成都﹑九寨溝﹑重慶12天遊 @ 2012 秋

秋天係去旅行既好日子，天氣清涼又可以欣賞美麗秋色，每年都好期待秋天到來！今次原定計劃去婺源﹑宏村，睇好靚好靚好 既紅葉，但諗諗下婺源個邊交通都幾煩，一個人去包架車又好似唔係好抵，坐巴士班次少時間又難就，呢樣野研究左好多日都仲未有結果...就係研究緊婺源既時 候，有一日半夜咁岩比我留意到深圳飛成都既機票突然減價變到只係二百幾，就即刻手快快買左先算，起碼去四川既準備冇咁複雜，以前又去過大約都知道成都既環 境，所以可以安心等出發；由買機票至出發其實只係大約有一星期時間準備，好快就去到出發既日子，又可以去四川啦，仲有想去好耐好耐既九寨溝


成都﹑九寨溝﹑重慶12天行程：
Day 1： 香港 - 成都
Day 2： 成都 - 洛帶古鎮
Day 3： 成都 - 熊貓基地
Day 4： 成都 - 九寨溝
Day 5： 九寨溝
Day 6： 九寨溝
Day 7： 九寨溝 - 成都
Day 8： 成都 - 錦里﹑人民公園﹑闊窄巷子
Day 9： 成都 - 黃龍溪古鎮
Day 10：成都 - 重慶
Day 11：重慶 - 磁器口古鎮
Day 12：重慶 - 長沙 - 香港
   成都住宿 -- 成都懶骨頭青年旅舍
   九寨溝住宿 -- 九寨溝自由國際青年旅舍

12/11/2012

第一天

今次係第一次由深圳機場坐飛機出發，所有預早個半鐘到機場；由於今次坐夜機，先係香港食個下午茶慢慢出發都未遲；由深圳坐地鐵去機場足足有30個站，真係一個好漫長既路程，要坐個幾鐘，不過坐地鐵始終都方便，唔洗擔心塞車，落車行過天橋就去到機場


到機場check in既時候，地勤強迫要我拎個背囊去打包，無啦啦要去搵幾條繩扎住都唔知有咩用，搭咁多次飛機都未試過...就咁就比人屈左10蚊...搞掂拿拿聲入去等上機


都好多人去成都bor，成都真係一個好地方


飛機係7點鐘準時起飛 ，竟然冇delay，very good


其實個地勤都唔錯既，比個咁舒服既位我，前面冇野擋住對腳點向前伸都得


平時都係坐廉價航空多，唔好話野食連水都冇得飲，難得今次有個正正常常既飛機餐，可能因為肚餓覺得真係好好食，仲有無限refill既可樂，好耐都未試過啦


準時飛到成都機場，即刻搭巴士出市區，成都我又返到來啦


巴士大約半個鐘就到市中心落車，要再搭地鐵先到青年旅舍


今次搭夜機都可以準時真係好難得，如果飛機delay半個鐘既話就趕唔到搭地鐵啦，到時就只可以搭的士去旅舍；搭的士其實問題唔大，但成日比D的士兜路兜到煩，一係就拒載，所以冇咩野都唔係咁想搭的士；地鐵搭2個站落車，一出地鐵站就到懶骨頭啦，真係好方便；呢間青年旅舍真係好舒服，我住過咁多間旅舍最鐘意 就係呢間，所以今次都選擇住係懶骨頭，下次再去成都既話我都要繼續住返係呢道


去到懶骨頭，放低行李上一陣網就已經好夜啦，要早D訓覺第二日早D起身去玩先