東北紅葉。秋田。角館武家屋敷﹑抱返溪谷﹑秋田內陸縱貫鐵路

< 日本東北紅葉之旅 >

第三天

角館係一個小城鎮，冇高樓大廈只有美麗自然環境，春天櫻花盛開同秋天紅葉都會吸引好多遊客黎到角館，今日一朝早趁住其他遊客未到就開始係角館四處遊蕩


角館住係呢間小小民宿，只有三間房，係呢度好舒服過左一晚




今朝六點幾就醒左，七點多啲就出發，民宿有單車可以借用， 係塊板寫低個名就可用得


係門口自己拎單車


今早天氣唔多好，多雲之餘又有微雨，要帶返頂帽先開始我既單車旅程


民宿本身係一間餐廳，可惜佢要下午先開門無緣食到


離開民宿後向河邊踩去，除左有少少住宅之外其他地方都係大自然環境；河既兩岸係綠色，遠處既山有啲雲霧，係一幅好靚既風景






有小路可以沿河邊踩，風景又靚又踩得舒服






河邊好多呢種生果


河兩岸都種滿櫻花樹，春天黎到一定會更加靚




過橋去返角館市鎮中心位置，感受到陣陣秋天氣息






去返琴晚去過既武家屋敷位置，日頭先留意到原來呢道啲樹咁大棵，馬路兩旁都係大樹，就咁睇落去條路都覺得靚；早兩年呢個時候好多樹葉已經變左紅色，今年有啲可惜就只係咁咋，雖然而家都覺得靚，如果係紅色既話一定會更靚更震撼




單車係大樹之下顯得非常渺小


係條街隨意亂影








有啲武家屋敷可以入去參觀，不過咁早唔會開門啦，只可以係牆外偷偷睇下裏面環境






樹係建築物襯托之下特別靚








難得有少少楓葉變成紅色




一路睇一路踩去另一條街，呢道多少少色彩，有綠色有紅色亦都有少少黃色














繼續一路行一路睇，去到八點開始多啲遊人出現，我都差唔多睇完lu，慢慢踩返去民宿，雖然睇唔到最靚既紅葉景色，可以係角館自由自在踩單車已經係一件好開心既事


返去民宿之前順道係便利店買個飯團當早餐，呢個好香咖喱味




食完飯團拎齊行李再次出發，行返去火車站開始下一個行程；中途見到一個小市集，又有生果鋪，蔬菜生果睇落好新鮮




九點半角館站附近人唔多








先去內陸線角館站買定一陣要用既pass；只要有JR Pass就可以任何一日都買到內陸線假期限定pass，可以慳返小小車費




買完pass行出黎見到巴士站已經有人排緊隊，我都即刻行過去排定先，我都怕會多人所以早左20分鐘黎到；紅葉時間角館站每日會有四班免費巴士去「抱返溪谷」，第一班係十點出發，我就係想搭呢班，巴士站寫明每次只有51個座位，上唔到就冇啦






兩部巴士黎到接載乘客，有的9:55黎排隊既人已經上唔到車，好彩我冇問題順利上到




開車前司機問車上邊個係日本人，結果得兩個人舉手，車上大部份都係台灣人


沿路都係農田風景


大約15分鐘車程就黎到，呢道都係又多雲又落雨，雨有時好大，想唔開遮都唔得


溪谷入口有好多小食攤位






前面山谷就係「擁抱溪谷」，以前呢道既山路好窄，當兩個人相遇時需要互相擁抱對方先可以過到，所以就有呢個名，而家既路當然闊左好多唔需要咁做啦




入口係「抱返神社」，冇去參觀繼續向溪谷行去


啲水藍色架


行過吊橋「神之岩橋」




橋上風景






呢道都係黎得太早，山上好多葉都係岩岩開始變色，仲未係鮮紅


山道鋪得好好，不過係碎石路，好彩我着住行山鞋行得好舒服，如果鞋底薄啲應該會行得好辛苦


見人就咁飲啲水




河水係清澈藍色，配上唔同顏色既樹葉超靚






再過一條小小吊橋




沿路都係好靚好原始既山谷美景，越向前行樹葉顏色越豐富，係呢個天氣唔好加上唔岩時間既情況之下見到咁既景色已經覺得好滿足








條路變得更窄更多碎石，遊人唔多所以都行得好舒服；係山谷入面收唔到電話訊號，可以細心欣賞風景




話咁快就行到盡頭


盡頭呢道係「回顧之瀧」，係一條好高既瀑布，瀑布配上黃色樹葉又係一個靚景










黃色楓葉




欣賞左十零分鐘，係時候行返轉頭啦，又可以欣賞多次抱返溪谷靚景














再次走過既吊橋棧道




過埋紅色吊橋就返到去神社




離開抱返溪谷天氣開始轉好，竟然見到藍天！


穿過小攤檔返去排隊上車




怕上唔到車所以預早左25分鐘黎排隊，係擁抱溪谷慢慢行行左大約1小時45分鐘


順利上到今日第三班12:30免費巴士返角館站




角館站呢邊天氣非常好，有一個好靚既藍天，估唔到只係一陣天氣就由多雲有雨變做藍天陽光普照






一陣將會坐期待左好耐既「秋田內陸縱貫鐵道」，亦即係「秋田內陸線」，內陸線班次唔多，下一班車要個幾鐘之後1:58先開車，而家先行去郵局買下野




郵局睇落好大間，買左明信片同郵票之後就行返去火車站


今次唔係搭JR，要行去另一邊既內陸線角館站上車




終於見到內陸線既火車啦，有兩卡車廂，前面個卡係私人包車唔入得，普通乘客就上呢卡紅色車




車上已經有好多乘客，好彩比我坐到個窗口位




好多秋田犬


好想冬天黎坐多次秋田內陸線，全部都係雪超靚




買左午餐上車慢慢食，一路望住靚景一路食野超開心


旁邊都有乘客食緊午餐


窗外風景就係咁靚，好鍾意呢種田園景色，望住個窗睇幾耐都唔厭












我揀左左邊位比太陽曬住，哈哈


窗外根本就係一幅畫


向車長小姐買左呢張入場卷，「前田南站」好重要架


去到「松葉站」有一大團台灣人落車，車廂即時少左好多乘客；松葉站附近既「田澤湖」係日本最深既湖，今次冇機會去參觀，而田澤湖附近就係秋田好出名既溫泉區「乳頭溫泉鄉」，可惜我早兩個月睇都已經book唔到溫泉旅館，想住都冇得住






繼續欣賞大自然美景












車長會沿路介紹風景同當地文化








「笑內站」同埋特產笑內饅頭




秋田內陸線有八個影相好地方叫「內陸線八景」，本來係有諗過落火車去唔同既位置影相，後來因為用左朝早時間去抱返溪谷，要下午先上火車，咁就唔夠時間係咁多景點落車影相，只可以係車上睇風景；內陸線火車最快都要個幾鐘先一班，落一次車都已經天黑lu




差唔多個半鐘車程去到內陸線中途最大車站「阿仁合站」，列車會停幾分鐘再繼續出發


停左好多唔同既列車




紅色呢部就係我搭緊個部


成個車廂都係秋田犬




繼續向北出發








坐左兩個站終於到我落車，呢個係一個好細既無人車站，車站設施就只係得月台同一間小小候車室，附近地方全部都係農田


呢道就係「前田南站」！三葉上車既車站！


小小候車室打理得好乾淨，入面最重要就係口嚼酒同埋留言簿






留言簿畫左好多可愛既三葉








睇睇下走左個職員入黎放宣傳單張，唔知而家呢道仲多唔多人黎呢？


慢慢睇睇到四點幾，天色開始轉暗，我都係時候離開，下班車有排都未到出去行下仲好






最重要既影相位就係車站前面對出既地方，不過我係後門落車，而且一落車部車就關門開車，想係部火車開出前跑落去影相根本就冇可能，點跑都冇部火車開得咁快...






由小路轉出大路行，兩旁一樣都係農田，有時有車經過既時候個司機好似望住我咁，佢地會唔會覺得有個唔知咩人係啲唔應該有遊人既地方出現好奇怪呢？










呢個位係內陸線八景之一，只係冇火車冇雪冇雪山又天黑，風景同想像中差好遠


見到啲屋即係就到我要去既地方




啲屋設計好傳統






順利行到「阿仁前田站」




阿仁前田站最特別既地方係車站本身就係一個溫泉，不過我趕時間就唔係道浸啦


車站售票處已經關門，好冷清










火車準時黎到，只係得一卡，乘客唔多




天黑冇野好影lu；坐到去總站「鷹巢站」落車




呢道唔使再入閘，過條天橋就去到JR「奧羽本線」月台，即係我冇買到飛啦，哈哈...一陣落車就煩啦；兩班車轉車時間接得好好，等幾分鐘就有下班車到






去到「大館話」落車，今晚就住係呢道；呢道係秋田縣，見到好多秋田犬裝飾








咩黎呢？




由車站行去酒店好近，大約10分鐘就到，不過由車站行出黎條路勁黑，係黑到就算地下有個窿都唔會見到，我要開住電筒行；實際情況比係相入面黑好多




大約六點半就去到酒店，係旅程之中算係早啦






酒店房好唔錯，如果唔係冇冷氣應該會係成個旅程最舒服既一晚




唔比人開冷清！又唔可以開窗，最怕就係熱！


窗口望出去都係平房


秋天既溫度好舒服


酒店有溫泉，咁岩個溫泉就係我住果層，又咁岩我間房好近溫泉入口，放低行李休息一陣就去浸一浸溫泉；酒店有免費宵夜食，仲有可樂飲，浸完溫泉就落去食晚餐




係呢道食野，仲有好多漫畫睇




原來係食拉麵同白飯


食完晚餐又去浸多次溫泉，今日豐富旅程完滿結束；終於可以坐到以前覺得好遙遠既秋田內陸線，以前邊估到自己有機會黎到，今次仲順路去到「你的名字」聖地「前田南站」，一日就完成左好多願望；全日都欣賞住秋天咁靚既自然風景，今日又係好開心好滿足