山口。湯田溫泉﹑津和野

< 福岡﹑廣島﹑尾道﹑山口6天遊 >

 

第四天（續）

近幾次去日本最少都會安排一晚浸溫泉，今次亦都唔例外，係地圖之上搵到呢個聽都未聽過既「湯田溫泉」；選擇呢道既原因主要都係交通方便，之後先知道佢都算係一個有小小名氣既溫泉區

由「廣島站」坐新幹線到「新山口站」大約三十分鐘車程，沿路多雲冇陽光，好彩一陣主要都係浸溫泉，好唔好天唔太重要


係新山口站竟然見到遲一班到既係EVA500系新幹線，如果頭先早少少到廣島就可以上到呢部特色列車


再轉JR山口線到「湯田溫泉站」，呢條唔係啲多人既路綠，用既車都係一啲舊式列車，有一種懷舊味道




開車冇耐就見到好多農田，沿路都唔係大城市


大約三十分鐘車程黎到湯田溫泉站，呢個係一個細站，唔多人上落




湯田溫泉又叫「白狐之湯」，車站對出就有好大隻白色狐狸，我諗唔睇介紹都估到呢個同古時傳說有關，有其他溫泉區都係因為動物浸過而以動物命名


車站有足湯，名副其實係一個溫泉區


又見白狐啦


好多地方都有足湯


除左一條大街多車多，其他地方好寧靜




今晚住呢間溫泉酒店，大堂好大




客房只有四層，每層好似只有五至六間房，所以酒店唔多人住，溫泉都唔多人浸


房間比相像中大好多


浸過溫泉後出去行下，周街都見到足湯


行返去大街搵野食，不過冇咩特別想食，所以去左便利店買食野算，快啲拎返酒店食完又可以快啲去浸溫泉


係出去既時候職員已經幫我地鋪好被鋪，浸完溫泉可以舒舒服服訓啦


第五天

朝早浸多次溫泉開始今日行程，媽媽話想睇啲鄉村啲既地方，所以今日會向山陰出發；行去火車站途中又見另一個足湯，總有一個係身邊


月台好冷清


呢條JR線應該冇咩乘客，就算係好耐一班既特急列車都只係得兩卡車箱，自由席有好多位




又係買定野上車食早餐


沿路都係農田郊外風景，好靚！只可惜一直落雨






去到位於島根縣既「津和野站」落車，呢道比想像中冷清，落車既乘客唔計我地就只係得另外兩個人咋






站外停左部的士，都唔知要等幾耐先有生意


津和野同好多地方一樣又係有啲咩咩小京都稱號，都係行古式古鄉路線




最靚我諗就係呢道啦






呢道感覺上唔太特別，都係啲好多地方都有既野，係日本叫自己做「小京都」既地方太多，所以冇好大期望，不過可以遠離城市黎到一個寧靜地方，感覺好舒服






經過「彌榮神社」






「稻成神社」位於山腰，上去要穿過好多好多鳥居；想睇一排排鳥居唔一定要去伏見稲荷大社，呢道一樣有，當然數量少好多








一路上山風景變得開揚


上黎只係為左睇風景，冇入神社參拜，sorry






差唔多睇到晒成個津和野








見到火車只得一卡車箱，仲好耐先一班，呢道想多人都難


行去另一邊沿馬路落山，穿過一座大鳥居




可以坐纜車上山頂參觀「津和野城跡」，上面都係一個睇風景既好地方，不過我地冇上去






津和野地方唔大，好快就行晒




全個地方都好平靜，街冇咩人連餐廳都冇人，搞到想食野都唔敢入去






津和野站旁邊有部蒸汽火車，假期會有蒸汽火車「SL山口」由山口來回津和野，可惜今日係平日無緣坐到


可以上去睇








呢部就係SL山口，唔同季節有唔同風景，而家夏天相對冇咁靚




火車未咁快到，去左間小型超級市場買左飯一路食一路等車，我諗超級市場係津和野最熱鬧既地方都唔定


到過津和野後，今次旅程主要行程已經完成，係時候返去；先由呢道坐火車去新山口站，再轉車到小倉站




小倉落車係想去「旦過市場」行下，媽媽鐘意行街市多過行百貨公司






順便行商店街買野




到左福岡先去今晚住既地方，唔知點解福岡好難搵到岩心水既三人房，咁就係呢間hostel住一晚，一間房三個人岩岩好，而且房有廁所唔洗同其他人迫，都唔錯






夜晚去旁邊運河城行行，不過佢地冇興趣；運河城旁邊都有屋台，屋台係福岡無處不在


冇食屋台，見到間吉野家就入左去


夜晚既商店街好冷清，除左少數拉麵鋪之外其他都已經關門，本來想食個拉麵最後都係放棄


第六天

朝早商店街都係冇咩人


早餐去到一蘭總店食拉麵，咁早好少人；地下唔係平時食開既自修室座位，而係普通枱，多人食既話坐得舒服啲




都係平時食開既味道，冇咩特別，唔似得以前未食過有好期待既感覺，而且拉麵實在有太多油，下次未必會再食佢啦






去返博多站行行商埸，點都要黎買返啲野既


呢道既戲院最夜都係得大約九點既場次，夜小小都冇得睇，如果有夜場琴晚就可以去睇戲


四圍行下買下野，再預早時間去機場，四點飛機早啲去穩陣啲


仲有時間係機場食個下午茶先上機


飛機遲左大約一個鐘起飛，到香港時天都就快黑啦




六日旅程完成lu，今次去既時間唔係最好，睇唔到紅葉又睇唔到落雪呢啲靚景，而且到過既地方風景唔係話好靚，或者可以講冇咩特別，第一次去行下睇下算係唔錯，好多地方都人唔多好舒服，不過要我去多次就要考慮下啦，我諗日本好多其它地方對我黎講更吸引

 

< 福岡﹑廣島﹑尾道﹑山口6天遊 >

 

< 完 >