吉隆坡美食遊（Part2）

< 怡保﹑吉隆坡﹑檳城8天遊 >

第三天

今日繼續去唔到地方開餐，好多美食等緊我架！



早餐由喱姐媽媽準備，係我鐘意食既炒麵，仲有飯tim，食飽後出發開始今日活動




去左吉隆坡市區呢條馬來西亞公共屋邨，外表睇落同香港舊式屋邨有幾分相似，咁多樹環境唔錯




近睇似工廠大廈


士多都有，好懷舊feel


上到去真係好似工廠；入面單位好大間，比香港公屋大好多，只係部lift又舊又慢又黑，感覺有小小恐怖




話咁快就到左開餐時間，去左呢間喱姐朋友開既餐廳，呢道外表睇落似一間酒吧，如果係門口行過一定估唔到佢竟然有飯有麵食


我又食炒麵啦，見到咁既顏色都知道好夠味


呢個係「怡保雞絲河粉」，河粉睇落好滑


「蝦麵」


「楊州炒飯」


「花雕醉雞」


「口水雞」


食完去左行商場，環境好靚，相信夜晚一定靚更多，而且夜晚唔會好似而家咁曬住太陽，清涼好多








兩層都係餐廳，不過仲好飽暫時唔洗食野住




旁晚時間去左夜市；台灣夜市就去得多，黎到先知道馬來西亞原來都有呢類型既夜市，而且係一個超地道，正常遊客唔會去既夜市；夜市有野食又有好多野賣，係當地人日常生活一部份


夜市係唔係一定要有炸雞扒呢？台灣夜市除左雞扒之外冇咩野令我有興趣，馬來西亞夜市就好唔同，好多野食都又特別又吸引，唔洗係道食雞扒




已經唔記得佢地叫咩名，總之好食就得




燒賣大粒又足料，仲有好多款式，忍唔住買左袋一路行一路食；呢啲唔係香港街邊既燒賣，而係茶樓食到個款，仲大粒過茶樓，價錢仲係非常抵食




春卷都特別大條，邊食到咁多野！


有好多野都想食，不過真係食唔落啦，只可以認輸，唯有用對眼睇當食左




















馬來西亞好多生果出產，中間白色個款特別多（香港應該冇得賣），不過我就覺得好難食，完全唔岩我口味；見到山竹就諗起上次黎馬來西亞時自己係酒店房食左一袋咁誇張


行行下好快就天黑




上次食過印度咖喱覺得好正，我同喱姐講想食咖喱之後喱姐就帶左我去食啦，又正宗又好食


夜晚都係由喱姐媽媽泡製豐富晚餐，我唔好意思影相所以冇得睇，哈哈

第四天

早餐去左中餐館開餐


陳設有小小懷舊味道，就好似細個時成日見到既餐廳，而家除左舊區之外應該唔會見到


竟然係用雞公碗！我應該係第一次用雞公碗食飯！


馬來西亞飲茶流行自己加冰落茶杯，飲凍茶超正！如果係香港飲茶時好似咁放冰入去，我相信一定會比人鬧到飛起


之前我都有講過我鐘意食粉麵，今餐又岩晒我；呢邊既飲食文化同我地有小小分別，呢個「肉碎撈麵」我諗香港冇掛？我未係香港見過有呢個食


呢個「滑蛋鴛鴦」都係未見過，佢地都係一樣好好食，好食到要叫多碟，今次食完唔知幾時先可以再食啦


「芭菇菜沙律」都係馬來西亞先有


「砂鍋田雞粥」應該香港好多地方都可以食到，個粥又綿又滑


餐廳位於華人區，所有招牌都有中文字，見到既人都係講同聲同氣既廣東話


食完早餐去到呢個有獅身人面像既商場






黎呢道係為左「Hello Kitty Cafe」；Hello Kitty Cafe之前去過兩間，估唔到吉隆坡都有順便黎睇一睇啦




Hello Kitty Cafe裝飾一定靚啦，成間都係Kitty想唔靚都幾難；呢段時間Cafe就只係得我地幾個客人，四圍走影相完全冇問題












下面影完上去上層繼續影










入到黎點都要食返啲野既，所有野都係行得意路線，花多眼亂之下有選擇困難，諗左唔知幾耐先揀到






所有野上面都有kitty，我地唔趕時間可以係呢間咁靚既Cafe慢慢歎




呢個商埸好大好大，我地行去另一個地方繼續開餐








香港已經冇左好多年既Wendy's竟然係呢道見到！


香噴噴既曲奇餅


黎左呢間咁靚既餐廳食tea










餐廳人唔多坐邊都得，我地揀左個最舒服既梳化位等開餐




第一次食呢款下午茶，我鐘意食甜品好岩我；一邊嘆茶，一邊食到咁多唔同甜品特別開心


我最估唔到既係甜品中間會有炸雞出現，都係岩我食，哈哈






商場既超級市場都係超大


下午茶之後返喱姐屋企，順便參觀一下屋苑環境，會所有大泳池比人遊水


別墅起係河邊，環境好靚，沿河邊散步或者跑步一定好舒服










晚餐去左吉隆坡市區一間海鮮酒家，裝修感覺好高級


我覺得呢道既野食好食過我係香港食過既所有酒樓，就好似呢個「黃金鬼豆苗」睇落唔特別，但係超好食，想像唔到平時食開既普通豆角可以煮出咁正既菜式，我食左好多好多


其他菜式大家都覺得好食，呢個係「炆豆腐根」


「黑椒雞粒」


「濕奶油焗蟹」


「銀魚仔炒飯」


「啦啦（蚵仔）炒米粉」


「銀絲卷」


呢餐非常正，又係滿足既一餐


今餐係為喱姐蝦子餅慶祝生日，Happy Birthday！


食過呢餐之後，吉隆坡美食之旅接近尾聲，成個旅程食左好多美食，仲要樣樣都係咁正，係一個超滿足既旅程；咁多日以黎好感謝喱姐同屋企人熱情款待，日日都玩得食得好開心，如果冇喱姐邀請既話都享受唔到呢個咁特別既旅程，非常感謝；我相信將來一定會有機會再去吉隆坡，到時又要再打搞喱姐啦