東北紅葉。福島。只見線﹑會津若松城

< 日本東北紅葉之旅 >

第九天

終於去到最後一日紅葉旅程行程，將會前往其中一個被喻為最靚鐵道秘境，觀賞位於只見川上既鐵橋；由於只見線班次好少，要配合埋火車行走鐵條之上就更困難，要睇到呢個景色一定要好早出發先得，所以前一晚已經要黎到等今日晨早火車出發


火車未夠六點就開出，五點幾黎到車站天未完全光，便利店都未咁早開門，好彩琴晚已經買定今日早餐一陣上車可以慢慢食


短短兩卡列車乘客唔多，大部份人都係為左去睇鐵橋先坐上呢班咁早既火車






天慢慢光，見到今日原來天氣唔太好，好多雲而且又有霧，唔知一陣去到點呢？






又再見到彩虹


火車一路行由田園風景慢慢變為山區風景，又上山又落山慢慢接近我要去既地方




經過只見川即係就快要落車啦




一個半小時車程黎到「會津宮下站」，車站好細，係道落車既只得幾位遊客








好多台灣人泰國人黎呢道


有巴士去觀景台位置；距離下班火車到仲有好多時間我自己慢慢行上去仲好，好過坐係道戇居居等巴士


車站雖然細，但都有職員駐守




會津宮下呢道基本上都係得呢啲民居，係一個好寧靜既地方




路過一條橋，一陣返到黎再慢慢影佢




沿馬路慢慢向山上行，路唔斜其實好好行，只係今日落住雨要開遮就麻煩啲


經過頭先坐過既火車路


一路睇住咁靚既自然風景




接上大路繼續行


望出去既風景真係好靚，一路睇一路行完全唔覺得攰


見到前面道之駅即係就快到，如果坐巴士都係呢道落車；由火車站行到上黎用左40分鐘，我又行得慢又掛住影相先行左咁耐






繼續向前行去觀景台位置，被濃濃秋天氣息包圍








路鋪得好靚，只係落雨行泥路要特別小心




呢道有四個唔同既觀景台，我去到第三個C位置就停低算lu，上邊仲有一個D位置更加高相信景色會更開揚，但我諗自己部相機又冇長鏡，上高啲其實都係影唔到啲咩，留係呢道又有位企又比啲樹圍住慢慢等下仲好






啲樹好似七彩畫框一樣好靚架，望落下面條橋都望得好清楚，只係有時大霧既話就咩都望唔到






仲有幾個人陪我一齊等，大家都係等火車出現


我一路係道玩電話，突然間見到其他人不停影相，原來部火車已經出現左！係我自己計錯時間計慢左幾分鐘，好彩都叫影到部火車...


等多一陣另一個方向既火車都會出現，有兩次機會可以影；如果好天既話可以影到火車同橋係河上既倒影，今日呢個天氣當然冇可能啦


火車走左大家都離開啦，我就再向上行睇下上面係點，其實行多一分鐘就去到D觀景台，就係咁樣




呢道都係好清楚可以見到條橋架






D呢道仲可以睇到另一條橋，不過距離有啲遠，要部相機zoom等好勁先會影到




慢慢行返落去啦


道之駅呢道都係咁多台灣人泰國人；呢道除左頭先幾個人坐火車之外其他人都係揸車到，因為呢就交通真係唔方便，如果火車唔坐五點幾個班基本上唔會影到火車，揸車就方便好多幾時黎幾時走都得


又再慢慢行返落去，繼續感受秋天氣息






又去返頭先經過既拱橋，可以一次過影到三條咁多架，上下兩條係行車，中間個條係行火車






仲有時間就四圍行下，去完郵局又去便利店，便利店都特別




再行埋落河邊，都係好靚既風景






差唔多時間返返去火車站，好多人等車






今次火車有三卡，坐左好多人，不過呢團長者坐左兩個站好快就落車




又再經過只見川




見到平地即係就快返到去啦




見仲有時間唔想咁快返東京，咁就決定去會津若松城行下，最近既站係「西若松站」，火車去到個時望一望，附近成個鄉村咁突然唔敢落車，咁都係算啦坐多一個站去「七日町站」落，我知道七日町多鋪頭應該會熱鬧啲


「七日町站」感覺上仲細，既然都黎到咁就照行出去啦，由呢道行去會津若松城遠少少大約三公里


出面係有好多鋪頭，但人就唔多個




行行下見到有間吉野家即刻入左去，全日都凍冰冰終於可以食到一碗熱飯，講緊已經差唔多三點


「會津若松城」又叫「鶴城」，呢道都睇到紅葉風景




見到城堡啦，冇時間入去慢慢睇，係外面欣賞下就夠




四圍環境都好靚，感受到濃濃秋意


















有時間比我慢慢行返去酒店




係酒店拎返行李就去火車站等火車啦，今次紅葉旅程所有紅葉景點都去晒啦






先坐火車去「郡山站」，再轉新幹線去「上野站」，最後返去今晚住既地方「鶯谷站」




放低行李後就去搵野食，諗起東京站有好多拉麵店就過去睇下，順便去新幹線月台睇火車






呢道有唔同既拉麵店，今晚想食得清淡啲所以就食左呢碗鹽拉麵；其實今日突然間牙痛唔係幾食到野，食呢碗拉麵都食得好辛苦...






食完就返去休息啦


今日又感受到好靚既秋天風景，又係滿足既一日，好開心可以秋天黎到咁靚既東北地方