岩國。錦帶橋﹑岩國城

< 福岡﹑廣島﹑尾道﹑山口6天遊 >

第三天

琴日去過廣島東邊，今日會去廣島西邊，先去岩國再去廣島最出名既地方宮島；今日要去兩個地方所以又要早出發啦




比琴日遲小小，七點半先出門口，太陽已經出左黎




再次黎到廣島站，由廣島去岩國坐新幹線或者在來線都可以，咁就緊係坐又快又舒服既新幹線




又可以係車上舒舒服服食早餐，日本三文治超好食


話咁快黎到「新岩國站」，月台上已經見到岩國最出名既「錦帶橋」






新岩國站唔係岩國市區，冇咩人係道落車，大堂月台都一樣咁冷清，車站外面只係得個停車場






巴士班次唔多，預先睇左時間表唔洗等好耐就有車，見有小小時間係大堂四圍睇下




大約十分鐘車程去到錦帶橋，落車就可以望到


錦帶橋係日本好出名，有「三大名橋」﹑「三大奇橋」等稱號，舊既錦帶橋幾百年前已經有，不過受天災影響而家見到既錦帶橋係近代重建而成


由唔同角度影下條橋






橋下係山口縣最大既河「錦川」，今日水淺，可以行到去河中間捉魚






唔知岩國名物係咩呢？


呢道應該係雀仔捉魚表演，咁早當然未有


錦帶橋收￥300過橋費，長輩們話唔行咁就唔行lu，不過唔行都唔緊要，冇幾遠就有另一座橋過河






下一個要去既地方就係山上岩國城


由另一條橋可以睇到全條錦帶橋，呢個位影相好似更好




經過一間出名雪糕店，有超多唔同味道


進入「吉香公園」，呢道係睇紅葉好地方，夏天一片綠油油就冇咩特別










纜車站係吉香公園入面，時間尚早乘客唔多








山上纜車站




上山後繼續向山上行，沿馬路行易行又舒服，唔洗十五分鐘就到目的地




首先見到既係岩國城舊天守地基，當年岩國城就係建築係呢個地基之上




舊地基南面三十米就係而家見到既岩國城天守，新天守位置比較開楊，係正山邊視野更好而且係山下都可以清楚見到




唔入城參觀一樣可以睇到風景，山上可以見到全個岩國，可惜今日視野唔清晰






山上有休憩設施






由山路行返去纜車站，呢啲路先有行山感覺


纜車站旁邊可以見到頭先去過既錦帶橋，如果有藍天就好啦








山上有路行落山，但天氣熱唔行啦，坐纜車舒舒服服落去好過，而且今日仲有其他行程唔用咁多時間慢慢行




吉香神社環境好靚










河邊全部都係櫻花樹，春天黎就正


過返去對岸巴士站




今次唔去「新岩國站」，要去在來線既「岩國站」，買左飛仲有時間上二樓手信鋪行


大約十分鐘車程就到岩國站，車費￥300，真係好貴


由岩國站上車可以去到下一個目的地宮島，終於可以睇到廣島最出名既大鳥居啦