台灣。台南﹑阿里山﹑高雄5天遊 @ 2015 秋

< 台南﹑阿里山﹑高雄5天遊 >

我已經好耐冇去旅行啦，如果要數上次旅行要數到上年十月日本九州之旅，即係足足一年冇旅行過！突然間覺得自己好叻點解可以忍到咁耐都唔去玩，哈哈^^經過一年時間，今年十一月終於搵到一個五日小小既假期比我休息一下，成就左呢個台灣小旅程；其實我咁多年都未去過台灣，原本今次目的地都唔一定係台灣，本身冇咩邊道特別想去，只係想搵個地方離開香港行下，咁岩有位台灣朋友邀請我去台灣，咁就唔洗諗咁多一於台灣啦！因為朋友住高雄關係所以今次飛去高雄而唔係相對熱門既台北，不過台灣南部一樣有好多野玩架，可以比我去多幾日就好啦！


台灣（台南﹑阿里山﹑高雄）5天行程：
Day 1： 香港 - 高雄 - 台南。赤崁樓﹑林百貨﹑孔廟﹑花園夜市
Day 2： 台南 - 嘉義 - 奮起湖 - 阿里山國家森林遊樂區
Day 3： 阿里山。祝山﹑沼平﹑神木  - 嘉義 - 台南
Day 4： 台南。安平古堡﹑安平樹屋﹑夕遊出張所 - 高雄。六合夜市
Day 5： 高雄。打狗英國領事館﹑旗津半島﹑三多商圈 - 香港
      台南住宿：富朗飯店﹑Leo ho Hostel
      阿里山住宿：青山別館
      高雄住宿：雲端精緻旅館

~ 旅程簡介 ~

 

19-11-2015

第一天

朝早坐八點飛機去高雄，機程一小時二十分鐘，去到先九點幾咋可以玩足全日，哈哈^^


話咁快就到高雄，先坐火車去台南


好快就去到台南


去酒店放低行李後，然後去到赤崁樓；台南係台灣最早發展既地方，所以有好多歷史古蹟參觀






離開赤崁樓去到林百貨，林百貨係日治時期台灣兩大百貨公司之一，亦曾經係當時台南最高建築物，而家仲可以睇到當時建築特色




好有歷史既孔子廟，可惜冇讀書好耐唔洗拜啦




神龍老街晚上


台南最大夜市花園夜市




第二天

朝早由台南坐火車去嘉義


嘉義火車站就係阿里山森林鐵路起點


阿里山森林鐵路就係阿里山線，因為火車路軌比普通火車窄所以又叫做阿里山小火車，火車原本可以由海拔30米既嘉義站爬上海拔2216米高既阿里山站，不過因為水災及颱風影響有路線仲係維修中，暫時只可以坐去奮起湖




兩個幾鐘車程上到海拔1403米高奮起湖車站




奮起湖風景




奮起湖最出名既特產奮起湖便當


奮起湖老街


幾米電影「星空」入面出現過既小木屋


下午坐車繼續上山，去到阿里山國家森林遊樂區，呢道有全台灣最高既郵局


亦都有台灣最高既7-11


阿里山旁晚


第三天

未天光就等火車上山睇日出


坐小火車上到海拔2451米高祝山車站


行到小笠原山觀景台欣賞風景


落山後，坐小火車去到沼平車站


係山中間遊走，路過姊妹潭


漫步神木之下




行到神木車站坐小火車返阿里山站


下午離開阿里山，坐車返台南


夜晚係台南隨意走走


第四天

上午去到安平古堡






好多好多人既延平老街




好特別既雪糕店


安平樹屋




日式建築夕遊出張所




晚上既林百貨


坐火車由台南返到高雄


美麗島站光之穹頂，不過成十一點已經熄左一啲燈


六合夜市




第五天

上午坐車去到國立中山大學門口


參觀打狗英國領事館




只要幾分鐘船程，坐船去到對岸旗津半島


又大又長既沙灘


專賣海產既街市


星光隧道




穿過隧道就係一望無際既大海啦




登上旗後砲台可以睇到旗津全景






下午去到三多商圈，行行百貨公司順便買手信返香港


又再經過六合夜市


五日短短既旅程好快就結束lu，夜晚坐飛機返香港


今次係第一天去台灣，唔知點解突然好鐘意台灣呢個地方，令我有衝動放棄下年原定計劃既歐洲旅程而改去台灣，哈哈^^等我得閒再研究一下台灣有邊道好玩先~

~ 待續 ~