香港。不一樣的南丫島

二零一五年九月十九日

南丫島風景靚好多人都知，索罟灣與榕樹灣之間山路又易行，吸引到好多人到南丫島郊遊；除左香港人，南丫島仲吸引到更多世界各地遊客，我覺得遊客比例比起香港本地人更多，撞口撞面都係唔同語言既遊客，島上有香港本土特色之餘又包含有世界各地風格，難怪南丫島咁受大家歡迎；作為香港第三大島，南丫島比我地想像中大得多，平時我地行索罟灣與榕樹灣之間既南丫島家樂徑只係佔全島一小部分，仲 有好多地方係好少人去架，今次我就想試試行行南丫島其他未去過既地方


今日行程：
索罟灣→模達灣→石排灣→東澳→索罟灣→洪聖爺灣→風車→榕樹灣

本來想去到南丫島北面既北角，不過行得慢唔夠時間去


上午去到港外線碼頭，坐10:20船前往南丫島索罟灣，時間岩岩好去到就可以上船


就係坐佢啦


呢部船好舒服；好多人坐呢班船，上層坐滿晒，只可以坐下層


出發


大約35分鐘船程就去到索罟灣，比去長洲更快；船未停定好多人企晒係前門等落船，不過佢地做晒傻豬，留意唔到後面已經開左門仲落緊人，哈哈






由呢道正式出發


碼頭右邊係索罟灣大街，有好多餐廳，去榕樹灣都係行呢邊




我想去模達灣就要向左邊行


咁岩今日有龍舟比賽，好多人好熱鬧








離開比賽埸地就變得冷清，落船後九成以上既乘客都會行去榕樹灣，行呢邊就只得幾個人




路過一個地盤，好多車出入


海上魚排






魚排上有好多白色雀仔，咁咪食晒啲魚？


呢段路好易行


下面就係模達灣，有少少世外桃園feel




模達灣有碼頭，來往香港仔同索罟灣既街渡會停呢道


下面啲人玩得勁大聲，係山上都聽到佢地把聲


係分叉路轉左就可以落去模達灣




模達灣啲沙唔算靚，不過勝在遠離繁囂，係一個好地方




好多人係出面玩水




有外國人住係呢道bor，真係識歎


沙灘邊有餐廳




舊碼頭與新碼頭






模達灣就只有少少幾座村屋




路過一條小村


種左好多唔同生果






前面都有一條小村，見到有好多舊式屋頂






入面仲有人住架，而且門都冇山，唔怕有賊入屋？




呢啲咁舊就冇人住啦




屋前係一片平地，以前係田地？


繼續向前行




平地上生滿白蘭花，一路行都有花香味






經過一條荒廢左既小村，村民都搬到海邊居住




好多白蘭花




去到石排灣又見到有村屋，呢道仲有幾間士多，有野食有野賣






石排灣係一個好長既沙灘，啲沙都幾幼架




沙好靚


唔知道係唔係因為有好多石所以就叫做石排灣呢？



啲石造型好特別架








走既時候要跳過一條小溝，差少少就跳唔過踩左落啲水道


沿沙灘邊向前行










路過一啲荒廢左既村屋






呢道仲有人住？




好多花丫






呢條應該係東澳村




都係有好多冇人住既村屋隱藏係樹林之中，睇黎村民已經搬走左一段長時間






經過東澳之後就要開始上山，都有唔少樓梯架，曬住太陽行行到出晒汗


經過南丫島一個景點「騎樓石」，但寫啲咁既字污染舊石就衰左啲囉






原來南丫島山上個啲一舊舊既大石係以前火山爆發噴出黎架，因為花岡岩夠硬淨頂得住大自然侵蝕所以見到而家呢個樣，不過再經過唔知幾多年之後花岡岩最後都會侵蝕成沙粒








下個目標係山上涼亭，加油！






到左啦，呢個位超大風可以好好休息一下


頭先就係下面海邊行上黎，唔經唔覺就上到咁高


旁邊有路可以上250米高既菱角山，上去既路睇落唔算斜幾好行，今次冇時間去啦有機會下次要去去先得；唔好以為行上250米就好高，其實呢道已經係山腰位，山頂唔係好遠咋


三枝煙囪就係榕樹灣所在地，好似好遙遠


再行高少少睇風景先，今朝到南丫島時冇陽光，而家就好好陽光，天色都藍返少少






離開涼亭就一口氣行落山，唔洗15分鐘就落到啦


山下入口就係天后廟旁邊




天后廟前係一大片空地






又返到熱鬧既索罟灣大街，最多既就係海鮮餐廳，差唔多全條街都係


















除左餐廳，都有一啲特產店可以買到南丫島特產，都係一啲海味等等既乾貨






海鮮我就唔食啦，比我係咁多海鮮大排檔之中發現左一間麵店，岩晒我！行左3個鐘可以舒舒服服坐低休息一下啦




呢碗餐蛋麵只係20蚊咋，比平時食更平，估唔到遊客地方都有咁平咁抵食既餐廳！


食完麵就要向榕樹灣出發


要同索罟灣小漁村講byebye啦










一開始係一段海邊平路，易行又舒服








神風洞據說係當年日軍收藏神風船既地方，不過神風洞未開始使用日本已經投降，所以冇用過




有分叉路，左邊係去蘆鬚城右邊係去榕樹灣，因為上次已經去過蘆鬚城今次就唔再去啦，行右邊直去榕樹灣


************************************************************
蘆鬚城海灘係咁架，又少人又靚，又有齊更衣室等等沙灘設施，好正





************************************************************

去榕樹灣既路要上小小山，不過斜度唔大好易行，沿路係超多遊人


路過一間特色手工藝店，不過冇開門


好大隻豬丫




隻豬呢條村有兩位公公婆婆賣自家製涼茶，14蚊一枝比起出面平，值得幫襯一下




行上少少仲有攤檔賣冰菠蘿，好有古代山中間啲茶寮feel，不過上次我平日經過唔見沿路有咁多野賣，佢地可能星期六日假期先開檔




由山上望返落索罟灣






美麗漁村風貌一眼睇晒




有個亭可以休息又可以睇風景


之前政府想將下面個塊空地起住宅區，如果成事既話索罟灣呢個小漁村就會變天啦（我都想住係呢道！）


見到海洋公園


繼續慢慢上




見到發電廠，即係差唔多去到最高點可以落山啦


拉喼都上到黎，因為好易行，哈哈


望向大海




又經過一個賣冰菠蘿既地方




望到洪聖爺海灘啦


清楚見到發電廠


衝落山先


路過一個賣蜜糖地方，攤檔下面就係養蜂場，蜜糖應該新鮮掛


黎到洪聖爺海灘，好多人游水，不過遊水既地方其實好細，只係中間小小位，旁邊太多岩石唔可以遊水




沙灘對出就係發電廠，好似格格不入咁，不過出奇地冇污染，水質好好架






而家好好陽光


好多人係樹下bor




記得當年中一學校旅行黎過呢間士多BBQ架




離開洪聖爺海灘就向風車出發，風車全名係「南丫風采發電站」，呢個名都幾靚丫，佢係係當年風車命名比賽中勝出


又要上山lu，風車起係一個92米高既小山丘上，行上去要大約15分鐘




大風車就係眼前






可以行到風車底下，聽到扇頁畫破空氣既「發發」聲


有71米咁高！風車下有關於能源既小展覽，好岩小朋友參觀


ByeBye La


風車外有人歌唱，仲唱得超好聽，可惜冇人留意...




又落山lu




黎到南丫島最出名既阿婆豆腐花，唔餓都要試一試（其實已經試過好多次）




好多遊客食架


今次又加左價去到11蚊，講真我就食唔出味道有咩特別，但就幾有風味既


向榕樹灣大街方向行




榕樹灣有超多外國人，唔同國家美食都可以係呢道搵到








仲有好多特色小店，市區已經唔容許呢啲小店生存啦




呢間cafe係南丫島好出名，下次要試下先




榕樹灣天后廟




有間24小時工作既健康院


突然有消防車黎到，原來係有人送黎急救




細細部消防車都要幫手運送傷者


難得見到咁多小朋友係球場玩，市區好少見，而且可以見到好多唔同種族既小朋友一齊玩，大家都可以用流利英文溝通，呢個社區真特別


日落啦






榕樹灣有好多屋






換過另一個位睇日落




坐係碼頭邊望住太陽落山


再落多小小太陽就比雲遮住左啦




有直升機黎到將傷者送去市區醫院，距離頭先傷者送入健康院只係29分鐘，都算好快


日落後天氣清涼左好多，係時候走lu


又返到榕樹灣大街








呢道都有海鮮食架






行去碼頭準備坐船








有間小小圖書館


救傷車都特別細




去到碼頭部船已經黎到啦，今次會坐船去香港仔


上層有得吹海風唔錯，不過去香港仔乘客唔多




南丫島再見


船會先停南丫島北面既北角再去香港仔


返到黎香港仔避風塘啦




大約35分鐘船程又上返陸地lu


短短一日既南丫島旅程結束啦，等遲啲冇咁熱要再去先得，個島咁大仲有好多地方未去過架，要再去探索一下，哈哈