姫路。姫路城﹑EVA 500系新幹線

< 日本中部﹑關西﹑中國15天遊 >

第九天

日本有好多大大小小唔同城堡，幾乎每個大城市都會有一座，之前我有參觀過熊本城﹑岡山城等等，但要數日本最出名一定係位於兵庫縣姫路市既「姫路城」，佢直頭係日本人心目中既國寶，今日我就會去到姬路城參觀啦


之前都話過今日唔洗咁早起身，但早慣左改唔到，未夠七點就醒左爬起身


咁早出門口未咁快有車，難得有時間坐低食早餐，去火車站途中路過間吉野家就入去坐下


日本吉野家好多都係呢啲吧枱形色，叫左野食職員會送到面前，服務好好


叫左呢個早餐套餐，我記得好似係好平大約三百円，不過呢個肉碎飯唔好食，早知食牛肉飯仲好，最衰都係貪平...


食完慢慢行去郵局，仲差小小先開門




買到郵票寄明信片啦
由日本寄明信片到香港（全世界）都係￥70，我買呢款Hello Kitty郵票要補多￥18先夠，咁我就諗住另外買￥18郵票，但個職員同我講左一大輪野都未賣比我，原來佢係話無￥18既郵票，要￥10+￥5+￥3咁樣合併先得，問我會唔會揀過其他款￥70既郵票，我要買Hello Kitty無計啦一定要買呢個，可能佢無諗到貼多啲郵票係就係麻煩小小，但貼多幾個郵票明信片都靚啲架


日本每個地方既郵局都會賣當地限定明信片，我一向都有儲開諗住最後走個日先慢慢揀，但走個時完全唔記得左呢件事...


火車站入面呢間麵店係企住食，咁咪食得快好多


仲有時間未上得車住，去Pokemon Centre睇下有無野岩心水先，次次去日本都要黎朝聖




唔知今日係咩日子，一開門已經勁多人排隊，睇睇下先見到佢地排隊係為左買兩件紅綠色既衫，我就唔知件衫有咩特別啦






今日仲係呢隻二月限定版比卡超開賣既第一日，好多人買佢；二月好似係日本學校學期尾既日子，比卡超用左畢業做主題


暫時唔係道買野住，睇定先




落下去樓下大阪站，坐車去新大阪站轉新幹線




今日坐既呢班新幹線好特別，係500系EVA塗裝列車，全日本只有呢一部，每日只有一班車來回博多大阪，想坐呢班車要就佢時間




部車吸引到好多人影佢，車頭車尾都係人；全列車八卡車箱都係紫色，如果有睇過EVA會覺得特別親切


列 車為慶祝山陽新幹線全線通車40周年而推出，難得呢個時間黎到一定要坐坐；500系列車車身好圓,室內空間相對其他型號列車細，而家行車噪音大，佢大多數 班次已經比N700系列車取代，而家佢只係行一啲站站停既慢車班次咋；當年佢都威過架，曾經係最快既新幹線列車，二十年前已經行緊300km/h




差唔多開車要上車啦




一號車廂無開門，入面收埋左咩呢？


襯佢開一開門即刻去裝裝；其實入面係一部遊戲機同一啲EVA既展覽，當時要有預約先可以入去，我無預約只可以係門口偷睇，而家入去參觀好似已經唔洗再預約啦，就咁行入去就得




二號車廂係普通座位車廂，可以隨便揀位坐




除左頭一行留左位之外後面已經坐左好多人，要行後啲先有位




車廂入面全部設計都同EVA有關




吸煙房都有佈置（吸煙危害健康千其唔好食）




二號同三號車箱之間；三號車廂係普通座位車廂，無再行去後面睇lu






列車設計


睇左咁耐搵個位坐定定等落車啦


車上有一啲限定產品賣，呢個哥哥買緊酒




坐新幹線好快就去到姬路，落車後部車停左好耐，可以慢慢睇真啲佢，點睇都係咁型！




姬路唔係大站，好多列車唔停站超快行過，呢道都係一個睇火車既好地方




睇完火車，今日姬路旅程正式開始


火車站入面呢個唔知係咩呢？


先係火車站觀光案內所拎啲資料睇睇；呢道超多台灣人黎丫，香港都唔弱排第二，但同台灣比差好遠，我都唔執輸幫香港貼返粒


今朝大阪無落雨，我冇拎把遮出黎，黎到姬路天氣差好多一路落住雨，暫時雨唔算大，唔用遮都無問題


由火車站向前望就係姫路城，唔係好遠可以行過去


入左旁邊商店街行就唔怕落雨，仲可以一路行一路睇野






地下都見到姫路城既代表白鷺


行到商店街盡頸就差唔多到啦；冬天街上冇咩樹葉好荒涼




過埋馬路就到姫路城範圍






姫路城貴為世界文化遺産，又被日本政府指定為「國寶」同「國家特別史跡」，係日本人心目中神聖地方更唔可以比其他城堡取代；姫路城係日本少數可以避過幾百年戰亂，由古代一直保留落黎既城堡，宏偉建築可以話係江戶時代既象徵，所以又有「日本第一名城」呢個稱呼






過橋穿過護城河去到進入姫路城第一道大門






無遮無擋見到姫路城啦；姫路城外牆係雪白色，日本人覺得佢好似展翅既白鷺，所以又有名叫「白鷺城」；可惜今日天氣唔好，個天又白佢又白，展現唔到佢既美態，可惜...




通過櫻花樹下去到姫路城底下


國寶真係國寶，入場費咁貴
除左主題樂園之外未見過日本有地方入場費咁貴！難得黎到門口都要入去架啦！




售票處係城堡下面，入場之後要向山上行；雨越黎越大，我唔可以慢慢行要快啲衝上去






姫路城範圍好大，係天守旁邊仲有好大既公園，落住雨我都冇出去行lu


姫路城除左有一座五重六階既大天守之外，旁邊仲有三座小天守




冒雨向上行




行上姫路城樓梯入到天守閣


入到天守閣第一樣要做既野係除鞋，大家全程都會拎住個白膠袋四圍行


行前啲有拖鞋拎，唔會要大家赤腳行咁殘忍既


由第一層望出去都感覺到好高，比起姫路市既建築都要高


古時既姫路市係星形咁有趣？


天守閣模型


大家依指示拎住袋鞋跟住條路行




窗框之間見到外面景色，正前方係頭先落車既火車站




天守閣入面冇咩擺設，好多地方都係空位，冇咁多現代設施反而顯得姫路城更加有古代味




所有樓梯都好直


一口氣上到最頂層，上面係最細既一層迫滿好多人；中間有座小小神社，好多人排隊參拜




如果好天啲既話風景應該好靚，今日落住雨就灰朦朦一片...見住落咁大雨一路都冇咩心情，就算係姫路城天守閣行既時候都冇心機停低腳步慢慢睇，個心一路都諗住快啲停雨快啲停雨，直至上到最頂塞人先有機會停一停細心欣賞一下窗多風景






正面面向火車站




另一邊方向








落返樓下依然落大雨，冇計幾大雨都要走架啦，希望有地方有遮賣啦...




由下面望向姫路城




唔知個井有咩特別呢？


呢道仲維修緊都係唔知咩黎？






落到黎都冇心機行出去花園同其他地方，直接行出售票處就走lu；旅行遇著落雨已經好影響心情，仲要遮都冇淋住雨真係好麻煩




好彩行出姫路城之後有間紀念品店有遮賣，而家唔洗怕大雨啦




街上都有呢啲特別裝飾


又返到黎，順便搵下有咩野岩食






商店街有好多野食選擇，路過呢間烏冬店比佢吸引住，我太鐘意烏冬啦


都係一般烏冬店設計，先揀烏冬揀材料，比左錢就可以拎返去開餐


又係一個超好食既烏冬，今次好似食左三個烏冬咁多，諗起都覺得痴線


烏冬店除左有呢啲普通枱之外，亦都有榻榻米，啲人去晒榻榻米個邊冇人坐呢道


由商店街一路行到返火車站，食飽就準備上車去下一個地方




見到KFC就諗起傳聞日本人聖誕節特別鐘意KFC，會多人到排長龍，暫時未考究到呢個傳聞真定假


新幹線姬路站好多車都經過而唔停站，我一路等一路睇火車




終於有部700系到站，呢部車好神秘架車上一個人都冇，而且乘換案內app都冇顯示呢班車，唔知佢係邊道走出黎！見到佢寫住去岡山都照上左先算，上左車等多兩班車爬頭先到我呢部開車，係姬路站等足成個鐘




開車之後好快就去到岡山站，呢道係多雲左小小，不過冇落雨已經好好




黎到岡山係想睇一個叫「西大寺會陽裸祭」既祭典，呢個係「日本三大奇特節日」之一，一年舉行一次咁岩又比我撞到，我一於去睇下呢個祭典有幾「奇特」