台東。美麗的綠島（下）

< 台東﹑綠島﹑高雄5天遊 >

第四天

成晚聽住雨聲，訓醒時總算停雨，算係一件開心事；今日天氣冇琴日咁好，多雲而少見藍天，但冇落雨已經非常好啦



整理好行李暫時放係民宿，大約九點出發，第一件事係去幫電動車換電，去返租車地方有得免費換




民宿比左每人50台幣早餐卷，就係呢間咁多人既小餐廳用，好快就搵到


都係食啲簡單早餐，叫叫下叫左好多野，每人食左一百台幣到啦，不過都係小食懶影相




呢個最得意，見到餐牌上有「熱狗一份」覺得好奇怪就叫黎試試，點知佢原來係一條切開既香腸


行出餐廳就係大海，呢個位琴日都黎過，今日多左好多雲






鋪頭都有鹿！


開始今日環島之旅，沿環島公路兜綠島一圈；一開始係平路，又闊又直，開到好快都唔多覺，好快就路過機埸同監獄




路過一個涼亭，對出就係大海，忍唔住停低欣賞




咁岩潮退可以落到海邊，見到琴日到過既燈塔




沿路行出去，不過超大浪唔敢行到最出，比浪打中一定唔洗返香港！








企係出面影左陣相，發覺啲浪越黎越高，係時候返上去lu


上車繼續沿環島公路向前行，去到「綠島人權紀念公園」，係一個認識歷史既地方




海邊呢幾塊形狀特別既石頭係當年政治犯做體力勞動工作時開鑿出黎




舊時呢個監獄專門監禁政治犯，保留有好多帶有政治色彩既標語﹑圖畫，黑暗時期好多無辜市民不幸係道受害，好在黑暗時代已經過去，而家變成比人反省歷史既好地方；紀念公園入面對呢段歷史有詳細介紹，而且有啲大，大到係要開車去唔同地方，想仔細參觀要預多小小時間












如果計住宿面積既話監倉係大過香港啲劏房...好多人慘過坐監......




咁多唔同建築冇時間一一參觀，只可以隨意參觀幾間






雖然成個環境好嚴肅，見到呢個突然覺得好好笑


以前既生活












今日遲起身時間有啲緊迫，唔可以睇咁耐要繼續環島行程






離開監獄後開始上山，好彩唔洗自己行






路過一個叫「小長城」既地方，可以行出去睇風險，但見今日咁既天氣都懶得行出去，係路邊望下就算




路邊位一樣可以望到綠島出名既「哈巴狗」同「睡美人」岩石，睇落都幾似架




落山時真係唔好開咁快，太快轉灣成部車會飄出去，好危險！


去到琴晚浸過既「朝日溫泉」，旁邊有個小山丘可以上；左邊個間屋仔就係室內溫泉


中間個小圓形就係全部人都迫晒入去既室外熱水溫泉


海邊個三個圓形都係溫泉，不過太危險唔開放比人浸


山丘上係一大片草地，面向東面係一個睇日出既好地方




無敵大海景！








呢道超級大風，就好似比八號風球咁大既風不停吹住，人都可以吹得走


一邊享受海景一邊享受揸車樂趣




見到前面咁多建築，即係就快環島一圈返到碼頭啦


還車前先搵地方食午餐，見路邊有間小餐廳就入去啦




就快要坐船唔敢食太多野，食碗麵就算


還車後返去民宿拎背囊，完成綠島兩日一夜行程要走lu；綠島呢個地方又好玩又充實，兩日行程都好豐富，又有好多新嘗試，今次大家都覺得冇黎錯；好彩大家都好滿意，作為搞手特別開心，而家見到面都不時會講下呢次旅行啲開心野，哈哈


坐2:30船返台東，已經早左成半個鐘到碼頭，但睇住我地將會搭個部「金星三號」開左出去，究竟發生咩事？？！


我都唔知咩事，啲職員指我地上另一部船，有得上船唔理咁多lu；船上已經有好多人，船尾冇晒位唯有坐船頭，一陣拋啲都冇計


好幸運今程船完全冇拋過，就好似坐船去長洲咁穩定，之前民宿老闆娘都話回程係順流會穩定好多，叫我地唔洗擔心，原來佢冇呃人；船上大部份時間都訓著左，訓到碼頭先醒，岩岩好


台東有藍天，同綠島差咁遠架


台東民宿老闆娘已經係碼頭等緊我地，車我地返民宿拎行李，再車到知本溫泉，好快就可以體驗台灣既溫泉酒店啦！