東京。飯能 登山少女 聖地巡禮

< 東京﹑富士山﹑飯能9天遊 >

第三天

聖地巡禮今日正式開始！除左電影電視劇會實景拍攝之外，日本好多漫畫都會以現實世界為背景，愛好者會去到拍攝地或取材地參觀，呢樣可以叫做朝聖或者聖地巡禮；今次旅程因漫畫<登山少女>而起，好自然會去漫畫主角所在到參觀一下，今日就會去到漫畫主要地方「飯能」

八點起身開始今日旅程（後悔太遲起身），係地鐵旁邊見到吉野家就入去食早餐，趕時間求求其其又一餐


今日東京市內交通靠呢張地鐵24小時pass，不過講真用一日pass都唔係話特別抵，東京地鐵係可以去到好多地方，但好多時要轉一兩次車先到，有時轉車仲要又上又落行好遠，去大路地方坐山手線會方便好多




坐左三程地鐵去到池袋（山手線一程直到），再轉坐西武池袋線去飯能，見下一班急行列車未咁快開先出去行下


池袋係購物區，咁早大部份店鋪未開，好在有藥房開左入去行行順便買定口罩野食，遲啲會用得著




飯能位於埼玉縣，屬於東京市郊地方，由池袋坐車去大約一個鐘；飯能最出名既地方應該係「兒童森林公園」，亦即係好多人叫既「姆明公園」，本來計劃左去架，可惜自己行得慢去唔切




未出飯能站就見到有好多漫畫裝飾，觀光案內所好多介紹都係以漫畫做主題，跟住啲介紹行就唔會錯




飯能係一個小城市，火車站對出就只係呢條冇咩人既小街道


漫畫幾個角色無處不在架




飯能商店街




商店街都係冷冷清清；呢道有好多傳統商店，和服店﹑雜貨店等等，可以睇到一啲遊客區見唔到既野






係呢道可以搵到佢地，當然唔會放過






除左我之外仲遇到另一位fans，哈哈


商店街咁多間鋪頭之中最重要就係呢間，遲啲先返黎買野




埼玉縣代表「夢馬」


下一站去到「飯能市中央公民館」，即係我地叫開既社區中心，入面有登山少女介紹，又係另一個必到既地方






留個言繼續去趕路




公民館旁邊係「飯能河原」，係河伴一個小小地方，假期時好多人會黎玩同野餐，夏天仲有煙花大會












有好多小朋友，仲有一大班小學生跟老師黎玩


有人係道BBQ，好香








由橋上望返落黎








沿路有好多花






下一個地方黎到「觀音寺」










大象呢個位係漫畫之中經常出現




繪馬都以漫畫做主題




同大象講再見




路過「恵比壽神社」






路過「郷土館」順便去廁所，入面有介紹飯能歷史，係一個認識飯能既好地方




好多花草樹木，環境好靚




飯能「中央公園」






終於到左今次旅程第一個要上既山「天覽山」；天覽山只係一個小山丘，慢慢行十五分鐘就可以行到上山頂，冇特別準備就咁行上去








山路大部份都好易行又唔斜






中段之後有兩條路，漫畫話左邊難行右邊易行，我緊係行右邊








行多一小段路，話咁快見到山頂




天覽山195米高，比屋企後山更低，而且起點感覺起碼有100米高，實際只係行左好少




山上有一個小小觀景台，可以睇到成個飯能風景同好多山，不過天氣唔好風景就冇咩啦，上黎吹吹風就幾舒服








坐左一陣，又係時候落山


離開觀景合由另一條「難」行既路落山，話就話難行一啲，其實只係石級比較高，條路高啲又直啲，應該唔算特別難行




就係因為太大意，落黎個時太大步拉親左邊膝頭仲痛痛地，驚過兩日行唔到山所以決定一定要買定對護膝，應該有好過冇掛？好彩痛左兩日之後冇咩事


幾分鐘就落返山啦，上山既人唔多，每次遇到其他人佢地都會主動同你打招呼，呢個可以話係日本行山禮儀之一，不過呢樣只會出現係少人既地方，多人既話就冇人開聲；係道最估唔到既係竟然有個西方人自己一個上山，唔知佢係唔係黎朝聖呢？




天覽山旁邊便利店都係聖地之一，出面已經見到有海報，入面將會有更大驚喜


呢道有一個小小展覽區，展出左好多好多好多關於登山少女既野，係呢道仲遇上幾個fans，哈哈；可惜展出既都係非賣品，唉...




















得呢小小野可以買


係便利店買完野，行去主角阿葵返工既「華彩菓」（真實叫「夢彩菓」），呢間係蛋糕店加餅店，入面賣既野好精緻架，偷偷地買左野返屋企送比妹妹，佢勁開心


鋪入面有好多阿葵出現架








之後去左以登山少女做主題既餐廳


入面都有登山少女既野賣，又忍唔住買左小小












除左買野之外，入得餐廳都食小小野啦，咖哩飯當係下午茶




食完野繼續行；連雜貨鋪都有漫畫擺設，呢套漫畫係飯能最好既代表


超級市場入面有煙花賣丫！




就快到主角讀書既地方「聖望學園」


穿過住宅區，學校就係眼前；學校比一道矮牆圍住，只要一跳就入到去架啦，哈哈




其實大門係打開，光明正大行入去都得，我好快閃一閃入去影張相




黎到呢個平交道，今日想到既地方大致上去晒（之後先記得去漏左一個），可以返去火車站搭車走人




經過東飯能站，呢道好少車返去池袋，冇入去繼續向前行




返到飯能站岩岩好六點，觀光案內所已經關門，冇得入去拎野，唉...之前上網睇過兒童森林公園五點關門，今次冇機會去啦，只好直接坐車返池袋




東京所有JR站都有印cup，正常邊有可能儲得晒！


朋友有工事處理先返去hostel，我要去新宿買野；地鐵都有急行列車，好快就去到新宿，好彩早一日黎過呢邊，如果唔識路要係地下街搵路一定好難


成功係八點前去到行山鋪，買到護膝同頭燈，富士山要用既野準備好啦


呢個富士山團咁貴既？


行完行山鋪再行左陣GU，坐地鐵返到入谷，入谷牽牛花祭官方時間已經結束，馬路都開返啦，不過行人路兩旁仲係好熱鬧，小攤檔仲開緊












穿過小攤檔，去便利店拎完野就返hostel，amazon送貨會唔會太快，琴晚先落單買野，今日已經收到！


今晚我都唔記得有冇食過晚餐啦，只記得今晚要執好行李同早啲訓，聽日一早就要起身出發，富士山我黎啦！