蘇州。拙政園﹑忠王府

< 武漢﹑上海﹑蘇州5天遊 >

第五天

蘇州除左水鄉出名之外，園林都係一樣咁出名，中國四大名園之中蘇州佔有兩個席位（四大名園包括北京頤和園﹑承德避暑山莊﹑蘇州拙政園﹑蘇州留園），而蘇州園林之中最多人認識既我相信就係拙政園啦，話咁快就到旅程最後一日，把握留係蘇州既小小時間去拙政園參觀


今晚就要返香港，仲有好多地方想去，所以事不且遲一早7:30就出發；由於真係好早，好多店鋪都未開門，隨便係KFC食個早餐就算，粥加油炸鬼都只係6蚊，加幾塊薯餅加多3蚊，配搭有少少奇怪


食飽左就即刻坐遊１去拙政園，時間尚早拙政園呢個時候仲未好多人；買好門票就要快啲入去，當時票價係60蚊，而家旺季票價已經加到90蚊，唔平架！


一入去就係園林景色；拙政園早係1997年就列入左世界文化遺產








拙政園係明朝已經建成，有幾百年歷史，不過經過咁多年洗禮，而家見到既拙政園比一開始時已經細左好多（都仲係好大），而且佈局可能同當年已經唔同晒，不過冇變既係拙政園依然咁吸引人






一朝早拙政園冇咩人，成個園好似比我地霸晒咁，行都行得舒服啲










園入面有小橋流水﹑亭台樓閣，古時既人真係識享受，如果而家有間咁既屋就好啦










仲有好多花








佢地係咩黎架




環境超靚












係園入面慢慢行不知不覺就行左好耐；差唔多十點鐘啲旅行團開始黎到，原本寧靜既拙政園即刻變左做街市，所以此地不宜久留，係時候離開




門口好多人啦


蘇州隨處可見小橋流水，係拙政園行出來已經見到




拙政園旁邊係忠王府，古時忠王府係拙政園其中一部份，太平天國時忠王李秀成將拙政園部份地方同民居改建成王府，而家呢道係當年太平天國留存落黎最完整既建築物




忠王府旁邊係蘇州博物館新館


新館由建築師貝聿銘設計，2006年先落成所以睇落又新又靚；博物館入面既展品唔影相啦，影下博物館外型就算






而家忠王府屬於蘇州博物館一部份，經博物館入口就可以入來，免費入場唔需要買門票




太平天國幾個字都有特別架，「國」字入面係「王」即係「囯」，而「天」字兩橫應該係上長下短（不過呢道睇唔到）


正殿大廳


正殿旁邊偏廳


太平天國被清政府打敗後，忠王府被改為八旗奉直會館，大廳被改建成戲廳




明朝時文人才子就係呢道飲酒品茗，吟詩作對






春暖花開






太平天國以上帝之名立國，教堂當然唔少得，忠王府後殿就係一個小聖堂








由忠王府出返黎啦


街道上暫時未見春天氣息，今年天氣較正常凍所以好多花都未開，相信遲少少風景會更靚




坐巴士返酒店拎行李，然後再坐巴士到火車站，告別美麗既蘇州






係蘇州逗留左短短兩日一夜時間，話咁快就要走啦，今次係蘇州去左虎丘﹑山塘街﹑拙政園﹑忠王府等等唔同地方，行程都叫做豐富，而且玩得好開心，希望將來有機會再到蘇州呢個咁靚既地方