福建。田螺坑土樓群

< 福建土樓4天遊 >

第二天（續）

福建好多地方都可以睇到土樓，如果要數當中最出名既應該就係呢道啦，四座圓形加一座方形土樓組合而成既田螺坑土樓群，佢既造型係眾多土樓之中最特別，有「四餸一湯」之稱


未入去土樓參觀之前先係山下觀景台遠觀田螺坑土樓，下面睇上去唔太特別，可以見到土樓建築係山上，被大自然懷抱


土樓下方有好多梯田，呢段時間放滿水準備新一季耕作




山下都有小型土樓


由山路慢慢走近土樓




田螺坑土樓群係2008年同好多福建土樓一齊被列為世界文化遺產，遊人比以前增加左好多，不過有唔少黎土樓既旅行團都只會係觀景台望一望就算，土樓入面比我想像中少人


我地首先黎到最上既「和昌樓」，有啲小攤檔做生意，我地既午餐就係呢道食啦，訂好既其中兩間房都係呢座


係土樓一個小飯廳食農家午餐，由開車師傅父母負責，師傅屋企就係呢道


12點就食完午餐，天氣熱大家都唔係幾想郁，所以就係道玩下消磨時間


呢道幾座土樓都係細細座，仲有好多村民住係入面


紫色呢個唔知係咩菇，幾好食




玩得耐要出去活動一下，今日下午都會係田螺坑呢道，可以慢慢遊盪




山頂觀景台係欣賞土樓最佳位置，而家就上去睇睇


由側面睇田螺坑土樓




坐車好快就上到觀景台，呢個就係最多人睇田螺坑土樓既位置，好清楚見到「四菜一湯」




警署都係土樓形狀


睇完田螺坑本來計劃仲去附近其他土樓參觀，但睇左成朝都睇到悶悶地，所以今日唔去睇lu，改左去書洋鎮睇下有冇煙花賣，不過買唔到...




傳說中既美食車？


又再返到田螺坑，去左最低一座，亦都係今晚另外兩間房所在地「文昌樓」，文昌樓特別既地方係橢圓形設計，不過入面就難啲睇得出，由高睇會明顯好多


地下個層差唔多每間房都係廚房，又有共用既廁所同沖涼房，住上面既人想煮飯去廁所就一定要落到地下，我地都唔例外


土樓上層用木建成，行路唔想發出聲音就要行得細力啲




好多蒜頭？




天色開始黑，遊人都走得七七八八，土樓又再變返寧靜






行返上去最上個座，即係今日午餐既地方食晚餐，又要勞煩師傅爸爸為我地準備；天都就黑有隊人黎到土樓入面影寫真，睇落好似好專業，土樓咁吸引人影相？




望上天空就好似井底之蛙望天一樣，不過呢個係一個大井


飯後又再出黎走動一下，呢道係深山之中，除左幾座土樓就咩都冇，所以見到既都係土樓




土樓有樓梯上到山上觀景台，大約10分鐘就可以行到上去，土樓日景就睇得多試試睇夜景都好；唔知點解其中一座土樓要用綠色燈光，睇落好詭異


夜晚觀景台好寧靜，除左我地幾個之外只係有螢火蟲，好多年都冇見過螢火蟲啦




晚上都冇咩好做，大家就落返土樓傾傾計傾到眼訓，不過之後問題就出現啦，傾完計有3位朋友想返到另一座土樓房間，但路中間唔知邊道黎左好多狗仲係咁吠，路就得一條大家都唔敢行過去，最後5個人迫係一間雙人房訓教...土樓設計雖然話係冬暖夏涼，不過夏天咁多人迫係一間房都係會熱，而且夏天仲會比較多蚊蟲，冬天黎應該會好好多