京都。北野天滿宮﹑金閣寺

< 日本中部﹑關西﹑中國15天遊 >

第十一天

京都以前曾經去過，作為一個非常有歷史既古都，歷史古蹟又邊有咁快去得晒，今日又再次去到京都市區，遊覽京都名勝古蹟


朝早八點大阪街頭已經有好多趕返工既人，基本上個個男士都著全套黑色西裝，同日劇入面一樣




穿過返工人潮，成功入到火車站


係到火車站之前用app查好左下一班車開車時間同月台編號，直接去等車就得，去到時大家已經排好隊，車好快就到




發覺火車站便利店賣既三文治比外面便利店平


半個鐘車程，夠時間比我慢慢享受早餐，日本既三文治又軟熟又好食


到達京都第一時間去觀光案內所拎資料睇下去邊道玩，係道有介紹而家係梅花開花季節同賞花既好地方，我揀左個近近地既賞花熱點即刻就去




係走之前買埋京都巴士一日券，今日所有京都交通就靠晒佢啦，￥500一張非常抵用，坐幾次就返本；京都雖然有地鐵，不過地鐵服務地方好少，大部份想去既地方都冇地鐵到，京都主要都係要靠巴士出入


巴士地圖詳細列出晒京都巴士路線，唔識睇地圖都唔怕上面有寫明景點與景點之間可以坐咩車；出到巴士站打開地圖先知個職員咁睇得起我比左張英文地圖我，都唔知啲英文地方名係咩唯有靠估，見人地有拎到中文版架


搵到坐去金閣寺既車，咁早已經有好多人出發




先唔去金閣寺，係途中「北野天滿宮」落車，門口有大大個字寫住梅花祭，今次冇黎錯地方啦（梅花祭唔係我去呢日）




由大門口行去天滿宮有一小段路，暫時未見梅花






睇梅花要比錢？
見到有個梅苑入口，入面種左好多梅花，但入場費要￥700咁貴！




圍欄出面都見到梅苑啲梅花開得好靚，可惜我又唔識影相又得部DC仔就算入去都影唔到靚相架啦，係出面望下就算唔入去lu




有啲都唔係開得咁靚姐，哈哈


繼續向天滿宮行去，天滿宮係求學業既地方，對於冇書讀既我冇咩關係，如果唔係係觀光案內所見到有呢個地方我都唔識呢道；唔講唔知北野天滿宮原來好出名，同太宰府天滿宮一樣都係日本全國天滿宮既總本社，係一個重要地方黎架






有牛既？


洗一洗手入得去


又有牛既？牛唔係重點，後面啲梅花先係重點丫


唔洗入去梅苑，係天滿宮呢道都有好多梅花，而且有建築物係後面襯托感覺靚好多架






梅花主要係粉紅色同白色




沿路都開滿梅花








終於去到天滿宮大殿，周圍都係梅花






大殿入面反而冇咩花，到此一遊之後就出返去












出返黎繼續睇花












天滿宮係京都一個好出名既地方，除左賞花之外仲有好多善信參拜








入黎賞花完滿成功，天滿宮四圍都開滿梅花，第一次見到咁多咁靚既梅花






時間尚早，離開時攤當都仲未開門；行返去頭先落車既巴士站，等車去下一個目的地


上返同一部車，好快去到「金閣寺」


金閣寺真名「鹿苑寺」，係京都其中一個主要景點，又係世界文化遺產，點都要黎打返個卡




入場費￥400，入場劵好似符一樣


入黎係為左睇佢






其實除左呢座野之外都冇野好睇，望一望就走得






睇完話咁快就走lu




經過廟就出返去








出到黎又要車坐去下一個地方，車上有寫清楚去銀閣寺，唔怕上錯車




金閣寺真係一個無聊地方，除左睇座金色建築之外就冇野好睇，見佢咁出名先黎望一望咋，唔黎都唔會有損失