廣島。大久野島（兔島）

< 福岡﹑廣島﹑尾道﹑山口6天遊 >

第二天

今日主要去既地方係兔島同尾道，去兔島既鐵路班次唔多又要轉車，想多啲時間玩今朝好早就出發啦



酒店係河邊，環境好舒服


六點幾太陽岩岩升起，今日天氣睇黎唔錯




渠蓋好靚


由廣島站出發可以直接坐吳線到碼頭，但要兩個幾鐘，亦都可以先坐新幹線再轉吳線，一個鐘多小小就到，有pass坐車唔洗錢緊係揀又快又舒服既新幹線




一直都好想試試呢啲係月台上既立食麵店，個feel好正，可惜一直未有機會


先由「廣島站」坐到「三原站」，車程大約三十分鐘；車上乘客唔多，一路食早餐一路望住窗外風景，半個鐘好快過




沿路好多農田，好鐘意呢啲鄉村地方




三原感覺上係一個唔出名既地方，如果唔係黎轉車既話唔會係呢道落車，更加冇諗過要黎呢道，對三原既印象就只係山陽新幹線其中一個大站






呢個應該好出名，仲有八爪魚係三原都好似好出名


轉在來線列車向兔島前進


列車沿海邊行駛，有時候仲緊貼大海，望出去就好似坐船一樣，風景好靚






大約二十分鐘車程去到忠海站，係一個小車站，但唔知點解會有咁多學生落車




落車第一樣做既事係去旁邊便利店買野，就算我唔食兔仔都要食架！有紅蘿蔔﹑生菜﹑兔糧選擇，知道呢道有得賣所以早一晚懶買定，當然預先係超級市場買會平一啲




車站附近除左便利店之外就冇咩鋪頭，係一個寧靜地方




幾分鐘行到「忠海港」，係一個小小既碼頭；買好來回船飛等上船






船既上層係座位，下層係車位




天氣熱有冷氣涼好舒適




我坐唔定出去吹海風一樣好舒服，可以係上層四圍行，睇景影相都係咁正






一落船就見到有兔仔係碼頭等大家，好多人已經出動玩兔仔，不過數量唔多唔夠玩，先留返啲食物






碼頭有免費穿梭巴士接去島上渡假村，同其他人一齊上車出發


落車就見到好多兔仔啦，大家分頭去唔同地方同兔仔玩，啲兔仔好醒目見到有野食就圍住大家開餐






我當然唔執輸，即刻拎棵菜出黎引堆兔仔過黎自己呢邊！






行去邊都總有兔仔係身邊，多多野都唔夠佢地食，哈哈




倒堆兔糧落地即刻過晒黎




兔仔見有鷹係天上飛過即刻跑晒去樹下，好醒目


渡假村環境好靚






玩左好耐，行返去碼頭lu




以前大久野島島上有毒氣工廠製造毒氣，係一個好恐怖既島！而家當然冇晒呢啲恐怖野啦，得意兔仔就有好多，如果想了解歷史島上有資料館介紹同有好多遺跡參觀，不過長輩們冇興趣我都冇得睇lu


估唔到沿路都有好多兔仔，唔知呢邊係唔係少人行，啲兔仔好似特別餓，未行到去都企晒出黎等我；佢地應該有晒地盤，唔同堆既兔仔行到某個位就唔會再行，到另一堆會走過黎，好有趣






可惜之前喂得太多，黎到呢邊已經糧水不足，唔係好多野比佢地食啦，好對佢地唔住






沿海邊行，風景靚又舒服








去到碼頭仲有小小時間，再行前睇下，呢道有啲舊建築遺跡










大久野島好大，我只係去左南面一少部份，島上大部份地方都冇去，不過以玩兔仔黎講已經好滿足，超多兔仔玩




船到啦，要同兔仔講再見啦


好快返到忠海港，好多人排晒隊等上船




忠海站冇出入閘機，可以自出自入，車站有地方比人休息等車，入去涼冷氣岩晒




又見到兔仔啦




好多人都望住車外海景






返到三原站之後，再轉車去下一個目的地尾道