台南。安平樹屋﹑安平老街﹑夕遊出張所

< 台南﹑阿里山﹑高雄5天遊 >

第四天（續）

安平除左安平古堡之外，仲有好多地方值得參觀，而家首先搵個地方食午餐，下午繼續遊覽安平區


要食好野，首先要穿過有三百幾年歷史既安平老街（延平街），延平街係當年荷蘭人係安平修建既第一條路，又有「台灣第一街」稱號；而家安平老街係遊客必到既地方之一，有手信鋪亦有百年老店，不過我要先去搵食只係好快咁行過安平老街




老街好多人








老街好多呢啲蝦片賣


今日午餐地方就係安平好出名既「周氏蝦捲」；好多時太過出名既餐廳都唔一定好食，不過呢間係台灣朋友介紹，我諗唔會差既？




有唔少人排隊bor，睇落全部都係台灣人，咁一定冇去錯地方啦


呢個就係招牌炸蝦捲，叫左兩份總共NT$120；可以用三個宇形容，「好好食！」


仲叫左兩碗擔仔麵，有濕有乾，每碗NT$50，不過我唔係太鐘意呢種麵質，分唔到好唔好食...




咁岩安平做緊pomo，好多店鋪買滿100就送入埸卷，可以慳50入場費架！但我地食左二百幾蚊先送得一張，唔通要分開買先得？（都好過冇）




天氣咁熱最好就係食甜品消消暑，食完蝦捲再去食甜品


穿過小巷去到一間廟旁邊就係我要搵既地方




台灣朋友推薦我黎「安平貓車站」呢道食雪糕




呢道咁可愛緊係食環境架啦


就算唔黎食野，好多人都會黎影相留念


除左雪糕之外仲有咖啡同其他龍貓相關記念品




山長水遠去到冇理由唔食既，哈密瓜雪糕NT$70一枝；呢道既雪糕叫霜其淋，同冰其淋係唔係唔同架？


坐係樹下食雪糕真係透心涼，同出面大大個太陽好大對比




行返去老街個邊，行入一個叫「劍獅埕」既地方






入面冇咩特別，係賣野既地方




安平老街呢間蜜餞係老字號，次次行過都好多人排隊，最後都係買唔到






經過一間叫「海山館」既古蹟建築，清朝時海山館係朝廷水師會館






保留住中式風格




呢道已經活化成售賣特色記念品既商店，吸引到人參觀又可以持續保育，一家便宜兩家著




向安平樹屋個邊行去








話咁快就黎到安平另一個特色地方「安平樹屋」




安平樹屋入場費NT$50，用頭先食蝦捲送個張免費飛都可以入去




話明係樹屋就緊係有樹又有屋，其實呢道係一個由樹+屋組成既廢墟




樹中有屋屋中有樹，兩者已經二合為一




安平樹屋最早係德記洋行倉庫，日治時間又做過日本公司倉庫，戰後改為台鹽倉庫，最後荒廢左就變成而家咁












有個觀景台伸出去，出去望望先




觀景台望出去係河同好大既濕地，環境好靚






大家睇魚睇得好開心咁bor




望返安平樹屋，啲樹大到見唔到屋


行返去樹屋，可以上樹屋頂參觀，屋頂一樣係比樹佔據










安平樹屋同安平古堡一樣係有導賞員帶領參觀，可惜參觀時間唔多，唔可以聽導賞員慢慢講解啦，只係自己隨意行下咋


行多陣就走lu






樹屋旁邊係德記洋行






入面係一啲舊擺設同展版介紹，冇咩特別就唔影相啦，想了解歷史可以係道慢慢睇，我覺得呢道最正既就係有冷氣，咁舒服會唔想出去曬太陽


德記洋行旁邊係朱玖瑩故居（朱玖瑩係書法家黎架），我孤陋寡聞未聽過呢個大名tim










入面咁有藝術氣息唔岩我呢啲粗人，走人先






參觀晒所有野，離開安平樹屋


向下一個地方前進，經過怡記洋行舊址，怡記洋行只係得返呢個標誌，咩建築都冇晒


有沙池玩咁開心，呢十幾年都冇見過香港有呢啲沙池玩...




見到下個目的地啦


去到日式建築「夕遊出張所」




未去之前見到夕遊出張所呢個名以為係同夕陽有關，事實係呢道同夕陽應該冇關係，夕遊係日文「鹽」既讀音，呢道由以前日治時期到民國時期都同鹽有關


有得賣五顏六色既生日鹽






生日印都有，好識做生意




好多鴨仔丫






日式擺設


呢道有雪糕食，而且呢道既雪糕好特別，係有鹽既咸味雪糕，連咖哩味雪糕都有




咖哩就唔試啦，試試鹽味雪糕就好；雪糕都係普通雪糕，只不過係灑左啲鹽上去，食落咸咸地好有趣，食晒上層個啲鹽之後就變返一枝普通雪糕，都一樣好好食（點解台灣既雪糕會多塊餅係上面？）


食完雪糕就閃人，就快天黑








有得用鹽洗手，我都唔執輸刷乾淨對手先


離開時已經黃昏，清涼左好多唔洗再熱








有位台灣朋友已經係安平樹屋門口等緊我，即刻趕過去會合佢先


黎左台灣幾日都冇點買手信，就係安平呢道搵啲野買；安平其中一樣特產係蝦餅，買左好多包返屋企（我一塊都冇食過）




唔知係咩黎？




安平另一樣特產係「官財板」，朋友話佢好多油唔好食，我唔試lu


行到天黑




整返杯台南好流行既冬瓜茶




離開安平係一個大挑戰，台南啲的士都唔知去晒邊，call又call唔到，唔知搵左幾耐先上到車；上到車都有排等，呢個時間有啲塞車，慢慢塞住返去


晚餐去左一間日式火鍋店，環境靚食物又好食，最重要係服務超好，係香港我未食過咁正既打邊爐！


三個人分別叫左肥牛﹑雞同海鮮，每set都係NT$395，超抵食








呢餐好豐富


打完邊爐仲有甜品，飽到食唔落




火鍋店係林百貨旁邊，食完慢慢行返去hostel拎行李






拎返個大背囊就行去火車站，坐火車返高雄lu


係台南玩足一日，又到左離開既時候；台南除左歷史文化深厚之外，美食都特別多，今次冇時間試到好多台南美食，有機會既話要再返來慢慢玩（飛去台灣既時間仲快過我坐車返工，將來一定有機會再來！）