，目的地係錦田荃錦公路上既石崗軍營；一落車已經見到又紅又粉紅既花啦

博多。屋台﹑櫛田神社﹑天神﹑一蘭拉麵

< 福岡﹑熊本﹑小倉﹑長崎5天遊 >

第四天（續）

到達博多站已經十點幾，正常黎講日本好多商場﹑餐廳係呢個時候已經收晒鋪啦，不過係博多呢道就唔怕夜晚搵唔到野食，因為博多有好多「屋台」專門係夜晚經營，有特色之餘仲有野食，襯最後一晚要去屋台體驗一下

長崎。平和公園﹑稻佐山夜景﹑787系列車

< 福岡﹑熊本﹑小倉﹑長崎5天遊 >

第四天（續）

上午去過門司港後再次返到博多，出發前往今次日本九州之旅最後一個到訪城市--長崎

小倉。門司港﹑潮風號﹑885系列車

< 福岡﹑熊本﹑小倉﹑長崎5天遊 >

第三天（續）

欣賞左博多燈會唔夠兩個鐘就要趕住離開呢個咁靚既地方，冇辦法啦book唔到博多住宿，唯有住得遠一啲住到去小倉；小倉係九州東北面，距離博多唔算好遠，坐新幹線只需16分鐘就可以到達，而坐特急列車大約45分鐘；本來我冇計劃去小倉架，所以對呢道冇咩認識，只係諗住隨便係道住一晚咋

博多。博多燈會（燈火觀照）﹑櫛田神社﹑東長寺

< 福岡﹑熊本﹑小倉﹑長崎5天遊 >

第三天（續）

熊本旅程係呢道畫中句號，而家要快啲趕返博多，因為博多今晚會有一年一度活動「燈火觀照」；去到售票處換好最快個班新幹線車飛，然後即刻去到月台等車，下班車好快就到

熊本。熊本城﹑櫻之小路﹑熊本電車﹑SL人吉蒸氣火車

< 福岡﹑熊本﹑小倉﹑長崎5天遊 >

第三天（續）

終於去到熊本最重要既地方熊本城啦！日本三大名城之一點可以錯過！

熊本。由布院之森﹑熊本電車﹑上通/下通商店街

< 福岡﹑熊本﹑小倉﹑長崎5天遊 >

第三天

開心時間過得特別快，話咁快就到左旅程一半（好似冇點玩過咁既？），如果可以係日本留長啲時間就好啦！今日繼續九州特色列車之旅！

博多。天神﹑一風堂拉麵﹑Pokemon Centre﹑新幹線800系列車

^^ 祝大家新年快樂 ^^

< 福岡﹑熊本﹑小倉﹑長崎5天遊 >

第二天（續）

經過令人失望既阿蘇火山之旅再次回到熊本，冇出站直接坐新幹線返博多，博多拉麵等緊我架要快啲返去先！

熊本。阿蘇火山﹑阿蘇男孩號（ASO BOY）﹑新幹線N700系列車

< 福岡﹑熊本﹑小倉﹑長崎5天遊 >

第二天

九州除左拉麵出名之外，特色火車都好出名架，作為半個火車迷，今日要開始一個特色火車之旅（請唔好介意我用咁多篇幅介紹火車，我興趣黎架^^）；期待坐上唔同火車，向目的地熊本阿蘇火山出發

日本九州。福岡﹑熊本﹑小倉﹑長崎5天遊 @ 2014 秋

< 福岡﹑熊本﹑小倉﹑長崎5天遊 >

自八月星馬之旅後，本來都冇計劃咁快再去旅行，十月既時候，HK Express竟然賣特價機票，而且價錢係非常震撼既一蚊！冇睇錯真係一蚊丫！好多朋友見到咁既價錢都心郁郁，開始時我都冇特別留意，因為冇諗住去旅行ma，直到有一晚返到屋企咁岩見到當日賣緊福岡特價機票，我又手多多去check check，又比我見到真係有一蚊機票而且個段時間又得閒，咁我就問問屋企人有冇興趣去日本玩玩，媽媽本來都想去但後來又話唔去住（媽媽同妹妹之後都有去福岡，佢地玩既地方比我更正呢^^）；我諗左陣諗到十一點半，決定都係唔理咁多買左機票先算，再遲多半個鐘就夠鐘冇得買啦，最後就以超抵價兩蚊買左福岡來回機票，連稅先$558，平到唔敢想像！

由買機票到出發中間只有兩日時間準備，但我對九州﹑福岡等地係完全唔認識，之前從來冇諗過去呢道，連九州有咩地方都唔係太知，不過我相信日本係一個安全又易玩既好地方，就算我咩都唔準備就出發都唔會驚，只要搵到地方住就得啦，不過就係因為準備唔足夠所以今次行程有少少奇怪，而家諗返都覺得唔係咁好，不過算啦有得去玩就得啦


日本九州（福岡﹑熊本﹑小倉﹑長崎）5天行程：
Day 1： 香港 - 福岡
Day 2： 博多 - 熊本。阿蘇火山 - 博多
Day 3： 博多 - 熊本。熊本城 - 博多。博多燈會（燈火觀照） - 小倉
Day 4： 小倉 - 門司港 - 博多 - 長崎。平和公園﹑稻佐山夜景 - 博多
Day 5： 福岡 - 香港
     博多住宿：International Hostel Khaosan Fukuoka,
               Guest House Nakaima
     小倉住宿：Fukuoka Guesthouse Little Asia Kokura

Hello Kitty Cafe @ Shenzhen

二零一五年來到啦！今年暫時未有旅行計劃，年頭亦都冇時間外出旅遊，我諗要遲少少先可以去旅行啦...唔緊要，雖然去唔到遠，星期六日都一樣可以近近地去玩下，所以一月三號就借公事為名去左深圳一間新開既Hello Kitty Cafe（其實今次去深圳主要目的係去銀行處理戶口問題，唔係去Cafe架，哈哈^^）

吉隆坡。獨立廣場﹑舊火車站﹑國家清真寺

< 新加坡﹑馬來西亞8天遊 >

第八天

唔經唔覺就到左旅程最後一日，今日凌晨由檳城坐火車到吉隆坡，下午就要坐飛機返香港，時間都算充足，上午有少少時間仲可以出去吉隆坡市區行下，點可以浪費寶貴既時間呢~

檳城。康華利古堡﹑臥佛寺﹑緬甸廟﹑壁畫﹑義香/馨香餅家

< 新加坡﹑馬來西亞8天遊 >

第七天

檳城第二個早上，亦都係檳城兩日之旅最後一日，舒舒服服訓到九點半先起身，好耐都未試過訓到咁晏啦^^今日冇咩特別行程，主要都係喬治市市內隨意走走，所以慢慢出發都唔遲

檳城。清真寺﹑觀音亭﹑教堂﹑海灘

 < 新加坡﹑馬來西亞8天遊 >

第六天（續）

馬來西亞天氣熱，留係有冷氣地方就最舒服，係hostel坐到唔想走XD休息左一陣，我識既兩個檳城朋友黎到搵我啦，之後既行程就唔洗我操心，有朋友帶住玩檳城，多謝^^午餐時間已到，我地上車先去搵地方開餐，去左檳城好出名既「愉園茶室」