廣州。小洲村﹑有軌電車﹑紅專廠

< 廣州2天遊 >

第二天（續）

食完腸粉繼續廣州行程，今日要去小洲村﹑紅專廠，又想去睇有軌電車，咁多地方去要快啲出發先得



係客村站呢道就有去小洲村既巴士，要慢慢得車到；其實呢道坐的士去應該唔會太貴，加上我地仲有四個人share，不過有巴士到既話都係坐巴士好啲，對的士有少少陰影...


呢道望到廣州塔


大約35分鐘車程去到小洲村落車，由頭先既城市景變成而家市郊風景


小洲村係廣東其中一個最有嶺南水鄉特色既古村寨，已經有1000多年歷史；叫得嶺南水鄉當然有小橋流水啦


我以前已經黎過小洲村，見環境幾好所以就帶朋友黎行下，不過今次呢道令人好失望...






作為一條歷史古村，都有一啲歷史建築










村中有河道通過；之前我話呢道令人失望，係因為實左有太多地盤啦，四圍都起緊屋，所以成個小洲村都沙塵滾滾，建築材料放到一地都係，河水都變得混濁...












小洲村最特別既一個地方就係呢棟蠔殼屋，外牆由蠔殼砌成，已經有500多年歷史，係小洲村必睇地方








小洲村有唔少特色餐廳，但呢道遊人唔多，好多都冇人幫襯










呢道都興呢啲？








有唔少舊建築


















廟前有唔少人求學業






最後黎到小洲村地標之一，小洲人民禮堂




禮堂前有間小食店，簡簡單單食個下午茶






不過呢碗面啲肉味道好奇怪，麻麻地


見到腸粉爐即係有腸粉食啦，即刻叫先




個樣唔係咁靚，味道都冇之前食既咁好，不過都食左兩碟，哈哈


食完就離開小洲村啦，不過呢道啲樓起好之前暫時都係唔太適合黎，始終而家入面環境唔多好...


坐呢部車，35分鐘車程去到廣州塔


一埸黎到都影返張相啦


行出江邊就可以見到廣州新既有軌電車，我去呢個時候電車岩岩通車左幾日咋，咁新鮮緊係要睇睇








電車到啦，行車好寧靜，可惜去到岩岩好五點電車收工，只可以遠觀冇機會搭lu










珠江對岸天河區好多高樓大廈




影多幾張相就走啦








離開廣州塔後，坐地鐵去到員村站，再坐上呢啲小小電動車去紅專廠






話咁快就到；紅專廠前身係廣州鷹金錢食品廠（廣東罐頭廠），世界上第一罐「豆豉鯪魚」就係呢就誕生，所以有「百年鷹金錢，始創豆豉鯪魚」佳話；呢道曾經係亞洲最大罐頭廠，後來工廠搬走棄置後，2009年開始變身成為一個平民藝術文化區




紅專廠保留有舊建築舊機器，再加上好多藝術元素












好舊好有味道








連火車站都有






紅專廠入面有好多特色餐廳
我唔識藝術，對藝術興趣唔大，不過朋友黎呢道有野做咁我都一齊黎睇睇












行一個圈用左一個鐘，出返黎等車啦，係呢道總算有小小收獲，買到好靚既明信片


返到去員村站見到有野食，大家都忍唔住買左好多小食；我都好耐冇食呢啲小食啦，以前食得多，後來見得太多負面新聞搞到唔係幾敢食，今次見大家食得咁開心我都食埋一份




呢個炒薯條辣辣地好好食，只係三蚊一盒咋


坐地鐵去到廣州東站，準備一陣坐車返香港；仲有小小時間咁就係東站呢道搵地方食晚餐先，呢頭都係商場，好多餐廳選擇




隨意揀左間靚靚地又坐得舒服既餐廳，行左成日終於可以舒舒服服坐一陣




我食咖哩米線




九點半去到火車站候車室，差唔多上車啦


上車前記住要拎返枝水


大家衝丫！




今次坐呢班「慢速」和諧號返深圳，車程要個幾鐘，唔係快普通火車好多，不過就貴好多...


好彩乘客唔多點坐都得，都叫坐得舒服


兩日一夜短短既廣州之旅話咁快就完左啦，有時候抽兩日一夜同朋友去行下玩下食下野都幾好，輕輕鬆鬆hea兩日；不過而家夏天都係唔太適合去hea，周圍都熱到出煙，都係留返係屋企最好，哈哈

< 廣州2天遊 >

< 完 >