奮起湖。鐵路便當﹑老街

< 台南﹑阿里山﹑高雄5天遊 >

第二天（續）

奮起湖位於山谷之中，想欣賞到美麗風景可以由山上從高向下望，全個奮起湖就係眼前啦！


巴士站對面有間小小咖啡店，而咖啡店旁邊就有一條小小山路


要睇風景唔洗上到好高，只要兩三分鐘路程就可以上到一個觀景台




係道就可以望到差唔多全個奮起湖




如果有時間既話呢道有好多山路可以繼續行，不過我好快就要坐車離開，冇咁多時間再上山lu，係觀景台坐一陣就落山


唔好以為係山區電話信號就唔好，奮起湖呢道上網速度超快，係香港從來都未試過上到超過60Mbps咁快！


山上有21度唔太凍


落返黎就準備開餐啦
奮起湖呢道有好多間出名既便當餐廳，呢間係其中一間，不過我就冇係呢道食，我揀左另一間算係「最」出名同「最」有人氣既餐廳


轉右係老街？其實係一條有好多鋪頭既商店街


而家我就係去搵阿坤老師傅


左邊都係好多鋪頭既商店街


奮起湖見到有好多檔都有呢啲「混蛋」，將皮蛋﹑咸蛋﹑茶葉蛋係同一隻蛋入面造出來，究竟係點造出黎既呢？！香港應該冇呢樣野？我聽都未聽過有呢樣咁得意既混蛋




見到有7-11就即係去岩地方


今日午餐既地方就係奮起湖大飯店；未黎之前聽到大飯店呢三個宇就以為呢道係一間好大既酒店，但原來呢道比我想像中細好多




呢間既便當可能比起其他餐廳貴小小，不過都OK啦唔算貴


入面都叫坐得舒服


呢道便當盒有好多款，有最基本既鋁盒，又有不銹鋼盒木盒等等，除左鋁盒之外其他盒都可以拎返屋企留念




呢道就可以買到好出名既「御便當」


我買左呢個NT$300既不銹鋼盒，不過買左返來成個月都未諗到點用好


開頭諗買不銹鋼盒食完咪要洗乾淨個盒先拎得返屋企！好彩佢都比左個普通鋁盒便當我，食完放低就可以離開


便當細細但入面好豐富，有雞比有豬扒有蛋仲有好多配菜


顏色好豐富，又食得又睇得；雞比豬扒同啲配菜味道都好正，再配上清甜竹筍湯，呢餐簡簡單單好令人回味，去到奮起湖一定要試便當！


好多人食便當丫！便當開始時係坐火車來回阿里山乘客重要既午餐，以前火車上落阿里山一坐就成日，去到中途站奮起湖大家都要醫醫肚，當時一日最多可以賣出成二千個火車便當！後來阿里山公路通車，好多遊人都選擇又快又方便既公路上山唔坐鐵路，好多人都唔再經過奮起湖，最差時一日10個便當都賣唔晒...而家多左人旅遊喜歡奮起湖總算多返小小人氣




懷舊風7-11？




食完就出來老街行行，奮起湖有好多愛玉出產，街上好多地方都有愛玉飲品賣；我係第一次聽愛玉呢樣野，佢係台灣中部山區特別既植物，可以造成好似啫喱咁既飲品




小小的老街








仲有其他便當店可供選擇






唔知呢個好唔好食呢？




深山之中既奮起湖






離開老街向山下方向行，人少好多lu，大部份人都留係老街附近好少人會行去其他地方






超過一百年歷史既樹木，好高好高








山上面有啲霧特別有feel




呢道有幾米電影「星空」入面出現過既藍色小木屋


呢道保留左當年電影場景，不過已經太多年前，雖然當年有入過戲院睇呢套戲，屋企都有星空呢本書，不過除左藍色屋仔之外其他都冇咩印象














小屋門口右邊有間賣燒冬甩既小鋪頭，如果我唔係岩岩食飽左都會比佢香味吸引到


繼續向山下行，見到呢個牌，唔知「老老街」係咩呢？




向文史陳列室方向行




呢道就係百年老老街，睇落又好似幾老咁bor




好舊式既工廠




叫得做老老街，呢道比起上面既奮起湖老街更加老；話說以前未有火車既年代，奮起湖居民都聚居係老老街呢邊，後來火車係山上通車，大家就上左去火車站附近聚居，上面變得好旺但呢道就越來越少人啦






難得一見既舊式雜貨店


老老街好細，行完就要上返山啦


呢座日式建築係文史陳列室






亦都係一間小cafe同精品店


呢道都有得賣魚bor


時間差唔多，要返上去坐車去阿里山森林遊樂園區










沿路有好多唔同既花，不過就唔知道係咩花，哈哈










返到黎老街啦








始終都係覺得呢間鐵路便當設計最特別，早之買多個帶上山慢慢食




落山既列車已經走左，火車站又變返冷冷清清










唔知有冇人咁無聊係路軌上面放石頭呢？


離開火車路軌，行去巴士站等車




上午黎到時都未有霧，下午開始起霧，有啲白朦朦




巴士站就係呢道啦


短短3個鐘既奮起湖旅程好快完結，係奮起湖食個便當，四圍行下hea下都幾舒服，輕輕鬆鬆就hea左幾個鐘，哈哈