2017年12月16日星期六

日本九州。鹿兒島﹑宮崎﹑指宿﹑熊本。2017。秋

 < 鹿兒島﹑宮崎﹑指宿﹑熊本6天遊 >

今年頭十一個月都冇離開過香港,十二月終於有機會啦,去左日本九州南部呢個想去左好耐既地方;好多年前開始已經好想坐九州唔同既特色觀光列車,其中來往熊本同人吉既「SL人吉」係最想坐既一部,因為未坐過蒸汽火車ma,之前曾經係熊本站與SL人吉有過一面之緣,一直都好期待可以坐上呢部同更多既列車,南九州旅程就係因鐵路而開始,不過有小小可惜既係今次都係冇坐到SL人吉,不過坐到其他特色列車都係一樣咁開心

日本九州(鹿兒島﹑宮崎﹑指宿﹑熊本)六天行程:
Day1: 香港 - 鹿兒島。海豚灣﹑天文館
Day2: 鹿兒島 - 霧島。霧島神宮 - 宮崎。青島神社﹑鬼之洗濯板 - 鹿兒島
Day3: 鹿兒島 - 指宿。西大山站﹑砂湯里砂浴﹑玉手箱温泉 - 鹿兒島
Day4: 鹿兒島 - 吉松 - 人吉 - 熊本 - 鹿兒島
Day5: 鹿兒島 - 櫻島 - 鹿兒島。城山公園
Day6: 鹿兒島 - 香港

鹿兒島住宿:Green Guest House
                    Hotel Palms Tenmonkan


二零一七年十二月

第一天

朝早出發去鹿兒島,飛到日本後見到指宿既「開聞岳」,係唔係好似富士山呢


鹿兒島市內好多金黃銀杏,有風吹過時就好似雪一樣飄落,好靚




第一日冇特別地方要去,行左去附近既海豚灣天文館,鹿兒島唔係大城市人唔多,就算係市中心最熱鬧既商店街都係唔多人




第二天

天未光就出發去霧島神宮,早上霧島神宮仲未多人好寧靜




下午去到宮崎,去位於青島既青島神社,宮崎既大海好靚,而神社旁邊可以見到有鬼之洗濯板之稱既特別地型,就好似傳統洗衫板上一條條線咁




第三天

上午坐特色列車「指宿之玉手箱」到達指宿,去到JR最南車站「西大山站」,之前係飛機上見到既開聞岳就係眼前




指宿砂浴同温泉都係好出名,黎到指宿點都要試試,今次浸既温泉面向大海,係一個超正既温泉




鹿兒島中央站旁邊聖誕市集,好有氣氛


第四天

今日名符其實係鐵道之旅,由鹿兒島乘坐三部特色列車前往熊本(「隼人之風」﹑「伊三郎、新平」﹑「翡翠山翡翠」),呢啲列車好特別,除左靚之餘中途停站時仲會有小小時間比大家落車參觀,大約五個半鍾既旅程好快就過




沿途風景有山有水,係車上舒舒服服欣賞靚景




難得到熊本緊係要探下部長,去到辦公室部長唔係道,其實都預左,不過一場黎到熊本點都要黎一黎既


第五天

今日留返係鹿兒島,去鹿兒島既地標「櫻島」,上午天色唔多好所以好遲先出門口,好好彩之後天色越來越好




上到城山公園觀賞鹿兒島市區同櫻島火山,今次旅程亦都接近尾聲




第六天

中午由鹿兒島坐飛機返香港,六日小旅行話咁快完lu


鹿兒島係一個好地方,人唔多好舒服,附近地方風景靚,有山景有海景亦都有田原風景,仲有好多靚溫泉,有機會既話我都想再去

~ 待續 ~


2 則留言:

  1. 這次你的鐵道之旅最啱影靚相,個view真係好靚

    回覆刪除
    回覆
    1. 九州自然風景好靚,環境好舒服~

      刪除