2018年7月14日星期六

宮崎。青島﹑宮崎牛

 < 鹿兒島﹑宮崎﹑指宿﹑熊本6天遊 >

第二天(2)

去過霧島神宮,再次返到霧島神宮站繼續旅程,向東面出發到位於九州東南面既宮崎;去宮崎既目的係想睇下九州東面一望無際既太平洋,仲有就係想試試好出名既宮崎牛


由「霧島神宮站」坐特急列車到「宮崎站」大約個半鐘,火車座位好舒服唔經唔覺就到


睇黎宮崎係一個好多神話傳說既地方,但我咩都唔知




一行出火車站就可以感覺到宮崎好有熱帶氣息,望住啲樹就好似去左東南亞地方,當時宮崎呢道溫度舒服好多,就算陽光普照都係好清涼




黎到宮崎已經十二點半,今日時間緊迫即刻行去宮崎中央郵局


當然唔少得要買Gotochi明信片


宮崎郵局比鹿兒局既郵局方便好多,郵票放晒出黎比人揀,今日終於成功買到郵票啦


呢道仲有好多特別印放出黎比人吸,可惜冇時間慢慢玩,吸左幾個留念就走


郵局旁邊書局暫時冇時間行,留返今晚再算


去到呢條好多百貨公司既大街搵食宮崎牛既餐廳


餐廳入口比較隱蔽,行過左都見唔到,行返轉頭先見到;今次揀左黎呢間APAS餐廳,係網上算係好出名好多人都食佢,最重要係佢既午餐唔貴,兩點前黎到就可以食到,如果食晚餐就貴好多


宮崎牛連續幾次係和牛奧運會中攞到冠軍,質素唔輸神戶牛松板牛呢啲出名既名種牛;一點半去到食客唔多,即刻可以入去開餐




叫左¥2499既套餐,可以自己出去拎沙律食,可以叫一杯飲品,係一杯奇怪既橙汁


廚師會係面前烹調美食,又食得又睇得


食牛之前先黎一碗新鮮煮好既湯


跟住就到牛啦,係煮之前廚師拎碟牛肉到我面前介紹,上面寫住出產牧場


我既牛肉煮緊啦,仲煮到著晒火!廚師好好人係點火之前提醒我準備影相




宮崎牛煮好,就係呢四粒,係好食既


食食下既時候見廚師又開始煮野,原來係炒呢碟芽菜


廚師見我差唔多食晒又郁手,開始煮另一舊牛肉


牛肉紅紅地見到都流晒口水,呢幾粒超好食!


放牛肉既麵包吸左咁多牛肉汁係唔會浪費,最後做成呢份咁靚既甜品,超好食


滿足既一餐;再次返到官崎站上車去下一個地方


火車款式比較舊,車上風扇都有




路過官崎機埸;呢條路線班次唔多,有時候超過一個鐘先一班車


大約半個鐘車程去到「青島站」,係一個小小既無人車站




由車站行出黎都係感受到好有熱帶風情,種滿熱帶植物


經過一排手信鋪就到海邊,對面就係一望無際既太平洋




海邊係一個好大既沙灘,而家呢個又凍又大風既時間當然唔會有人游水,夏天一定熱鬧好多




「青島」實際係岸邊對出一個小島,通過「彌生橋」可以去到


係海邊同青島四周都見到一種叫「鬼之洗衫板」既獨特地貌,岩石就好似洗衫板一樣一條條直線向海申出








行過彌生橋就去到青島,被鬼之洗衫板包圍;青島另一個特別地方係島上生滿亞熱帶同熱帶植物,係溫帶既日本黎講係好特別,好彩呢道既溫度唔似亞熱帶


見到鳥居即係就到神社,島上「青島神社」有過千年歷史,曾經係普通人禁地






青島神社係熱帶樹林之中








匆匆行過神社,出黎時已經黃昏,太陽就快落山


青島最吸引我既地方係碧海藍天,呢個時間氣溫仲好舒服,好鐘意呢個地方








最後影多幾張相就離開呢個咁靚既地方










小小既青島站






返到宮崎即刻去返商店街個邊,六點多啲條街已經好靜


即刻去animate行行,呢間大過鹿兒島個間


之後去書局行,超大間


沿路有聖誕裝飾


八點前返到宮崎站,準備坐20:08火車返鹿兒島,夜晚冇特急列車,只可以坐普通火車,26個站要坐差唔多三個鐘,係一個漫長旅程


仲有時間影下火車先






普通火車舒適程度同特急列車冇得比,咁岩又坐左個倒頭位,坐咁長時間又訓唔著係有啲辛苦


今晚冇時間食飯,只係食呢個咋


差唔多十一點返到鹿兒島站落車,今日最後既任務就係去火車站旁邊既FamilyMart買野,買兩個烏冬有一個「動物朋友」file送,係妹妹要求之下買左十個,所以之後幾日都要不停食烏冬,明明啲烏冬好好食都食到怕




除左烏冬外買其他指定野都有動物朋友禮物送,買左好多野




買到成十二點半先買完,返到去都差唔多一點,今日由未天光玩到半夜,係好充實既一日

4 則留言:

  1. 你終於都回歸BLOG界^_^個女廚師好有型^_^睇落幾靚女^_^嘩﹗你好錫細妹呀,個10個烏冬食得晒?要帶回香港嗎?

    回覆刪除
    回覆
    1. 我返黎啦~廚師好靚女架,煮野食仲超型~
      烏冬食唔晒,食左幾個同請人食左一個,拎左三四個返黎~

      刪除
  2. 嘩嘩嘩.....好久不見你寫新blog,有冇去long trip玩?
    有冇食埋牛肉下面塊面包?原汁原味wakakaka....
    海邊和回到市區都不多人,感覺舒服呢
    烏冬都可以拎返來慢慢食唔駛一次食咁多咁辛苦:P

    回覆刪除
    回覆
    1. 好耐冇見啦:D
      可惜冇去過long trip~
      麵包當然有食啦,廚師用麵包做成甜品超好食~
      唔多人真係好~
      開頭怕啲烏冬太大阻住行李位置,所以食到幾多就幾多:(

      刪除