大理。昆明。香港

< 雲南大理﹑昆明6天遊 >

第五天(續)

離開hostel再次進入古城大街小巷，係走之前要先搵地方享受大理最後一餐晚餐


又行到基督教堂呢邊




一街都係小食，不過我對呢啲冇咩興趣，八卦下就算












以前好鐘意食呢啲串燒，但自從串燒出過問題後已經好少食


係走之前hostel職員推薦我食呢間餌絲，今日上午已經食過餌絲所以都係唔食啦


繼續向前行








最後一次經過洋人街




睇住有人唔小心就比人賺左20蚊




沿復興路走








轉入人民路向東走，呢道都一樣有好多野食










最後揀左呢間係古城比較出名既米線店品嚐晚餐




呢碗只係7蚊既米線真係好好好正，米線非常爽口彈牙，而且少少辣仲有好香花生醬味，like x 100！




加少少辣椒更正


呢道好受歡迎，食完出來時只係賣剩兩碗，好快就已經比人買埋啦，遲少少來都食唔到




仲有另一間大啲既分店




繼續向東行










轉入一條小巷，天主教堂就隱藏係呢條小巷之中




好中國feel既天主教堂






所有雕刻都做得好細緻






呢道唔似基督教堂，唔可以入去，只可以係出面欣賞






行返出來就要繼續趕路啦


















竟然見到我最鐘意既鴨仔










已經八點幾，差唔多天黑啦




經過東門洱海門就正式難開大理古城，大理古城再見
而我都去齊古城東南西北門啦，Yeah！




出去大麗公路就可以搵到去火車站既8號巴士；8號尾班車係8:30，不過有人提醒話巴士班次未必準，所以都係早少少去到比較好






部車去火車站之前先去到巴士公司加油同收集錢箱，仲要等下部巴士來到過啲乘客來；我有好多時間所以慢慢等都冇所謂




大約九點到達大理火車站






安全檢查比起昆明站hea好多




我坐個班車11:44先開，早左兩個幾鐘到就只有慢慢等


今日咁早就食晚餐，唔想半夜先來肚餓所以食多個杯麵，慢慢食慢慢等


連啤酒個名都咁靚，不過我係唔飲酒既


等左兩個幾鐘終於可以上車啦，坐最遠既一號車箱，要快啲衝上去霸位


今次坐硬座，我諗唔會再坐啦，成晚都訓唔著
旁邊個個人霸左我個位唔比返我都算，仲要成晚郁來郁去，又打橫又打直都唔知想點


開左車之後有十零個人挨唔住去左補飛入臥鋪，我既然坐得硬座就當然要堅持到最後，點可以咁易放棄


第六天

時間過得好慢好慢，挨到5:41火車準時到達昆明站，終於可以離開火車




出到火車站仲未天光，為左安全起建暫時都係唔出去住，先搵個地方等天光


入左火車站既德克士坐坐


等到六點半天開始光，我係時候出去活動啦，要善用係昆明呢少少時間


首先要搵地方食早餐，今日想去另一間比較出名既米線連鎖店「橋香園」，行1.7公里路就會到；上午未出太陽時天氣好清涼，行都行得好舒服


環境又幾靚丫




又再次見到日出啦，係雲南咁多日都遇到好天氣，真係好幸運




路過會展同歌劇院






前面就係橋香園




叫左個最平既22蚊過橋米線，然後就入去揀個靚位坐低




如果食普通米線就要自己出去拎，我食過橋米線就可以坐定定等佢送來




有野送來啦








好快就可以變成一碗美味米線
呢碗米線都係好好食，不過我覺得相對第一日食既建新園呢碗就冇咁吸引，可能食左咁多日米線已經開始食到怕啦，哈哈^^




龜靈膏都有




七點岩岩開門時客人唔多，而家八點已經坐滿人


食完之後就過對面馬路，去今次行程最後一個要到既地方




就係去超級市場買野




來超級市場係想睇下有冇火腿賣，話晒雲南宣威火腿都好出名ma，最後買左幾舊火腿比媽媽，用來煲湯煮餸都得；去到機場過X光機時好得意，X光機照到我個背囊有幾舊黑色野，檢查既職員係部電腦又前又後又放大都睇唔到呢幾舊黑色野其實係火腿，HaHa~


第一次見到有「免巴」呢個字眼


一路飲住枝冰紅茶一路行返去火車站，要坐巴士去機場啦






原本係想去錦江賓館坐車返機場，當行到火車站之前見到有部機埸巴士停係道，咁就拿拿聲去買飛上車啦，上車前問過職員話五十分鐘可以去到機場，都好快bor


呢部車只係13蚊咋，比起錦江賓館個部平成半，而且最重要係呢部車好方便，唔洗行到去錦江賓館咁遠；8:57上車，九點就開車，時間岩岩好


我冇去到九鄉，即係枉去雲南？


巴士係到機場客運大樓之前會先係機場附近停站


一到機場停車就好多人衝上車


真係五十分鐘可以去到機場，平靚正！不過停車位置冇咁好，要向後行一兩分鐘去客運大樓








機場又大又新








等到10:30就可以check in啦，快啲check in左先


check in完仲有好多時間可以四圍影相










國際航班就要係呢個小小地方進入




入面都係勁大，但人影就唔多個






呢個時間飛機都唔多部，但我坐個部就停係78號閘口，即係要行到最尾








開始有多啲人到啦




機場有免費wifi，但要電話號碼登記先有得用，好彩我有


等丫等，飛機遲左少少到，不過就可以準時返到香港




坐係前排窗口位置，睇風景一流




準備起飛啦，再見美麗雲南

唔經唔覺飛機飛到出海，即係就快到香港啦


平安返到香港，雲南之旅可以畫上一個完美句號


因為電話冇電，係機場差左半個鐘電先起程回家，又完成一個旅程啦


短短幾日旅程去唔到好多地方，不過去過既地方都唔錯丫，有靚天氣有靚風景，玩得好開心，慶幸因為得到呢張免費機票先可以成行，我要多謝航空公司先得，哈哈^^一個旅程完結就要期待下一個旅程開始，下一個星馬之旅又係玩得好開心呢，Yeah！

< 雲南大理﹑昆明6天遊 >

< 完 >