檳城美食遊

< 怡保﹑吉隆坡﹑檳城8天遊 >

第五天

開心時間過得特別快，今日就要離開吉隆坡，去位於馬來西亞北面既檳城；上次由吉隆坡去檳城選擇坐火車，坐一個夜晚就到，今次舒服啲直接坐飛機飛過去



坐KLIA ekspres到KLIA2，坐位比KLIA transit舒服


一早係屋企print好登機證，拎住張紙直接行入去就得


內陸線呢邊保安冇國際線咁嚴謹，上落機既人都可以係入面四圍行，而且地方細好多，商鋪都少好多




要再入候機室等上機


今次呢班機價錢平得好過份，連稅都只係港幣大約九十蚊，上下午好多航班都係呢個價錢，仲平過搭巴士火車！交通時間仲要快好多好多




機上有wifi？試過又真係可以連接到，不過就唔係比你上網，係連接入佢既娛樂系列，入面有啲短片電影咁，只係冇野好睇


班機坐滿人，我被分配係最唔舒服既中間位，見今次機程咁短就唔改位啦，迫一陣冇所謂


由吉隆坡去檳城實際飛行時間大約35分鐘，話咁快就到；檳城機場上落機係同一個地方，所有人迫晒係一齊好熱鬧




機場好細，搭電梯落去就到大堂




檳城天氣好好，出機場行個圈，同係電影入面比我既印象差唔多，都係有個停車埸同好多樹，不過客運大樓就變成現代化建築；係我黎到檳城既時候，朋友已經係機場等緊我


有朋友接好快就到喬治市，先去hostel放低行李，然後去開餐




Hostel係檳城最出名既食街「汕頭街」旁邊，就算天未黑已經開左好多攤檔，唔少人準備開餐




喱姐介紹我黎到檳城一定要食汕頭街既「鴨肉粿汁」，就咁聽個名唔太估到呢樣係咩，鴨都可以做到果汁？喱姐介紹得既一定係好野，所以檳城第一餐就食佢啦；黎到賣鴨肉粿汁既攤當，估唔到係咁既樣




有太多野食賣，冇可能食得晒，鐘意食野既朋友黎呢道岩晒




呢碗就係「鴨肉粿汁」，成碗都係鴨肉超足料，湯底濃郁又好味，去到檳城好值得一試


係街邊唔同攤檔買左野食可以拎入同一間店鋪享用，飽到食唔晒




係熱辣辣既地方飲碗冰凍糖水即時清涼晒


食完野已經天黑，向海邊康華利古堡行去，古堡上次已經入過唔會入去lu，去佢旁邊既公園






有個馬來人既夜市，只係行過冇入去






海邊公園有海風吹冇咁熱，呢道有熊仔展覽所以好熱鬧，好多小朋友黎玩








黎左呢間檳城最長既cafe，係門口睇cafe唔係好大，亦都唔係好闊，不過就好長好長，長長走廊之中有live band，亦都有靜既角落








好多唔同款式蛋糕






隨意揀左件，同朋友一路食一路傾計，好快就到十一點




返到hostel第一時間去沖涼，估唔到咁夜都好多人要排隊，係出面等緊既時間同位美國人傾左好耐計，傾傾下就過左成個鐘，歷史地理文化咩都講一餐；今晚好夜好夜先訓，好彩訓得著咋，因為間房竟然係冇冷氣，要靠走廊吹啲冷氣入黎，但我間房離冷氣機最遠都吹唔到過黎！就快熱到出汗！

第六天

七點就起左身，要早啲離開呢個咁熱既地方；呢間hostel算係比較細，只有幾間房，廁所同沖涼房各三個








小小既大堂




呢道住一晚好平，大約62港幣；其實馬來西亞住酒店都唔貴，如果我唔係怕一個人住酒店一定揀酒店




出去行個圈，但唔夠十分鐘就落大雨，係大雨都行唔到個隻，企係騎樓底下等左好耐都唔係辦法，最後一口氣跑返hostel




坐係大廳等停雨，冇遮冇得出去行


約左朋友九點半過黎接我食早餐，去左呢間好傳統既餐廳


我想試試檳城既腸粉，都估到同香港既腸粉一定唔同架啦，但實際分別又唔係咁大，都係白色腸粉點醬食


雲吞麵同香港唔同，但都係好好食




行下人地既街市，格局同香港既露天街市差唔多，係賣既野有小小分別，有好多香港冇得賣既野














去到檳城出名既水上清真寺，呢道距離市區算係遠好，開車黎都耐耐地，如果要我坐巴士就真係唔會黎啦，仲要檳城啲巴士唔準時唔知要等幾耐車；黎到清真寺係門口睇下就算，冇入去參觀




今日天氣唔多好，有時大雨到路都睇唔到，睇唔到藍天靚景






由市中心望出去，市區好多都係呢啲矮樓；因為入左世界遺產既關係喬治市舊城區唔可以亂起高樓，高樓大廈集中係喬治市外圍




檳城對我黎講冇咩地方特別想去，唯一諗到有小小興趣既係升旗山，心諗就算今日天氣唔好都上去睇睇啦；升旗山地方細為防冇得泊車，先放低部車再係光大巴士總站搭巴士，檳城巴士唔似香港咁可以上網check時間，連時間表都唔準，搭巴士要靠運氣




半個鐘多小小車程去到升旗山纜車站，途中經過既地方好有趣，有類似彩虹邨既地方，又有地道大排檔，有機會我想落車四圍行下，應該好好玩


由下向上望，纜車軌好斜好斜！


纜車車費遊客貴本地人一啲，來回RM30


佑唔到今日唔好天都咁多人上山，排左幾架車先上到




纜車越向上行條路越斜，山上纜車站最斜！








睇啲樓梯有幾高就知




出到黎同預期中一樣，咩都見唔到， 一切都係預計之內，哈哈








好天既話可以望到好遠架


呢道都興玩呢啲？


升旗山係檳城最高既山，再加上天陰陰上到黎好清涼，加上大風就好似開住大冷氣一樣




有時候大風將雲霧吹散，斷斷續續見到下山風景，好天除左可以望到檳城東面之外，連一海之隔既北海都可以見到








山上有好多唔同地方參觀，不過見咁既天氣都懶得四圍行，周圍都大霧咩都見唔到




既然冇地方去，搵個地方一路食野一路望住出面，久唔久都可以睇到下風景


突然落起大雨，坐左好耐冇地方去都係決定走啦，纜車站一樣有好多人排隊，又要等幾部車先落得山


落返黎細雨左好多


旁晚時間去到義香買手信返香港，呢道啲豆沙餅好好食，買左大量返去慢慢嘆




晚餐黎到呢間睇落好懷舊既餐廳，我地六點半到時有位唔洗等，走個時成個門口都係人，睇黎呢道應該有啲名氣


呢道係打邊爐，估唔到檳城咁熱打邊爐一樣咁受歡迎；呢個打邊爐重點係用炭火燒，係香港應該食唔到




街上夜景






係呢間小小cafe坐下，傾下計不知不覺就到左返hostel時間




聽朝一早就要離開檳城，係檳城既時間就只係一日多小小；今次到檳城實際冇邊道特別想去，只係為左同朋友食下飯傾下計咋，唔知將來仲有冇機會再次去到檳城呢？