吳市。海上自衛隊吳史料館﹑大和號博物館

< 福岡﹑廣島﹑尾道﹑山口6天遊 >

第四天

住左係廣島三晚，今日終於要離開搬到山口湯田溫泉，係到溫泉之前會先到吳市參觀博物館；吳市好耐之前係日本既主要船塢同海軍基地，而家有好多相關既野參觀，我就係想睇呢啲所以黎到呢道；電影「謝謝你，在世界角落中找到我」就係以吳市作為背景，可以見到當年吳市算係一個繁華既小城市



日日出門都經過條河，今次係短短幾日旅程之中最後一次啦


由廣島站出發，大約四十分鐘車程去到「吳站」




車站有位坐，先坐定定食小小早餐再出發


吳線好多路段沿海邊行，有觀光列車專門比人欣賞瀨戶內海風景，今日要早出發無緣坐到呢部


出車站經過天橋行，好快就見到想去既地方




望到大大部潛水艇個道就係啦


潛艇呢道係「海上自衛隊吳史料館」，而潛艇本身係一部貨真價實既海上自衛隊退役潛艇，唔係模型黎架，黎吳市其中一個目的係為左睇佢




史料館有好多海上自衛隊相關資料展出，我冇特別去樣樣影相，係道逗留既時間唔多，都係用眼睇比用相機睇重要




全館最想去既地方就係潛艇，係可以入去參觀架，而且仲係免費入場！


潛艇既床咁矮隨時撞到頭都唔定




全艇唯一一間私人睡房係艦長房，其他人就係訓上面個啲會撞頭既碌架床


其他設施






下層係魚雷艙


見到駕駛室啲儀器超複雜






潛望鏡仲用到架，可以望到出面風景，會見到海港出面既船


睇完潛艇就完成呢道既參觀，行左出海邊睇下；吳市而家係海上自衛隊基地，又有好多造船廠，所以會見到好多艦艇同大船






「海上自衛隊吳史料館」旁邊就係我想去既下一個地方「吳市海事歷史科學館」，亦即係「大和號博物館」


博物館出面有大和號一比一模型，已經可以感受到大和號真係好大






博物館之所以叫大和號博物館，係因為博物館大廳展示呢部比例1/10既大和號模型；大和號對喜歡歷史既朋友應該唔會陌生，作為世界歷史上最大既戰艦，就算縮細十倍都係好大，模型清楚睇到當年艦上設施，造得非常真








博物館有介紹吳市海事相關歷史，世界大戰前吳市係日本最大軍港同海軍船塢，大和號就係吳市建造






零式戰機都有，呢部好似係真貨！






海龍級小型潛艇




仲有好多設施同展品，唔逐一影相啦




由博物館向外望


睇多次大和號就走啦






離開博物館後去超級市場買啲野就返JR站，等車時順便拎埋午餐出黎食，就係岩岩買既壽司




返到廣島站再轉車，繼續去今晚將會浸既湯田溫泉出發