香港郊遊（1）

< 香港郊遊 >

自從今年興趣轉左去另一樣野之上，去旅行既興趣比以前減低左好多好多，已經好少留意旅行資訊，相信今年將會好少離開香港；要睇風景除左外國之外，香港一樣有好多吸引人既靚景，今年多左機會接觸香港大自然，要同大家分享下先得！

地點：石壁水塘 - 分流 - 二澳 - 大澳

二澳舊村感覺好特別，覺得自己唔似係香港，就好似入左深山村落一樣，好寧靜





二澳新村附近有靚海景，可惜岸邊見到好多大陸垃圾沖晒上黎，唉...




好多年冇黎過大澳，對上一次係幾年前黎做野先黎到咋；今日係假期大澳迫滿人，好彩無意中發現一間只有兩張枱既小cafe，老闆分享左好多故事，難得享受繁華之中片刻寧靜




又好彩咁岩見到大澳日落，超靚丫！




地點：南生圍

唔洗講都知呢道係南生圍啦




除左南生圍最出名既影相位之外，仲踩單車去左附近村落同魚塘，風景好靚，不過會有好多狗吠好得人驚！




地點：馬鞍山郊野公園燒烤場 - 昂平

昂平高原一大片草地環境好舒服，望住西貢海景，吹住清涼東風，頭頂仲有溫暖陽光，係會令人坐到唔想走




可惜今日空氣唔好視野唔好，望唔清西貢


昂平附近有塊「龍船石」，可以爬上去影相，上面仲可以望到好遠




地點：大嶼山水口半島

籮箕灣沙灘上既沙有黑色有黃色，就好似張抽象畫一樣


水口半島對出海景，可惜今日多雲


石壁水塘望向鳳凰山，山頂係雲上面


地點：飛鵝山

飛鵝山位置夠高，比山下高樓大廈高好多，感覺上有高高在上既錯覺；山上望到九龍同港島北岸風景，理論上風景好開揚好靚，不過今日食正大陸空氣污染，望到小小已經偷笑




難得仲見到日落




就算係曚查查既夜景都覺得好靚，好天一定超正




地點：大欖涌水塘

大欖涌水塘好多年前已經去過，風景係幾靚既，近年仲變成超熱門行山路線，就算今日唔好天都有好多人上山，我仲係山上遇到朋友，哈哈




冬天都有紅葉？不過呢啲紅葉同外國紅葉比差太遠啦


好懷念呢個電線塔，當年行毅行者經過呢座塔就代表終點在望，仲差小小就到大棠終點


地點：八仙嶺

由大美督望向八仙嶺，八個山峰都見唔到，又遇上大霧天氣，今日唔落雨已經好開心


由八仙嶺半山望返去大美督


上到八仙嶺山上當然係大霧到咩都見唔到啦；行行下變到好奇怪，左邊大美督係大霧，右邊既山就冇霧，山路若隱若現就好似仙境一樣，好特別架




地點：東梅古道（東涌 - 梅窩）

由東涌經「東梅古道」行去梅窩唔洗上好高既山，路程好輕鬆；小山丘上可以望到梅窩全景，我係今日先知梅窩係有咁多平地同村屋


路過已經封閉既「銀礦洞」


仲有「銀礦瀑布」


梅窩有好多牛！




銀礦灣泳灘有好多外國人曬太陽，成個梅窩都好多外國人




地點：赤柱

赤柱軍營旁邊有路上山，山上望到大潭灣風景，好天既話風景應該好靚，可惜今日又係大霧...話時話我經常都遇到唔好天


黎呢道係為左睇「犀牛石」，現場睇好似犀牛


好多年冇黎過赤柱，借今次機會做返次遊客係赤柱慢慢行