廣島。嚴島神社﹑大鳥居

< 福岡﹑廣島﹑尾道﹑山口6天遊 >

第三天（續）

宮島係日本三景之一，島上嚴島神社更係世界遺產，所以宮島係到廣島旅遊必到地方；由廣島到宮島乘坐鐵路可以坐廣島電鐵或者JR，我由岩國出發就只有JR選擇



由「岩國站」坐山陽本線去到「宮島口站」




出左站向正前方行，幾分鐘就到碼頭




碼頭有兩間公司有船去宮島，用pass坐JR船唔洗錢緊係坐JR


揀左坐冇冷氣既頂層，影相睇景就最岩




廣島其中一樣出名美食係廣島蠔，係呢段小小既航程中見到宮島海邊有好多養蠔蠔排，就好似係流浮山見到既蠔排一樣；夏天未到最多蠔出產既季節，秋冬黎就可以食到又平又靚既廣島蠔




到碼頭之前船會靠近宮島地標大鳥居，鳥居就浸係神社對出既海水之中




大約十分鐘船程就到宮島，宮島有另一個名叫嚴島，相信兩個名都係指同一個地方；除左神社同大鳥居外，宮島紅葉都係好出名，今次無緣見到啦






鹿都係宮島既代表之一，由碼頭開始到神社之間都見到好多鹿；啲鹿算係好乖，行近同佢地影相都冇問題，只係唔知點解有隻無啦啦咬住我件衫，咬左個口水印出黎，不過又幾得意








一路行不停見到鹿








宮島最旺既商店街


雖然未到廣島壕盛產季節，想食壕既都唔洗擔心，宮島街上四圍都有壕賣，行幾步就可以見到唔同燒壕攤檔






宮島另一樣特產係木羹，呢個係世界最大既木羹


午餐揀左呢間有小小名氣既「牡蠣屋」，睇個名都知道主要係食壕




每人叫左一份餐，不過我係唔食壕既分埋比大家，見啲壕大大隻賣相咁靚相信一定好食，事實上媽媽食過後都話好食




向海邊行去






好快就見到嚴島神社大鳥居，鳥居建築係海之上，係宮島最出名既地標




鳥居係嚴島神社對出，潮漲時會浸係海中間，而家潮退海水慢慢退出，好多人走出神社同鳥居之間水退後出現既空地




兩隻鹿為左爭袋麵包而打交，打到有勇士偷偷地行過去掉左袋麵包佢地先停手






朝漲時嚴島神社係浸係水之上






只係去到門口，冇入神社參觀...






啲人越行越出啦


係神社附近行下，另一邊遊人唔多








行多陣之後海水已經退到大鳥居出面，可以行到鳥居身邊，我都要行過去親近一下呢座咁出名既大鳥居




鳥居就係頭頂，遠睇唔多覺近睇超級大座！






唔知整緊咩呢？


睇完鳥居都差唔多時間要走啦，回程路上都係見到好多鹿仔




宮島另一樣出名既食物係呢啲楓葉形狀既豆沙餅，好多地方都有得賣，我食左一個當係下午茶，好好食架；咁岩遇到有一個賣豆沙餅既店員係識講廣東話，原來佢曾經係香港住過幾年


大約五點坐船離開宮島lu


再坐JR返廣島站




先同媽媽返去酒店，今晚book唔到三人房，只係book左雙人房比佢地住咋，而我搵左間附近既hostel比自己住；佢地係酒店休息一下，我極速衝去hostel check in，咁夜啲返去都冇問題啦


晚餐去左一風堂食拉麵，但始終都冇第一次係福岡食咁驚喜咁好食，不過味道都OK既






夜晚慢慢行去hostel，順便睇下夜景




一早已經鋪好床，跳上去就訓得；呢間hostel感覺好靚，可惜我冇機會用到佢其他設施










張床訓得好舒服，今晚好好訓，哈哈