日本關東。東京﹑箱根﹑飯能8天紅葉之旅。2016。秋

< 東京﹑箱根﹑飯能8天遊 >

我好似未正式去過日本睇紅葉，之前係京都見過差唔多灰晒既紅葉都覺得好靚，今次就專登揀秋天去日本，希望可以見到靚紅葉；東京紅葉理論上十一月尾係最靚，但買機票時仲係夏天冇留意咁多，買左十一月中機票，等到紅葉預報出左之後再計劃行程，最後變成今次雖然話係東京旅行但實際大部份睇紅葉既地方都唔係東京，不過日本交通咁方便去邊都冇所謂啦


日本關東（東京﹑箱根﹑飯能）紅葉之旅八天行程：
Day1： 香港 - 東京
Day2： 東京 - 箱根。強羅﹑大涌谷﹑蘆之湖
Day3： 箱根。強羅公園﹑大涌谷 - 御殿場。outlets - 東京
Day4： 東京 - 飯能。兒童森林公園﹑東鄉公園紅葉祭 - 東京
Day5： 東京。高尾山
Day6： 東京。築地市場﹑明治神宮外苑﹑你的名字朝聖
Day7： 東京。日比谷公園﹑原宿﹑花園神社大酉祭
Day8： 東京 - 香港
箱根住宿：B&B Pension Hakone
東京住宿：池袋Airbnb

二零一六年十一月十七日出發

第一天

今次坐夜機出發到東京羽田機場，黎到時機場好寧靜


第二天

朝早去到箱根，正式開始紅葉之旅；箱根登山鐵道﹑登山纜車兩旁已經有紅葉出現，第一次見到咁多紅葉好開心架，之後遇到既紅葉仲越黎越靚


上到大涌谷冇紅葉，不過就好大煙同好大硫磺氣味，感覺火山口就係旁邊




再次見到富士山！


蘆之湖風景好靚，湖邊有靚紅葉




唔一定要去宮島先睇到水上鳥居，箱根神社對出湖邊就有一座


太陽落山啦，其實而家四點都未夠


第三天

唔洗專程去邊道，行出酒店已經可以感受到濃濃秋意，紅葉無處不在






箱根強羅公園，都係紅葉靚景




雲海丫！


箱根一街都係紅葉，隨便行都總有紅葉係身邊，真係一個好地方


落大雨唯有去避下，去左御殿場outlets，之前都冇諗住去


第四天

終於黎到我最鐘意既飯能市，上次唔夠時間今次仲唔比我黎到，就係呢道啦「兒童森林公園」，即係好多人講既「姆明公園」，秋天黎到更有童話世界feel




路邊一個普通公園都好靚


飯能東鄉公園係觀賞紅葉好地方，今日咁岩有紅葉祭，一定唔可以放過




今次旅程之中覺得呢道既紅葉係最靚，成個山都係又紅又黃唔同顏色既葉，超靚！




黎到飯能緊係唔少得朝聖


第五天

高尾山係東京觀賞紅葉熱點，我又再次黎到


高尾山紅葉係靚，不過今日天氣唔好，而且琴日又睇過更靚既紅葉，覺得呢道都唔係咁特別姐，哈哈




第六天

朝早黎到築地市場，都係睇下就算，冇野岩我食




明治神宮外苑全部都係金黃銀杏，好靚




又到朝聖時間






第七天

日比谷公園有菊花祭，可惜遲左一步活動上午已經完結，菊花都搬走左好多


公園有小小紅葉




原宿竹下通人山人海，見到啲人頭都驚


花園神社有祭典活動，一樣人山人海




夜晚終於返到機場


第八天

今日坐凌晨機返香港，返到香港仲未天光，佢都好似未訓醒咁樣，哈哈


今次旅程實際玩左六日咋，不過已經去左好多地方，睇左好多靚紅葉，睇到唔想再睇，所以最後一兩日有啲計劃左去既紅葉地方已經冇去，留返下次再有機會先去啦；旅程中有兩日落雨，高尾山仲落得大過上次，睇黎呢個地方唔係幾鐘意我？不過今次睇到咁多靚紅葉非常滿意，好滿足！

~ 待續 ~